| جميع الحقوق محفوظة © دار تقنية المعلومات IT Dar |

اللي عنده مشكله التصرف بالراتب(حل مجرب)

السلام عليكم ورحمة الله وبركاته
رغبةً منّي بإفادة اخواني المسلمين في هالموقع ومن مبدأ ان المسلم يحب لأخيه المسلم مايحبه لنفسه
انا مثل ناس كثيررررررررره تعاني من التطفيررره بنص الشهر
كنت أعاني من مشكلة التصرف براتبي يجيني اكثر من 10 الاف شهريّاً ولايجي يوم 15 الا وانا مطفر وحالتي حالة
جيت احسبها طلع 3 الاف اقساط و2000 ريال لوالديني المجموع 5 الاف
الباقي 5 الاف وين ترووح وماعلي إيجار ولله الحمد؟؟
رحت البنك وصرفت 1950 ريال (عشرات وخمسات)
1- سويت 30 ظرف ع عدد الايام وكل ظرف مكتوب عليه التاريخ وداخله 65 ريال
-15 ريال بنزين كل يوم
-50 ريال المصروف اليومي فقط لاغير
2-رحت لمكان بالدمام اسمه رامز للمواد الغذائيه واتقضى للمطبخ ب800 ريال
3-وضع مبلغ 500 ريال للطوارئ فقط(وفادتني في تصليح السياره واذا ماستعملتها حطها طوارئ للشهر اللي بعده)
4-إعطاء الزوجه مبلغ 500 ريال لمصروفاتها الشخصيه سواء ملابس او مكياجات وعطورات واحتياجاتها
المجموع
3750(مبلغ الطوارئ نادر تستعمله يعني المجموع الفعلي 3250 ريال) يعني المبلغ اللي اوفره 1750 ريال واذا ماستعملت مبلغ الطوارئ وفرت 2250 ريال تخيلوا !!!!
كنت بنهاية اليوم اخذ الفائض واحطه بدرج فاضي , والله يجي نهاية الاسبوع بعد7 ايام عمل
اذا جا الاوف حقي ان يطلع الفائض من 150 ل200 ريال وان الاوف كامل نطلع مطاعم عشان تغيير الجو
صار تجميع الفائض مهمه تشجيعيه لنا عشان اذا جا الاوف ناكل ونطلع برررا كمكافأه لنا

لي شهرررين ع هذه الطريقة ولله الحمد ارتحت نفسيّا والله كنت انظغط من اول الشهر نفسيا لان ادري راتبي ماراح يكفيني لنهاية الشهر والان اصبحت مقتنع ان راتبي سيبقى لنهاية الشهر

كل الردود: 33

عرض:
1.
عضو قديم رقم 374958
22:06:21 2014.10.06 [مكة]
أين نصيب الآخرة منه اجعل لك ظرف للصدقة
2.
23:20:05 2014.10.06 [مكة]
1. بقلم: أبوعبدالرحمن1435 مهب شغلك اتصدق ولالا حط النصيحه بطريقه مهذبه ولا ورني عرض اكتافك طريقتك هذي تبي تطلعني اللي يلهثث ورا الدنيا وتطلع نفسك كنك متكي جمب قبرك من زهدك وورعك
3.
23:41:35 2014.10.06 [مكة]
اخي الحبيب تقبل النصح الله يسعدك مع ان فيه نقطه ممتازه وهو 2000 رياا لوالديك رزقك الله برهم وهذي من افضل الاعمال.
4.
00:57:53 2014.10.07 [مكة]
مصائب الأفراد والحكومات في الإدارة وليس الموارد خبر قريب يقول : 90% من الهولنديين عندهم مدخرات الغرب لم يتقدم غلا لأنه رضع إدارة أموره منذ الصغر جزاك الله خيرا على النصيحة المجربة وكل مسلم عليه أن يستمع لكلام الله عز وجل ((ولا تجعل يدك مغلولة إلى عنقك ولا تبسطها كل البسط فتقعد ملوما محسورا 29 إن ربك يبسط الرزق لمن يشاء ويقدر إنه كان بعباده خبيرا بصيرا))
5.
