| جميع الحقوق محفوظة © دار تقنية المعلومات IT Dar |

استشاره بخصوص مستأجر

السلام عليكم ورحمه الله وبركاته

عندنا استراحه في نفس حارتنا

اجرناها قبل سنتين لقريب لنا

بالقوه يدفع ويجيب الاجار مقطع شهر 500 وشهر 2000

ويجتمعون فيها يوميا اكثر من 10 اشخاص ويشيشون واذوا الجيران

حاولنا انطلعه بالطيب و مو راضي يخرج لانه مايفهم غثيث

لو رميت عفشه برى وغيرت الكوالين يقدر يشتكي ؟ ((مع العلم ان مافيه عقد بيننا))
لو رميت عفشه برى وطردته ووصلت مد لليدين عند الحكومه الحق معه ولا معي؟
او اشتكيه للشرطه ؟
((((الحوش بأسم الوالد ولا ابغى اجرجره للشرطه وغيرها))))

ابغى انسب حل

مع العلم ان مابيننا عقد ايجار

كل الردود: 2
1.
09:34:32 2016.06.18 [مكة]
زي ماقلت الارض بس الوالد خله يسوي لك وكالة بكل شي فيما يتعلق بالحوش او الارض كل شي يطري ع بالك ماعدا البيع والشراء لان الوالد يمكن يزعلون اخوانك ونصيحة اذكر كل شي بالوكالة مراجعة الدوائر الحكومية واذكر الدوائر الشرطة والمحكمة والادعاء العام واي دائرة بيطري عليك تراجعها وبكذا لك حق تشوتهم بس بالنسبة للشيشة انت عارف ان كل الاستراحات الي فيها يشيشون تقدر تسوي انه مايعطيك الايجار براحه وتحاول تعرف احد بامارة الرياض يخلصك باصدار امر فصل الكهرباء ولو تفصل الكهرباء ماراح يقعدون يوم واحد
2.
09:43:08 2016.06.18 [مكة]
اذا ما بينك و بينه عقد تقدر تروح تشتكي و تقول تفاجأت فيهم مقتحمين الاستراحه بدون اي علم و تجحدهم و كذا يخلص الموضوع بسرعه و تقدر ترمي اغراضه في الشارع دام ما بينك و بينه عقد شو خذها قاعده ما بينك وبين احد ورقه اثبات و هو جالس او يستخدم حلالك المثبت تقدر تسوي فيه الي تبغا حتى تفصل الكهرباء