جميع الحقوق محفوظة ©
السلام عليكم ورحمة الله وبركاته
انا من سكان حي بدر في الشفا لنا مايقارب سنتين مع مشكله مع المويه ...
ساكنين في شقق تمليك ولله الحمد ولكن مشكلتنا مع المويه صارت ابديه ...
نحتاج نعبي ايام الصيف وايتين كل اسبوع يعني بالعربي المويه تنقط عندنا تنقيط وماتعبي الخزان ونحتاج نعبي
مرتين فالاسبوع ورفعنا شكاوي وبلاغات ولاحياة لمن تنادي الموضوع صار لايطاق كل ما انقطعت المويه من يجيب
مويه ومن يروح يجيب الوايت غير انها تنقطع في اوقات احيانا صعبه مثل يوم الجمعه تصحى من النوم تلقاها مقطوعه
ولو المشكله يوم او اسبوع او شهر كان هانت لكن المشكله مستمره وراح تستمر اذا ما شفنا لنا حل نهائي وجذري
مره صادفت لقينا حقين مصلحة المياه او اللي هم جايين يكشفون على بيت جمبنا وجبناهم باجتهاد وطلبات وماقصروا
جونا وفتحوا العداد وقالوا ان ضخ المويه ضعيف عندكم اكيد فيه انسداد او مشكله تحت ولازم يطلعون فريق صيانه لكم
وانا مالنا في الصيانه !!!
دقينا على رقم شركة المياه الوطنيه وسوينا اكثر من بلاغ ولاحياه لمن تنادي ...
ياجماعه مانبي وايت نبي حل نهائي للمشكله والله اننا نفكر نطلع من العماره واحنا ملاك عشان هالمويه ...
اللي يعرف احد يقدر يدبرنا او يشوف لنا حل لايقصر وله دعوه في ظهر الغيب ....
شاكر تعاونكم .....
أخوي خذها من عندي وانا بو هندي ...
هذي نفس المشكلة التي كنا نعاني منها ولكن وضعنا لها حل جذري ، والحين الماء دائم ومستمر ولله الحمد ...
الحل من خطوتين ..
الخطوة الأولى : تركب ماطور شفط من نفس العين . بحيث يزيد دفع الماء للخزان الرئيسي .
الخطوة الثانية : إذا كان الخزان مشترك للجميع ، يعني جميع الشقق يسحبون من الخزان الرئسي ... في هذه الحالة يتم الإتفاق اولاً مع جميع السكان بهذا الحل وهو انك تروح لمصلحة المياة وتطلب منهم أدوات ترشيد تصرف مجاناَ بعدد الشقق ،، وهم يعطونك على طول ولا يقصرون .
وتشرف عليها انت او أحد الجيران في التركيب في كل شقة .
وصدقني هي الحل الأمثل ،، ولا فيها اي ازعاج ،، مع ترك بعض الصنابير بدونها ، مثل صنبور تعبية الغسالة ، والذي يحتاج لدفع قوي . اما الباقي فكلها اسراف ماله داعي ويجب وضع ادوات الترشيد لها .،، ولن تشعر بفرق كبير . لكن هذا هو الحل .
أتمنى ان اكون افدتك ولو باليسير ،،،
ان ناسبك والا اعتبرها فتح باب للردود ،، ههههه
