| جميع الحقوق محفوظة © دار تقنية المعلومات IT Dar |

الجنود والحراس والعساكر بدلاً من العمال

السلام عليكم
بالنسبه للي يروحون لمكه ويوزعون على العمال والاجانب تمر وجبات او اي شي من هذا القبيل
لاينسون اخواننا الأمن والعسكر وحنا نستحي نمد لهم لا اكثر ولا اقل ولكن مابعد هذا شي
تقول وحده أني امشي و أوزع ومريت من عند عسكري قال وراكم ماتمدون لنا وحنا والله احيانا نجوع مانلقى اللي يمد لنا شي ولانقدر نترك مكاننا اللي حنا فيه

فلاتنسونهم والله انهم مساكين على رجل واقفين وحر وزحمه ومشاكل مع بعض هالاجانب ومايخفى على الجميع مجهودهم ومصالاهم وركضهم وراء ذا المعتمرين منهم المحترم ومنهم المستفز...
الله يعفُ عنا وعنهم ويجزاكم خير
ترا فيهم الأجر

هذا اللي انا كنت اقولكم عليه من زمان ورمضان وكل وقت اذا رحتوا لاي مكان فيه حراس الامن عطوهم وساعدوهم اذا ودكم توصل المساعده لمستحقينها ومن اهل ديرتك ومن بني جلدتك هم احق من الاجنبي شي يعور القلب ولا عشانهم يستحون يطرون لا حول ولا قوة الا بالله 💔😭

حراس الامن والعساكر الصغار الصغار ينرحمون لا يغرك لبس العسكري تلقونه عريف ولا جندي وراتبه مايكفي اسرته كلها

تكفون فرحوهم ولو بالبسيط

كل الردود: 2
1.
00:11:16 2016.07.01 [مكة]
صح لسانك واكبر شاهد انهم محتاجون ان اكثر الاشخاص المقيدين في الجمعيات الخيرية هم من العسكريين الافراد وخصوصا المتقاعدين
2.
01:51:11 2016.07.01 [مكة]
مهما كانت رتبته رواتبهم غير جيده و عملهم قاسي و على شان يسافرون ينتضرون سنوات حتى يأتي القبول او ممكن رفض و لا يقدرون يفتحون اي مشروع تجاري و اذا تقاعد راتبه يصير من 5الف و اقل و المكافأة البنوك ترفع نسبه الفائده على العسكر....!¡¡! المفروض ندعمهم لي انهم هم حامين الوطن و المواطنين من بعد الله و المفروض البنوك تعفيهم او تسقط الفوائد على الاقل للمرابطين في الحد الجنوبي او يجتمعون اصحاب الملاين و يجمعون مبلغ و يدفعونه للبنوك او مكافآت للمرابطين