| جميع الحقوق محفوظة © دار تقنية المعلومات IT Dar |

المؤذنين ذوي الصوت النشاز والمؤذي

؟

عندنا في حينا ومربعنا بالذات واقرب مسجد لبيتنا : فيه مؤذن صوته يخلي المخ يفتر مكانه ويخلي القلب يشمئز ...

والله ياجماعه

يعني ما قلت ذالموضوع وهو فيه شوي حساسيه الا وانا متأذي من الموضوع ذا

ومهوب انا وبس - كل اهل الحاره ،،، حتى ان المؤذنين اللي جمبه قاموا يحسنون من صوت اذانهم ويأذنون قبله عشان يسمع ويفهم بس اللي سواه عكس ذلك تماما وكثر من نشوز صوته وادائه عيني عينك والصلوات اللي بعدها صار يأذن قبلهم لين أيسوا منه المؤذنين وخلوه...

شيبان الحاره اتفقوا يخلون لكل واحد صلاة يأذن فيها عشان هو يسمع ويفهم .... بس ما فيييه فايده... قاعد يسوي غشيم

اقسم بالله ان صوته نشاز غير طبيعي ،،، ماهو نشاز عادي

لأ

نشاز من المخ صادر من المنبع الاصلي حسبي الله بس

المهم وشسوي معه ؟

اقدر اطلب من وزارة الاوقاف يقلعونه ؟

ياشيخ والله لو ادفع عشان ينشال دفعت!!!

بسجل صوته اذا تحملت واحطه عاليوتيوب اعتقد ،،، ياخي كنه موال ينبعاوي خلايا مخه ممسوحه ... بالتحديد

وسبحان الله اخر سنه اللي راحت ذي وكل اذان والحس من الثاني

تحس اللي يأذن مخه مشطوف ، قلت ماعليش رح شف شكله - عشاني انا العاده اروح اصلي في المسجد قطع الشارع ابتعاداً عن شيابين الحاره وبعد ذاك المسجد امامهم اعرفه وصوته زين ونفسه طيبه حتى رشحوه لإمامة الحرم قبل اكثر من عشر سنين وردها يعني عشان تعرفون ليه ارتحت له ،،،

المهم رحت اشوف شكل ذالمؤذن لقيت براطمه خط وبارزه وسنونه دافه خدوده وحبوب في وجهه ودقن يالله نابت ... بالعربي شخص تحس فيوزاته ظاربه ،،،

جد جد صراحه ما كتبت ولا اسهبت الا ونا متأذي منه بشكل غير طبيعي اسأل الله ان يكفيناه بما شاء وان يقلعه في مكان سحيق لكي لل يؤذي المسلمين

اقسم بالله صرت اكره صوت اذان اي شخص من عقبه هذاني احلف ونا صايم يعني بالله ذي مهيب مشكله ؟

