| جميع الحقوق محفوظة © دار تقنية المعلومات IT Dar |

الحسد يا اخوان ؟

السلام عليكم

يا اخوان انا عندي صديق , ما يسأل عني او ما يزورني الا عشان يعرف وش الزايد عندي

اذا ما توصلت معاه واتس او باتصال لامر ضروري وانقطعت عنه لاسبوع , يتصل ( هاه شريت لك نعله , او شريت لك ثوب ووالخ )


لدرجة انه في اخر زياره يقول ( اكياس الزباله زايده عندك , اكيد زايده الميزانيه )

ما اتوقع فيه انذل واخس من كذا !!

يعني تفكيره مادي بحت ,

الغريب ان راتبه ضعف راتبي , وما عنده ايجار مثلي , ويصفر راتبه من نصف الشهر !!

ويحسدني على راتب ما هو لي كله للايجار ..

فالسؤال / هل ابتعد عنه ؟

لان حالتي الماديه اصلا ضعيفه جدا , وهذا حاسدني على فقري

حاولت لاكثر من مره افهمه بطريقه غير مباشره ان الدنيا ماهي فلوس , واللي يجمعني فيه ماهي مصلحة دنيا , ووووالخ
بس من شاب على شيء شاب عليه

الردود
مواضيع مشابهة
الكل: 3
1.
عضو قديم رقم 403097
01:18:47 2016.04.24 [مكة]
الله لايكدر لك خاطر يا عز ناسي صديقي العزيز قوقل 1 انصحك بان تصارح صديقك بهذاالموضوع بشكل ودي بحيث تتصل تقوم بارسال رساله محتواها فلان الفلاني او ابو فلان اذا كنت فاضي ابيك بموضوع خاص وهام للغايه في حال انه تجاوب معك وقال مرني الان او اتصل الان قم بارسال رساله انك مشغول الان وتركه وحدد موعد بعد اربع ساعات اذا ارسلت الرساله الاولى العصر فخل المقابله بعد العشاء وجلس انت وياه في مكان وقله ان هذا الاسلوب بدا يصبح بالنسبه لك مصدر ازعاج خاصه وان الكل يعرف ان الحسد ياتي من خلال كلمات تقال دون الاقها بذكر الله او قول ما شاء الله تبارك الله قل له اذا كنت فعلا صديق فانك بعد هذا الكلام لم تقول الكلام الذي يضايقني اذا كنت صديق ستقول اسف على ما بدر مني اي كلام يقوله لك ليس اجابي انصحك بتركه مثل اي صديق وابدا بشكل تدريجي بمقاطعته وليس بقطع العلاقه بحيث يكون زميل او صديق ولاكنك لاتتواصل معه بشكل دائم عطه حقه في الصداقه بدون ان تجعله في حياتك الصديق هو من يفهمك قبل ان تتكلم ويكون عون لك في حياتك
2.
03:51:52 2016.04.24 [مكة]
رد رقم 1 ممتاز خصوصا اذا كان زميلك في العمل او جارك لا تقطع مره وحده اقطع فقط السوالف و القعدات معه و خلي بينكم السلام و بعض السوالف البسيطه المختصره و اذا عزمك تعذر
3.
08:20:41 2016.04.24 [مكة]
أخوي نصيحة تكفيك شرّه بإذن الله , 1- كل ما شفته جايك أو عرفت إنك بتصادفه كرّر : اللهم إكفينيه بما شئت و كيف شئت إنك على كل شيء قدير اللهم إكفينيه بما شئت و كيف شئت إنك على كل شيء قدير اللهم إكفينيه بما شئت و كيف شئت إنك على كل شيء قدير وبإذن الله بتلاحظ كيف الله يصرفه أو يصرف شرّه عنك بإذنه. 2- احرص على انك تقول بصوت يسمعه هو "ماشاء الله لاقوة الا بالله" بعد اي تعليق منه لو ماذكر ربه هو ولا تستحي منه ولا تقول بيزعل من هالنقطة. 3- اذا قال لك مثل هالكلمات ( فلوسك زايده , واضح إنك مستانس , اشوفك مبسوط وووو الخ ) لا تبرر له ولا تجلس تغطي النعمه بالعكس -حتى لو شي مو حاصل- قول له : ( أي والله الحمد لله من فضل ربي , أي والله ربك كريم الحمد لله , أي والله شايف كيف ؟ , أي والله باين علي يعني ؟ الحمد لله , أي بفضل الله الله يزيد ويبارك ) هذي العبارات صدقني راح تحرقه و تنكد عليه حسده و راح يقلل ويتفادى يواجهك بمثل هالتصرفات عشان لا يتنكد من ردودك . 4- حافظ على اذكار المساء والصباح هذي لك بشكل عام مو عشانه خصيصا . موفق خير