تفهم بكهرباء المنازل- المكيفات الخ أرجوووك أدخل

اعتقد مفتاح التشغيل للمكيف احتمال في ماس .. شوف هل هو حار وقت التشغيل..

او شيك على الاسلاك المربوطة في مفتاح التشغيل وشدها بقوة ولا تخليها مرخية ,, بس انتبه من الكهرباء ..

اذا كان فيش في الجدار احتمال الاسلاك تكون مو مربوطة جيدا من الداخل او فيش المكيف ضعيف

الاحتمال الاخير ان المكيف يكون يسحب كهرباء بسبب نقص فريون او مشكلة في الكمبروسر

اول شي المكيف اللي شريته ماهو هين 2 طن يعني يحتاج كهربا سنعة. هل الغرفة كبيرة؟

عندك 3 اشياء لازم تكون متوازنة مع بعض واي واحد منها ضعيف ممكن يسبب مشاكل او حريق لاسمح الله عشان كذا لاتهمل الشغلة:

1. الفيش: لازم يكون من النوع الجيد و المتين خاص بالمكيفات او الافران
2. البريكر اللي في الطبلون: لازم يكون يتحمل. اعتقد 30 امبير كافي للمكيف اللي عندك. اذا تبي تتاكد اسأل اللي شريت منهم المكيف.
3. الاسلاك اللي من الفيش الى البريكر: لازم تكون مقاس سميك مثلا اقل شي قيج 10 (نسيت كم المقاس بالملليمتر).

انا اعتقد ان المشكلة في الاسلاك ... يمكن ماهي سميكة كفاية و تسخن مع الوقت ولما البريكر يسخن يفصل

لابد لك من كهربائي فاهم يشيك على اللي ذكرته

الأسلاك لا بد 6 مم

والقاطع 20 كافي

وركبة دايركت بدون فيش ، ربط مباشر للأسلاك في بعض

وغير مفتاح التشغيل الى انقليزي وان شاء الله يظبط

واهم شي لا يكون في منور

الله يبيض وجيهكم ياشباب . أشكر كل من رد

اشبكه بسلك خارجي ممكن الاسلاك اللي بالجدار ضعيفه وكذلك التاكد من البريكر القاطع كم امبير . اذا كان الفيش ضعيف يحتر ويذوب من حرارته وليس من القاطع .

ماقصروا الأخوان كلن ادلى بدلوه لكن انتبه لايكون مشبوك على المفتاح اكثر من سلك بحيث انه يخدم اكثر من جهاز تاكد ولازم تفرغ للمكيف مفتاح خاص له واظن ان فيه سعة 60 موجوده بالسوق ركبها اضمن وسعره اتوقع مايتجاوز 30 ريال للمفتاح الواحد.
وبالتوفيق

رقم 6 ماقصرت
تفاجأت بعد فترة ان سبب مشكلة مكيف اسبليت الصالة ان خطه مسحوب من خط المطبخ
و طبعاً مشبوك عليه بالمطبخ الثلاجة ومكيف المطبخ ..
خفف الحمل على الخط أو سو له قاطع لحاله مع ماذكروا الشباب من اسلاك وافياش اصليه
موفق