05:25:33 2014.10.07 [مكة]
صراحة فكرة ممتازة وطريقة سهلة التنفيذ لكن التقيد بها يحتاج قوة عزيمة وصبر حتى يتعود الشخص على حسن تصريف اموره المالية ومعرفته فيما أنفق. شكرا صاحب الموضوع ..
6.
06:30:30 2014.10.07 [مكة]
لاتنسى تخصيص مبلغ لصدقة تبارك في المال وتزيدة بركة
7.
09:46:32 2014.10.07 [مكة]
كاتب الموضوع جزاك الله خيراً على هذه الفكرة الرائعة المباركة اقتراح وفكرة يستفيد منها كثير من الناس مثلي الله ينفعنا بها ويجزاك خير ويبارك لك .
8.
عضو قديم رقم 339253
11:21:07 2014.10.07 [مكة]
شكرا للطرح . . . الرجال ينصحك وبطريقة مهدبه وليسى اجبار على الصدقة
9.
12:37:34 2014.10.07 [مكة]
الصدقة ثم الصدقة ثم الصدقة
10.
17:19:24 2014.10.07 [مكة]
الرد 8 و 9 خلو الصدقه واجبه احسن؟؟؟؟ كفروني ان ماتصدقت؟؟؟
11.
عضو قديم رقم 371381
17:22:42 2014.10.07 [مكة]
يا عزيزي انت قدمت لنا نصحية وطرحتها فتقبل النصيحة عادي خلي بالك طويل حفظك الله وحماك
12.
عضو قديم رقم 174378
17:31:41 2014.10.07 [مكة]
طريقتك رائعة وتحتاج لصبر وأنت صبرت شهرين وأظن بأنك قادر على قراءة الردود هنا بنية طيبة فإن جاء ما يضر فالعلاج الصبر ولا أظنك تحتاجه بعون الله فجميعنا اخوانك ندعو لك ونحترم ما قمت به
13.
18:17:26 2014.10.07 [مكة]
11. بقلم: modern-mm 12.بقلم:بدرمحمد1 اتقبلها والله ولكن حنا شعب اعطي الوصايه ع خلق الله وخاصه من الناحيه الدينيه وهذا مايتراءلي من الردود اللي فوق علقوا صلاح خطتي بالصدقه ان تصدقت صلح امري وان ماتصدقت فإيماني ناقص هم نفسهم اللي يصلون رمضان بالمسجد واذا خلص رمضان يصلي فرض وييترك فرض هم نفسهم اللي اذا جا الاضحى تلقاه يجاهد جهاد عظيم عشان يضحي ويسب اي واحد مايضحي ولكن اذا جت صلاة الجمعه تلقاه رااااقد هؤولاء هم من قدموا المستحبات والسنن لكونها واجبه في قواميسهم وتكاسلوا عن فعل الواجبات الصدقه انا مجربها تعطي بركه ايه لكن نفس الوضع زي اني اقول لك تصدق وطب في النار الصدقه صحيح ان لها افضال كبيره ولكن لاتحل المشكله الرئيسيه عامل مساعد ثانوي وليست حل رئيسي اذكر واحد كتب موضوه هنا صار يشك بدينه يقول والله اتصدق كل يوم ومن جرف لدحديره ومشاكل ماليه ويقول اشوف قريب لي مايعرف الصدقه الا باسمها وحاله المادي ممتتاااز جدا ويستائل ليه؟؟ هو نفس ذولا يحسب اذا مااتصدق ربي مابيبارك له وكانهم يطلعون ربي ظالم وهو بعيد كل البعد عن ذلك الموضوع واضح وفضل الصدقه كلن يعرفه ولكن يبقى عامل مساعد بتوفيق من الله وليس عامل رئيسي واظن بر الوالدين اهم من الصدقه وتم اقرانها في كتابه الكريم بعبادته
14.
