| جميع الحقوق محفوظة © دار تقنية المعلومات IT Dar |

استشاره لأهل الخبره

السلام عليكم ورحمة الله وبركاته.
بغيت استشارتكم في مبلغ 200000 الف ريال لطفلين صغار مؤتمن على المبلغ وان جلس عندي بيكون فيه زكاة والحمد لله الزكاة خير وبركة وتزيد المال وتنمية ولكن لابد من دخل استثماري لكي ينمو واذا كبر الطفلين سيسالاني عن المبلغ
وش الرأي في استثماره ولكم الأجر
وتعم الفائدة من الموضوع علي وعلى الأعضاء
علما بأني موظف ولا اقدر افتح سجل باسمي والطفلين صغار سن ما قدر افتح باسمهم فكرت وعجزت اطلع بنتيجة المبلغ معي من رمضان والعقار مهدي ويخوف حالياً
يالله على بابك ياكريم
وكل يدلي بدلوه

كل الردود: 9
1.
22:52:07 2015.02.28 [مكة]
وعليكم السلام ورحمة الله وبركاته ، عاد مهدّي ولا ماهو مهدّي مالك إلا العقار الولد البار شاء من شاء من شاء وأبى من أبى . اشتر لهم بالمبلغ ارض في اي مكان له مستقبل ولو على المدى البعيد ,وذلك بعد إستشارة أكثر من عقاري ثقة وخذ الصك واحتفظ فيه وانسى الموضوع الى ان يكبر الطفلين وراح تكون عندها الارض قد ضاعفت سعرها وفي اتعس الامور لن تقل عن راس المال ان شاء الله . وفوق ذلك لن يكون فيها زكاه لانها ليست من عروض التجاره حسب ظني - اسأل شيخ للتأكد- . والله يوفقك ويوفق الطفلين.
2.
عضو قديم رقم 281382
07:42:33 2015.03.01 [مكة]
اشتر لهم بالمبلغ ارض في شمال المدينة التي انت فيها حيث تكون تجارية حتى لو بعدت والله يجزاك خير واذا كبر الاولاد تكون الارض تسوى مبلغ طيب يعينهم على اكمال باقي عمرهم.والشمال احسن موقع في اي مدينة واي مكان له مستقبل ولو على المدى البعيد
3.
13:25:11 2015.03.01 [مكة]
اشكركم على مروركم اخوي الكتاب وأخي كرم ولكن الأرض زينه في المدى البعيد كلامكم صحيح لو يكون استثمار بأجر شهري مهوب أفضل مثل خمسة آلاف منها تصرف عليهم وفي الأخير تبقى لهم رصيد ثابت هذا المقصد من الموضوع
4.
18:40:27 2015.03.01 [مكة]
يارجل انت صادق اي عقار والله ما نصحوك العقار الان قنبله ممكن تنفجر في اي لحظه والزمان كفيل بهذا الشي اذا تبي دخلها في الاسهم ولكن خليك مستثمر يعني تستفيد من العائد على السهم اسهم بعض الشركات توزع ربح اما ربع سنوي او كل سته اشهر او كل سنه ويوجد في الاسهم من تعطي لكل سهم 13 ريال طبعا المهم في الموضوع اقتناص السهم بسعر مميز مع الوقت انت تستفيد من عائد السهم ومن فارق القيمه السوقيه انا عندي لك سهم انا فيه بكل ما املك من مال سعره الان في بحر العشرين هذا السهم سجل 41.5 هذا الاعلى السنوي والادنى سجل 21 ريال الان اسهم بي 26 سهم ذهب توزيعه قريب يوزع من 1 الى 1.5 الى 2ريالين هذي السنه بيوزع ريال بسبب تطوير الشركة الشركه راس المال 6 مليار حقوق المساهمين 12 مليار ارباح مبقاه 4 مليار السهم ذهب باختصار وابشرك يزكون عنك الشركة تدفع زكات الاسهم كلها يعني انت مستفيد ولا تخسر شي وهذا الامر راجع لك وانا في الخدمه اذا اردت تعال خاص اهم شي لا تدخل من راسك لانه بعض السهم خسرانه والبعض اسعارها مرتفعه وبعضها متضخمه وبعضها حرام فانت لا تعلم ولا انت مطلع ولكن انا لي في السوق وقت وممكن افيدك بعض السهم ك مثال سجلة ادنى سنوي 99 ريال ووصلت الى هاي سنوي 441.5 ريال والان بي 99 وبعض الاسهم كانت بي 16 الان بي 75 الان بعض الناس يشتري في هذا السهم اللي وصل الى هذا السعر وهو لا يعلم كم كان من غير المعقول اني اشتري سهم كان بي 16 والان بي 75 الا في حاله واحده اذا كنت غير متابع فانا الا اعلم كم كان سعر السهم وهذا اللي يورط الناس على العموم انا تحت امرك
5.
18:52:27 2015.03.01 [مكة]
لاوالله يلعنكبوت ماعطيته النصيحه هذا حلال ايتام كيف تبيه يخاطر بلاسهم ابعد بعيد عن الاسهم
6.
18:56:09 2015.03.01 [مكة]
ياخوي الناس تخاف من الاسهم بسبب ماحصل في 2006 انا اتكلم معاك هل تشارك الرجال في الربح او تشاركهم في الخساره توجد شركات رابحه ولا عليها غبار وماحصل في الاسهم في 2006 هو ماهو حاصل في العقار الان
7.
21:42:08 2015.03.01 [مكة]
يعطيكم العافية لكن أخي العنكبوت الإخوان ينصحون باللي يرضونه لأنفسهم وهذا العشم بالإخوان في موقع مستعمل وكلامك صحيح العقار يخوف وبرضوه الأسهم شغله شائكه وشغلة أعصاب جربناها لكن ربك كريم
8.
07:58:39 2015.03.02 [مكة]
المؤتمن لا يتصرف من نفسه في اموال الايتام الا بموافقتهم
9.
23:32:29 2015.03.02 [مكة]
أعطيت المال لغرض استثمر وهم ليسوا أيتام ولكن من حرصي عليها بالش بها من رمضان ما ابغى أغأمر إلا في شيء أمن لهم ولي وجزاك الله خير على النصيحه