| جميع الحقوق محفوظة © دار تقنية المعلومات IT Dar |

الفزعه تكفون "نأسف , لا يوجد لديك عنوان واصل مسجل في نظام البريد السعودي "

السلام عليكم

انا مسجل في البريد السعودي واصل وعندي برنت اخذته منهم حسابي فعال وعندي اشتراك ،، الحاصل انه اذا طلبت توصيل الاقامه عبر نظام ابشر طلع لي الرسالة التالية ً

"نأسف , لا يوجد لديك عنوان واصل مسجل في نظام البريد السعودي , من فضلك قم بزيارة البريد السعودي للحصول على عنوان واصل ثم يمكنك طلب توصيل الوثيقة من خلال خدمة طلب توصيل الوثائق"

هل فيه احد يعرف السبب او الحل للمشكله هذي

كل الردود: 25

عرض:
1.
عضو قديم رقم 194440
11:47:52 2014.02.13 [مكة]
الصراحه ما عندي خلفيه عن البريد , بس اعرف واحد , راسل طرد الى جده من عام 1418 الى الان 1435 و ما وصل ^_^ وابشرك ( البريد الممتاز ) او السريع , يعني خدمه يقال انها سريعه :) مؤسسه حكوميه وش تترجى , اغسل يدك
2.
11:55:16 2014.02.13 [مكة]
ياخي والله مشكله ملينا من اللخبطه وقلة السنع
3.
12:39:27 2014.02.13 [مكة]
فيه نقطه هامة هل سجلت رقم المنشأة في واصل ؟ حتى لو هو مفعل رقم المنشأة مهم جداً ، إذا نعم فالمشكلة غريبة .
4.
12:41:06 2014.02.13 [مكة]
كل شي مسجل
5.
12:48:13 2014.02.13 [مكة]
طيب تأكد من خدمة ابشر اتصل على رقمهم واستفسر منهم راح يفيدونك بشكل كبير .
6.
13:01:37 2014.02.13 [مكة]
مالقيت لهم رقم ارسلت لهم رساله ما لقيت الا هالطريقه ومدري يمقن يردون ويمقن لا
7.
17:05:25 2014.02.13 [مكة]
8007490000 الخدمات الالكترونية لوزارة الداخلية ( الدعم الفني ) هذا رقمهم
8.
19:55:26 2014.02.13 [مكة]
مشكوور ياسر دقيت عليهم تو يقولي لازم يكون البريد بأسمك شخصي مو بأسم المؤسسة هههههههههه اقوله اجباري يكون بأسم المؤسسة مقدر اخليه باسمي قالي انت مسجل بأبشر ببطاقتك الشخصيه ،،،، ردد يا ليل مطولك
9.
01:39:44 2014.02.14 [مكة]
ابوفهد كم كلفك بريد واصل الله لايوفقهم
10.
عضو قديم رقم 355901
11:34:09 2014.02.14 [مكة]
500 ريال يالخلاص
11.
12:10:07 2014.02.14 [مكة]
والحل يا جماعه يعني وش الفايده من فتح بريد واصل للمؤسسة اذا نظام ابشر يرفض التوصيل للمؤسسات
12.
20:14:52 2014.02.14 [مكة]
قطاع البريد متخلف والدليل ما يجري في دبي التوصيل بطائره بلاطيار
13.
20:57:12 2014.02.14 [مكة]
الف شكر ياصناعات
14.
11:18:19 2014.02.15 [مكة]
المشكلة ان مكتب العمل يلزمك ببريد واصل خاص بالمنشأه والبريد يقولك لازم يكون باسمك الشخصي يعني نفتح بريدين والا وش السالفه ؟
15.
15:03:00 2014.02.15 [مكة]
نفس المشكلة معي
16.
20:04:33 2014.02.15 [مكة]
ابوفهد عنوان المؤسسة يخصها سجل بعنوان منزلك
17.
10:51:07 2014.02.16 [مكة]
طيب اقمات عمالي عن طريق ابشر تخص المؤسسة ليش حنا مسجلين في ابشر اجل
18.
15:49:55 2014.02.16 [مكة]
طيب هل فيه أحد جرّب هالخدمة وتم توصيل اقامات عماله عن طريق واصل ؟ وهل يأخذون الإقامة القديمة المنتهية عند التوصيل ؟
19.
21:34:35 2014.02.16 [مكة]
اخ yasser1979 نعم انا في البريد السعودي الان يعملون عليها في الرياض وتم توصيل 300 اقامة في الرياض الايام الاولى
20.
23:28:50 2014.02.16 [مكة]
نفس سؤال ياسر هل يطلبون الاقامه القديمه وهل التوصيل يتم لبريد المؤسسة ام لبريدي الشخصي
21.
23:54:15 2014.02.16 [مكة]
كم الرسوم عن توصيل كل اقامه لاني طلبت 3 اقامات وكل وحده طلب عليها النظام رسوم للتوصيل
22.
00:27:40 2014.02.17 [مكة]
الحلقه الاخيره سويت التالي :- سجلت في بريد واصل الشخصي للأفراد علشان استلم اقامات عمال المؤسسة مع العلم بوجود بريد واصل للمؤسسة ومدفوع عليه 500 ريال سددت 15 ريال قيمة توصيل كل اقامه للفائده تم ذكر ذلك وسلامتكم
23.
16:15:32 2014.02.19 [مكة]
تم هذا اليوم الاتصال بي من قبل مركز بريد البطحاء بالرياض ووعدوني خيرا بأن التنسيق جاري بين البريد وبين الداخلية لأتمام عملية انجاز معاملات المؤسسات عن طريق خدمة ابشر حاليا يجب الاشتراك في بريد شخصي لاستلام الاقامات وخلافها وهو اشتراك مجاني طبعا حتى اتمام عملية ربط نظام واصل مع ابشر لخدمة المؤسسات مع الشكر الجزيل لأهتمام البريد السعودي بمتابعة المشكلة وافادة المستخدم مباشرة دون ترك الموضوع للتخمينات والتوقعات والله ولي التوفيق ،،،،،،
24.
04:33:24 2014.02.20 [مكة]
شكرا أبو فهد على التوضيح الشافي والكافي ، لكن هل لو افتح بريد شخصي هل يتم التوصيل لأهل جدة أو فقط حاليا الرياض ، لأني اللي أعرفه أن فقط لأهل الرياض هالخدمة وباقي المناطق لم يتم تفعيل الخدمة ، فهل يشمل التوصيل أهل جدة في حال فتح بريد شخصي وليس للمؤسسات .
25.
11:46:47 2014.02.20 [مكة]
حسب علمي الخدمه حاليا تجريبيه ومقصوره على مدينة الرياض