عضو قديم رقم 188144
18:53:58 2014.10.07 [مكة]
بقلم: M1900M هد أعصابك شوي وخلنا نظن ظن حسن . موضوعك حول كيفية التصرف في الراتب والإخوان قلبوها صدقة خلنا نقول جزاكم الله خير مو هذا موضوعنا . يا ليت نقدر نتخلص من هذي الطريقة عند كثير من الناس . يارجل حتى القروبات كلها مواعظ والمشكلة أعرف أن صاحب الموعظة ما يصلي . المهم : عندي لك طريقة ممكن تنفع معك وجربتها وبصراحة تعلمتها من الأمريكان فقد عملت معهم وصادقتهم أكثر من عشر سنوات ( الله يستر لحد يكفرني ) . عموما هم أهل كتاب وأقرب للمسلمين من غيرهم كما ذكر الله سبحانه في القرآن الكريم . طريقتهم باختصار مو ضروري أشتري شيء غالي إذا فيه ما يقوم بمقامه وأرخص منه . وما لا أحتاجه ليس بالضروري يكون معي . ومها كان الشيء جيد فالنقد أفضل منه . أتمنى وصلت الفكرة .
15.
21:28:31 2014.10.07 [مكة]
اولا : ابيك توضح وتاكد للجميع ليش انت متحسس من طاري الصدقة خصوصاً بأنها ذُكِرت بشكل عام بأنها حل اكيد عن زيادة بركة المال !! مع العلم ان هذا منتدى ومن حق اي شخص يبدي رأيه بكل وضوح طالما لم يمس اي مخالفة دينية او اجتماعية او غيره ! ثانياً : وهو المهم والاهم. بأي دليل وبأي وجه حق اتهمت وقذفت اخوانك المسلمين بأنهم لايصلون ويتركون بعض الفروض وتتهمهم بانهم لايؤدون صلاه الجمعه بالمسجد ومن انت حتى تحكم على خلق الله بالباطل وبالتقصير! اقول لك اتقي الله في نفسك ووالله وتالله وبالله ستحاسب عن كل حرف كتبته بهتان وباطل وافتراء على الغير في يوم لاينفعك مال ولا بنون الا من اتى الله بقلب سليم وبالنهاية انا وغيري لانرى فيك الا المقولة والمثل الشهير وهو : كلٌ يرى الناس بعين طبعه . ويكفيك هذا
16.
21:46:25 2014.10.07 [مكة]
(15) بقلم: أنمار تجي هنا وتحسسني ان لحيتك واصله لركبتك ومن هناك اخش بروفايلك والقى لك ردود ع اعلانات جنسيه احلى شي وتتميلح وتخش ع الناس وتخرب بيعاتهم انا اللي اقول لك اتق الله في نفسك انا مااعترضت ع النصيحه انا اعترضت ع اسلوبها مابي يجيني واحد يحسسني انه متكي جمب قبره من زهده وورعه وكلامه الديني ومن هناك متكي في قسم الاعلانات الجنسيه يتميلح مثلك
17.
22:10:52 2014.10.07 [مكة]
موضوع جميل وانت شاركت فيه للفائدة جزاك الله خيرا وان شاء الله نستفيد من الطريقة لاننا اغلبنا نفس المشكله نعاني من العشوائيه في جميع نواحي الحياة. الاخوة اظن يكفى الانسان انه يلمح بطريقة جيده للفكرة لكن تكرارها ..ااكيد غلط لاتعينوا الشيطان ع اخيكم ..الكثير منا اذا الواحد جلس يلح عليه في فكره وحده يعاند ويبطل بعدين بالنسبة طالما انه يقوم بواجبه تجاه الوالدين هذا شئ ممتاز جدا والله يتقبل منه ويوفق الجميع
18.
