جميع الحقوق محفوظة ©
بنتي عمرها سنه والى الان ماتحبي ولاتمشي ؟!؟مادري هل طبيعي ولا اروح لدكتور تزحف على وركه بس والله محتار وش اسوي
الله يخليكم ويجزاكم خير
عااااجل لوجه الله تعالى
الي عنده طفل ومايمشي يتصل علي انشالله اني افيده وعن تجربه ولله ماابي منه شي
وخاصه الي يقول بنته لها سبع سنوات وبعدها ماتمشي
0537888074
جزاك الله خير
اخوي طبعا لزم تفحصها عند استشاري معروف وله سمعه
ولكن نصيحه عرضها للشمس نهايه العصر او الصباح بدري الساعه 6.3 ص
وراح تشوف الفرق .. يوميا او يوم ورا يوم مده شهر
اخوي اذا انت من الرياض
انصحك لوجه لله
رح لدكتور اسمه محمد الطاهر رشيد
في مستوصف الرياض الطبي
بشارع العروبه
الطيبب له اكثر من 35 سنه بالسعودية وفي نفس المستوصف عند ابناء ابو حيمد
ومعروف ورجل ثقه ولا نزكيه على الله احد
او الدكتور محمد الخراشي
في طريق المدينه البديعه
مقابل الرياض الدولي
اخبره كان في الجامعي الملك سعود
وفتح عياده خاصه له
وهو رجل ثقه جدا جدا
الله يخليك بنتك
لا تتعدى هالاثنين اسمع نصيحتي والله ماراح يدخل في جيبي ريال واحد
انما لوجه الله دليتك عليهم
اسمع يا اخي الكريم
بنتك اغلى ماتملك وامانة برقبتك ومالها بهالدنيا بعد الله الا انت ووالدتها الله يسخركم لها واكثر الناس دراية بحالها انتم مهوب الناس, أما مسألة انك تصف حالها بنص سطر وكلن يبدي رأيه فهذا لا يفيدها ولا يفيدكم بالعكس يشتتكم ويلخبطم ودائماً حط في بالك انه طبياً كل حاله مستقلة بذاتها ولذلك لا تعتمد كثير على المقارنة بالأطفال الآخرين علماً انه كل تأخر بالتشخيص يصعب علاجها بعدين, ولا يهمك اللي يقول لا توسوس ترا وضعها طبيعي!!!
الا ياخوي احرص ووسوس بعد اذا ماوسوست عشان بنيتي عشان من اوسوس؟!!!
ما ابيك تندم بعدين,
ومهوب كل دكتور مدحوه الناس طلع احسن دكتور انت قبل ما تروح لهالدكتور شف اللي مدحوه وش كانت مشاكل اطفالهم تسعين بالميه من اطباء الاطفال المشهورين عندنا لو تبحث بالحالات اللي يعالجونها تلقاها ربو وحساسيه ومشاكل باطنية ومسالك...الخ, ولو تسمع كلام الناس عنهم ترا الدكتور الفلاني مايصرف مضاد على طول, تراه مايهول الوضع, تراه سمح وحبيب!!!
خير ان شاء الله!!!
اما حالات التأخر بالنمو (سواءً حركي والا فكري) فهذا علم مستقل بحد ذاته له دكاترته المتخصصين وله عياداته المتخصصه, فلذك ابحث عن استشاري الأطفال المتخصصين ولو جزئياً بحالات التأخر بالنمو.
وعشان تحصل هالدكتاره رح اسأل عنهم بالمراكز المتخصصه مثل مدينة سلطان للخدمات الإنسانية والا جمعية الأطفال المعاقين, مهوب شرط يكونون عندهم بس يقدرون يفيدونكم بأسمائهم ووين تحصلونهم.
بالنهاية أسأل الله العظيم رب العرش العظيم أن يشفي ويعافي ابنتك وابنتي وجميع مرضانا ومرضى المسلمين.