الله يسلط عليه زي ما تسلط علينا ،،،

كل الردود: 11
1.
15:31:25 2015.07.07 [مكة]
اوكي عرفنا ان صوته مزعج ماله داعي التريقه والاستهزاء بشكله هذي خلقة الله قدم شكوى وبلاش الحلطمه هنا اللهم اني صايم بس ...
2.
17:05:14 2015.07.07 [مكة]
/ \ ياليت افاده اكثر في الموضوع يا جماعه ،،، هل استطيع رفع شكوى في وزارة الشئون الاسلاميه او غيرها ؟ .
3.
17:06:35 2015.07.07 [مكة]
وفقك الله والجميع أت قلت أن صوته نشاز بلا منازع .. صح؟؟ حسناً ، سجل صوته بوضوح تام ، وارفق المقطع وخطاب قصي به عنوان واسم المسجد بوضوح أيضاً ، لوزارة الشئون الإسلامية والأوقات ... أسبوع بالكثير وأمره منتهي ... مثل هذه الأمور محل اهتمم شئون المساجد هناك.
4.
عضو قديم رقم 386347
17:26:09 2015.07.07 [مكة]
مهما كان لا يحق لك الشماته يا أخي ... لا أقصد صوته ،، اقصد انك تشمت في شكله ، واسنانه ووجهة . ما يجوز وكونك مقهور منه فهذا لا يحلل لك التشمت في شكله .
5.
عضو قديم رقم 214261
23:00:11 2015.07.07 [مكة]
الله معك حق خصوصااصحاب الاذان الحزين ..يجب ان يكون لاذن مثل هذا https://www.youtube.com/watch?v=c8MAQl2B2R8
6.
عضو قديم رقم 334864
03:24:24 2015.07.08 [مكة]
الله يهدينا ويهديك اتمنى من الاداره حذف الموضوع لما فيه شماته وسخريه
7.
عضو قديم رقم 403097
06:35:41 2015.07.08 [مكة]
فيه احد المساجد الموجوده عندنا زي كذا صوته ما فيه تفاعل ترتيله رتم واحد لايوجد تنوع في الترتيل الترتيل كانه واحد نايم لايوجد عدد مصلين الاغلبه في الجامع الكبير مساجدنا قريبه من بعض المفروض فيه لجنه اختبار اصوات خلهم يعودون الامام على الشي الزين تفاعل الناس مع الترتيل ومقامات القراء احد اشهر القراء في مصر الله يبارك في عمره وعمر كل المسلمين اجمل تلاوه https://www.youtube.com/watch?v=DVGxiEyO1r4 واحد تفاعل مع ترتيل الشيخ محمود الشحات الله يحفضهم حقين مصر ابداع لاينتهي https://www.youtube.com/watch?v=YwDoIOMb8Oo
8.
15:15:25 2015.07.08 [مكة]
شكراً للتفاعل بالنسبه للي فهموا الوصف شماته فهذول على جمب بليز ،،، كان نظرتكم محدوده فالله يعين وان كاني مافهمتكم فالله الهادي. وهذا صوته ماهو بحزين ولا غيره، ولكن زبدة الزبده في (لسان الحال) ،،، يعني يجيك في اذان صلاة العصر ويقوم يأذن وهو توه قايم من النوم تحس لسان حاله يقول: ليييش انا أأذن؟ تحسه يقووول مخي ممسوح ولاهوب انا وبس اللي فهمت ذالشي ، عيال جيراننا يضحكون يقولون نفس الشي يوم فاتحتهم بالموضوع! بس هم بالهم طويل ونا لأ والحق ينقال ،،، مانام العصر اصلاً كل يوم الا وحياته ظايعه ، ولا نوم الرجال الصاحين خمس دقايق من حدعش الظهر وفيها، ان انشغل ينام وحده ويصحى وحده ونص ثنتين بالكثير ،،، ذا صاكها لي نومه كنه دابة سليمه موذي العالم بمخه الممسوح ، اعوذ بالله ياخي من الصوت ما يشمئز منه الارواح وبالنسبه للامام اللي ما يتفاعل برضوه هذي فيها كلام،،، ولكن ريحتني وهونت مصيبتي يا رد رقم 7 عشانه الجد فكرت فيها ، مؤذن بيغث دقيقتين ولا امام بيغثك طول الوقت ... وفيه بعض الأئمه الصراحه طايحين في الموال الينبعاوي الله يعافينا،،، وهذا سمعته يوم رحت لفرع الغرفه التجاريه خلف اليورمارشيه اللي على طريق التخصصي... فيه مسجد صغير خاص بالسوق وامامه على ذالموال،،، ياليت مصيبتي كتلك هذا ماعليك منه نيته عالاقل كويسه هذا المؤذن اللي اقول لكم جربت وسجلت صوته بس ماش سمعته شخص من اصحابي قال عادي صح نشاز شوي بس عادي... قلت له تعال طيب تقهو عندي و خليته يجي حول ثنتين ونص عشان يروق ويستكن يوووم اذن هالخبل مير ويفز خويي ثم طالع فيني قال هذا هو؟ قلت ابد هذا هو قال شفيه كذا قلت مدري بلانا الله به والله يفكنا منه ف التسجيل ماهو زي الواقع ابد ولكن ما أقول الا الله يرد اذيته للمسلمين في نحره والله لا يفتنني في ديني،،، هو كان موجود من زمان وكان صوته هو هو ،،، ولكن لسان الحااال ي جماعه لسان الحال... كل يوم واردى الله يرحم الحال بس،،،
9.
01:16:37 2015.07.09 [مكة]
الصوت الحسن مطلوب للامامه وللاذان، بلال بن رباح رضوان الله عليه ما صار مؤذن الرسول عليه وعلى اله وصحبه الصلاة والسلام الا لأن صوته ندي، و صوت الاذان هو اول ما يسمعه غير المسلم من الاسلام، فإذا كان نشاز فأي تفاعل نرجوه منهم؟ اذكر ان فلبيني اسلم لان صوت الشيخ ماهر المعيقلي شده وكان يتابع صلاة التراويح على التلفاز بسبب ذلك ثم شرح الله صدره للاسلام. اخي صاحب الموضوع، الاسلام يبدأ من مظهر حسن وصوت حسن ومعاملة حسنة، فأنا ادعوك لان تتمسك بقضيتك هذا حقك وحق كل مسلم يسمع الاذان.
10.
عضو قديم رقم 470677
07:26:34 2016.05.03 [مكة]

(تم حذف الرد بواسطة الإدارة)

11.
عضو قديم رقم 470716
13:18:46 2016.05.03 [مكة]

(تم حذف الرد بواسطة الإدارة)