22:52:46 2014.10.07 [مكة]
صادق وانا اخوك دخلهم الشيطان تعوذوا من الشيطان الرجيم ... والله يجزاك خير على طريقتك فعلاً ممتازة في مامعنى الحديث احب الناس الى الله انفعهم للناس .. فعن ابن عمر ـ رضي الله عنهما: أن رجلاً جاء إلى النبي صلى الله عليه وسلم فقال يا رسول الله: أي الناس أحب إلى الله؟ وأي الأعمال أحب إلى الله؟ فقال رسول الله صلى الله عليه وسلم: أحب الناس إلى الله تعالى أنفعهم للناس، وأحب الأعمال إلى الله تعالى سرور تدخله على مسلم، أو تكشف عنه كربة، أو تقضي عنه ديناً، أو تطرد عنه جوعاً، ولأن أمشي مع أخ في حاجة أحب إلي من أن أعتكف في هذا المسجد - يعني مسجد المدينة - شهراً، ومن كف غضبه ستر الله عورته، ومن كظم غيظه ـ ولو شاء أن يمضيه أمضاه ـ ملأ الله قلبه رجاء يوم القيامة، ومن مشى مع أخيه في حاجة ـ حتى يثبتها له ـ أثبت الله قدمه يوم تزول الأقدام. رواه ابن أبي الدنيا في كتاب: قضاء الحوائج، والطبراني وغيرهما، وحسنه الألباني.
19.
عضو قديم رقم 174378
01:06:36 2014.10.08 [مكة]
هذه الطريقة طبقتها فوجدت فيها خير عظيم وخير المال مال تنفقه على أهل بيتك وانت رجل خير لا نزكيك على الله ولا نوصيك بالصدقة الا محبة فيك واظن بان هذه الخطة قد تتطور مستقبلا وودي لو حصل تطور تطلعنا عليه اتذكر اني طبقت في اليوم خمسين كمصروف يومي وصار الراتب يوصل لاخر الشهر لكن من الي يجاهد نفسه ويصبر ع هذا التنظيم
20.
01:12:53 2014.10.08 [مكة]
بالفعل طريقة ممتازه جربتها شهر بس خرب علي عزايب الشباب و الان حمستني ارجع لها
21.
06:11:55 2014.10.08 [مكة]
19. بقلم: بدرمحمد1 جربت ال50 ريال طلع كل يوم يروح 15 ريال ويمكن 20 للبنزين وبحكم دوامي يبعد 100 كيلو عن بيتي وصرت احس اني مظغوط بمبلغ الصرفية الباقي فضلت احط صرفية البنزين ع جمب والفرق بالمبلغ الكلي 450 ريال وهو شي بسيطط وسيساعد في تخفيف الظغط ع المبلغ الباقي للمصصروف ولكن اذا اظطريت ان تسير امورك ع 50 راح تمشي وان بغيت ع اعلى راح تمشي بعد المقصد تنظيم الامور الماليه لدى الرجل ولامانع من اعطاء نفسك 500 ريال مثل زوجتك صرفيه خاصه لك
22.
09:24:00 2014.10.08 [مكة]
جزاك الله خير
23.
22:45:59 2014.10.09 [مكة]
جزاك الله خيرا على النصيحة الجميلة وكثر الله من امثالك ويا اخوان من ينتقد في العلن يجرح اكثر من ان يفيد وصاحب الموضوع له الحق في ان يغضب لطريقة النصح التي تسمى عند اهل البلاغة تاكيد الذم بما يشبه المدح لذلك اهمس لك يا صاحب الموضوع M1900M استمر بالخير لاخوانك وان وجدت منهم خيرا ففرح به وان وجدت غير ذلك فرمية البحر فما اريح للقلب مثل التغافل شكرا لك مرة اخرى
24.
عضو قديم رقم 142753
14:07:19 2014.10.10 [مكة]
الله يجزاك كل خير بس انت حسبتها على راتب10 الالف لو حسبتها على راتب اقل مثلا5000
25.
15:29:51 2014.10.10 [مكة]
24. بقلم: خاص3 اقساطي ووالديني =5000 ريال المتبقي من الراتب 5 الاف ريال
26.
09:43:03 2014.10.11 [مكة]
الادخار فن وقليل من يتقنه ونتائجه مفرحه وفي وقت غير متوقع شكرا ياغالي عالموضوع المفيد جدا
27.
