| جميع الحقوق محفوظة © دار تقنية المعلومات IT Dar |

بحج هذي السنة ان شاء الله وأبغى مشورتكم

السلام عليكم

سجلت أنا وزوجتي في أحد حملات الحج هذي السنة 1435 ه

وهذي حجتنا الأولى ( الله يسهلها ويتقبلها ان شاء الله ) .


وأبغى مشورتكم وبعض ملاحظاتكم والأشياء اللي لازم ناخذها معنا في الحج .


أهم سؤال عندي الآن : هل آخذ معي فلوس ، مثلا 2000 ريال يمكن احتاجها في دفع قيمة العربية ( الله لا يحوجنا لها ) ، أو بلقى هناك صرافات ، وآخاف الصرافات يكون فيها سرا طوووويل جدا .

كل الردود: 4
1.
11:22:00 2014.08.24 [مكة]
اولا الله يسهلك امرك .. لا يوجد صرافات في المشاعر المقدسة .. انت في حملة يعنى ما تحتاج من المال الكثير الاكل والشرب اكيد مؤمنه من قبل صاحب الحمله حتى المواصلات خذ معاك 500 ريال تكفيك وكثر من شرب السوائل وخذ معاك مظله (شمسية) ..
2.
11:54:07 2014.08.24 [مكة]
الله يتقبل منكم يارب ولا تنسونا من دعائكم ... بخصوص الامور اللي تحتاجها معك غالباً الحملات توفر كل شي الاكل والشرب والعلاج ( لاقدر الله ) ولكن إحتياطاً .. خذ معك فلوس لإنه مافي صرافات في المشاعر .. خلي هالفلوس إحتياطية مبلغ معك ومبلغ من زوجتك .. ( لاقدر الله تضيع ولا شي يكون معها فلوس تركب مواصلات وتتجه للمخيم ) بخصوص الاحتياجات ان شاءالله ماتحتاجون شي .. الإ اذا عندكم علاجات يومية او اكل مخصوص ف الافضل تاخذونه معكم لإنه مابتلاقون هناك محلات .. واكتب ورقة بها ارقام الجوالات وارقام احد الاقارب وعلقها في يدك وفي يد زوجتك تحسباً لاقدر الله لا مكروه يحصل لأحدكما ( المعذرة ) ولكن من الضروريات تسوها وكذلك رقم جوال يكون معكم اكتبوه وحطوه في ظهر جوالتكم وفي شنطة الزوجة وفي شنطتك تحسباََ لاقدر الله ضاع منكم شي يلاقون رقم يتصلون عليكم .. ولا تنسون الصدقة .. خذ معك ريالات .. لعل الله يتقبل منك يارب ..
3.
عضو قديم رقم 364135
12:07:40 2014.08.24 [مكة]
حج مبرور مقدما بكم سعر الحمله التي وجدتها للاسف الحملات اسعارها مرتفعه جدا بعضهم نصابين هل يوجد حملات اقل من 5 الاف ؟
4.
08:02:57 2014.08.25 [مكة]
جزاكم الله خير أخوي ربيع / وأخوي وسيط . أخوي جبرني الشوق / فيه حملات مخفضه تكون ب5000 وأقل بس ربما انتهى فيها التسجيل / انت ادخل موقع المنسك بتلقى فيها حملات مخفضة أو مر على شارع عائشة في السويدي بتلقى حملات كثيرة وبعضهم عندهم سعر عالي وفي نفس الوقت عندهم سعر مخفض . حملتنا سعرها غالي بس الله يكون في العون .