بنتي ترفض الذهاب للمدرسه للاسبوع الثاني

من رأيي غيروا المدرسة لان واضح من كلامك بنتك مشكلتها او عقدتها من المرشدة فقط

بحكم عملي غير مدرستها افضل

الله يحفظها

لاتعقدونها

السنة القادمة افضل

طبيعي وقت وتتعود واذا فيه امكانيه تغيير المدرسه افضل ولو موقت

انتبه تغلط غلطتي
عااادي جدا
وش يعني لو فاتها سنه والا اثنين
فكر زين
زين
كل العالم الي تخرجو من سنوات ما تعينو كلهم في بيوتهم
زوجتي لها 18 سنه متخرجه من الجامعه
اختي لها 17 سنه متخرجه من الجامعه
وجالسين في بيوتهم


انا بنتي ضغطت عليها وكنت احطها في المدرسه واروح وتبكي وتبكي
الحين هي كبيره بس تخاف من ظلها وتحطمت شخصيتها ولا تقدر ترد على اي احد يتكلم عليها
اخوي بنته قالت منيب رايحه وتبكي قال لا تروحين نامي قعدت شهرين نايمه بعدين هي قالت ابي اروح للمدرسه قالها ما يمكديك السنه الجايه باذن الله ارجعي وانبسطي

الحين من الاوائل في دراستها وشخصيتها قويه جدا ولا فاتها شي وخيره يا رجال ما تدري وش الله رادك عنه

رأيي
انك تسوي التالي
1 - قل لها خلاص مافيه مدرسه متى ما تبين بلغيني اسجلك ولا تندم على الايام الي راحت اهم شي راحه وصحه بنتك

2 - غير مدرستها في المستقبل ضروري

3 - ابحث عن مدرسه فيها اقارب لك لانه بصراحه المدرسات شغالات عنصريه بحكم الخبره خلال سنوات

4 - حاول تطمنها خلال ايام جلستها وانتبه ثم انتبه ثم انتبه تقارنها بغيرها مثل شوفي فلانه تدرس انتي لا اكبر خطأ
انتبه


5 - لا تستعجل على التعب التعب جايك والسنين جايتك

6 - تدخل بنتك وهي اكبر الموجودات افضل من تكون اصغرهم عمرا وجسما وهذا يقوي شخصيتها



هذي تجارب سنوات
اما اانك تاخذها او ترميها بحر