طبيعي لا تقلقل ودي اسالك فقط
هل كملت 9 شهور اقصد الحمل
يوم نزلت كم وزنها
سوالي فقط تنزل ناقص يوم له حسابه عند الله وشلون اسبوع
ثم الوزن يوم الولاده له دور
مثلا 700جم يختلف عن واحد كيلو
ولكن اطمان ستمشي دام انها تزحف لا تقلقل حاول تساعدها برفع يدها تمشي عل الركبه وقفها على ركبها مرتين ثلاث دربها
السلام عليكم ,,اخوي الوضع عادي باذن الله تمشي,,احد ابنائي مشى وعمره سنه واربعه اشهر بعد اخذ علاج ,,لمدة اربعه اشهر والسبب السمنه ,,
مريت دكتور العظام اخذ اشاعه قال سليمة .؟؟؟؟؟؟؟
الان عمره سنه و4شهور ولا تمشي
سؤالي :
هل بنتك تتكلم ؟ هل ولادتها طبيعية دون اي مشاكل ؟
بشر مشت
طلعها لشمس كثير دربها
الاحظ كثير يتاخرون بالمشي
اخوي رحمه الله مشى وعمره ست اشهر بس ساكنين بمزرعه وطول الوقت تبطح بالشموس ولا ننسى الرضاعة الطبيعية تنمي بسرعة وتتغير على مدار الاسبوع وحسب احتياج الرضيع سبحان الله العظيم
هل لديها اخوان اخوات او هي الاولى دربوها على المشي الانسان يتعلم المهارات من الصغر بالرويا
الشمس الشمس الشمس دق معها علاقه وتشوف الفرق الطيب
نعم ولادتها طبيعي تكلم بس ماما بابا هههههههه
هي الاولى
الشمس يكفي رجلينها ولا كامل الجسم وكم المدة الكافيه للشمس
اذا كانت البنت ترضع طبيعيوالام ماعندها نقص في الكالسيوم او شيئ بالعظام اعرضها على الطبيب ان شاء الله يفيدك مايضرك وعرضها للشمس من طلوع الشمس خلها نص ساعة الى ساعة اذا عندك سطوح او حوش شيل العابها وخليها تلعب في الشمس فيه شيئ اخر شكل رجولها طبيعي يعني مافي تقوس او ميل او اي شيئ تلاحظه غير طبيعي اذا فيه اعرضها على الطبيب المختص. هل فيه احد من اهلك او اهل زوجتك جاته هذي الحاله او تاخر في المشيئ. الشيئ الاخر هذي اول مولد لك ماتقدر تحدد اذا فيه مرض او شيئ غير طبيعي الا عن طريق الطبيب المختص. نرجوا من الله العلي القدير ان يريك في ابنتك مايسرك وان تكون بارة بابويها وان يلبسها ثوب العافية انه على ذلك قدير
أخي الفاضل
قد يكون السبب خلع في الورك وهذا يوضح بالفحص
يعني مفصل الورك طالع من الحوض
ارجو أن تتأكد من ذلك
أسأل الله لها الشفاء
استخدم مشاية الاطفال الله يجعلك تشوف فيها مايسرك
الرد 24 و الرد 33
صحيح كلامكم . . الشمس و الله انها مجربة بس مثل ما قالك الرد 24 وفت الصباح يعني من
الساعة 7 الى 10 و العصر قبل غروب الشمس بساعة
تراها عن تجرية .
الأخ نواف - رد رقم 22
يأخي اذا عندك منفعة للناس قولها في ردك و ذلك للمنفعة العامة
و الله الموفق
حرام عليك تبي البنت تجلس من الساعة 7 إلى الساعة 10
الانسان الكبير مايجلس لهذا الوقت
الوقت المسموح له من الساعة 6:30 إلى الساعة 7:15 هذا الوقت الصحي للجسم ولفيتامين ( د )
انصح كل من يقراء الرد يستخدم هذي الطريقة والله يشفي كل مريض
استودعتكم الله
ابشركم مشت الحمد الله وحالتها طبيعيه