عضو قديم رقم 380793
02:56:12 2014.10.31 [مكة]
جزاك الله خير
28.
عضو قديم رقم 346131
13:57:57 2014.10.31 [مكة]
طيب اذا جا ولدك وقال لك عيال خالي وعمي عندهم ايباد ابي مثلهم وش تسوي تخليه يحس بالحرمان وهم احسن منه والا تشتري واخد بالفين ريال بعدين جت الحرمه وقالت كل الناس سافرو وحنا لا ليش وش زودنا بتضطر تتسللف عشرين الف وتسافر جتك بنتك وقالت يبه ابي ايفون كل البنات عندهم وانا لا حرام عليك وش بتسوي بتضطر تسبلها عند الاشارات
29.
20:43:16 2014.10.31 [مكة]
الله يبيض وجهك ياخوي ويفتح لك ابواب الخير بوجهك استفدنا من معلوماتك وتجربتك وحبك وحرصك للخير . جزاك الله خير على هذه النصيحة التي نادراً ماتحصل احد يقدمها . موفق .
30.
06:51:11 2014.11.03 [مكة]
بصراحه فكره حلوه عجبتني والله ان شاء الله نطبقها شكرا
31.
09:05:16 2014.11.03 [مكة]
السلام عليكم و رحمة الله و بركاته عَنْ أَبِي هُرَيْرَةَ رَضِيَ اللهُ عَنْهُ، قَالَ رَسُولُ اللهِ صَلَّى اللهُ عَلَيْهِ وَسَلَّمَ: "دِينَارٌ أَنْفَقْته فِي سَبِيلِ اللَّهِ, وَدِينَارٌ أَنْفَقْته فِي رَقَبَةٍ, وَدِينَارٌ تَصَدَّقْت بِهِ عَلَى مِسْكِينٍ, وَدِينَارٌ أَنْفَقْته عَلَى أَهْلِك, أَعْظَمُهَا أَجْرًا الَّذِي أَنْفَقْته عَلَى أَهْلِك".(فِي سَبِيلِ اللَّهِ) أي في الجهاد والحج وطلب العلم، (وَدِينَارٌ أَنْفَقْته فِي رَقَبَةٍ) أي أعتقتها، (وَدِينَارٌ أَنْفَقْته عَلَى أَهْلِك) أي على زوجتك وعيالك، قيل: لأنه فرض، وقيل: لأنه صدقة وصِلَة.أخرجه أحمد (2/473 ، رقم 10123) ،ومسلم(2/692 ، رقم 995). اذا نوى احدنا الأنفاق على اهله ليكفهم مستحضرا فضل الله فهي صدقة وصلة ولا ننكر فضل الصدقة موفق اخي الكريم فيما ذهبت اليه و حقيقة انه يجب علينا تعلم و تعلم ابنائنا فن الأدخار لاسيماء مع الأوضاع المعيشية الحالية وبالنسبة للأخوان الذين عاتبوا اخينا اقول لهم (( واحسن العتاب ما كان في جواب )) خصوصا اذا كنا لا نملك الأسلوب الأمثل لتقديم النصيحة والله الموفق و الهادي
32.
09:27:33 2014.11.03 [مكة]
جزاك الله خيرا على النصيحة الجميلة وكثر الله من امثالك وكلامك سليم
33.
09:42:18 2014.11.03 [مكة]
مشاء الله تبارك الرحمن حبيت اوضح انت راتبك 10الف غيرك رواتبهم من 4الى 8الف ثانيا انت ساكن بيت ملك وغيرك يدفعون ايجار شهري اقل 1600ريال بغض النظر عن الالتزمات الاخرى النهايه اللي ساكن بيت ملك يستطيع توفير الى اخر الشهرامااللي عنده ايجار ودخله متدني تصدقني لايستطيع توفير لاخر الشهر يظطر لسلف ....فانا انصح يشتغل اي شغله لوتوصيل طلبات اومشاوير داخليه ليمشي بها وضعه .والله يجزاكم الخير..