| جميع الحقوق محفوظة © دار تقنية المعلومات IT Dar |

استشارة .. أين أجد ... بناطيل جينز للأطفال

السلام عليكم
مساكم الله بالخير والعافية


طلب واستشارة مضحكة نوعاً ما ... لكن

الآن كلما رحنا للسوق نبي نشتري بناطيل جينز للأطفال دائماً أحصلها ضيقة من تحت أو من فوق والولد يتعذب في ضيقها علماً بأنه مش متين ولا دب

جسمه عادي جداً

فالمطلوب استشارته من الغالين أمثالكم

هل ممكن نجد محل بالدمام أو الخبر تقريباً يفصلون بناطيل جنيز خامات طيبة وبمستوى طيب

جت في بالي ال فكرة البارحة فحبيت أطرحها لعلي أجد من يسعفني بحل سواء بإجابة لسؤالي أو اقتراح منكم

ولكم جزيل الشكر

واسمحوا لي على السؤال ...

كل الردود: 7
1.
عضو قديم رقم 313236
15:03:41 2014.03.19 [مكة]
طيب ابعد عن بناطيل سكيني هيه الي تجي زي كذا خذله بناطيل وسيعه فيه مليان وحاول تقيسه بالمتر عشان تعرف مقاسه صح يمكنك ملخبط بمقاسه بس الضيق من فوق وتحت هاذي نوعية السكيني والبناطيل ترا انواع وفيه تفصيل بعد اشتري القماش وروح للخياط بس كنصيحه مني اشتر اوسع من عند الخصر بشي بسيط ولبسه حزام او ابعد عن الجنز وخليك عالقماش العادي اريح
2.
عضو قديم رقم 194440
15:07:45 2014.03.19 [مكة]
اطلع بوزار ولا اطلع بجينز , ياخي احسه للبنات بس عموما , لبسهم سروايل رياضيه افضل من هالجينزات
3.
19:13:17 2014.03.19 [مكة]
اشتر وسيع شوي وحطه عند الخياط يركب عليه مغاط وقصره من تحت
4.
07:49:41 2014.03.20 [مكة]
جزاكم الله خير لكن الولد عمره 6 سنوات صغير بالتمهيدي يعني مش كبير عشان أقد أمنعه من الجنيز .. لأني من المعارضين على لبس البدل وما شابهها الحمد لله محافظين ونريد أن ننشئ جيلاً يخاف الله وليس دليلاً بأن اللي يلبسون جينز فيهم مشكله .. لا والله لكن حرصاً مني فقط لا غير طيب الخياطين هم نفس خياطين البدل العسكرية ممكن يسووها .. وأقمشة الجينز لها أماكن معينه ؟
5.
10:57:03 2014.03.20 [مكة]
وش فيه الجنز ... ليش تمنعه سواء كبير أو صغير وش هالتفكير الله يهديكم بأسلوبكم هذا تتدخلون و تتحكمون بشحصية الطفل و تفرضون رايكم وهذا غلط عطوه حريته بحدود المعقول انا ما ألبس ولدي ثوب ابدا الا بالمناسبات ( اول ساعتين بالعيد وبس ) اندروير و سروال وفانيله و ثوب و طاقيه و شماع وعقال ( الجسم صار مخلل ) اذا انت بالخبر اخوي روح الصبيخة ( المحلات اللي خلف مجمع الجوهرة و جوزات الخبر ) هم المحلات اللي يضبطون لك البناطيل سواء جينز أو غيره و عندك بعد داخل مجمع الجوهرة و العيسي فيه محلات جنيز تلقى فيها انواع الموديلات نصيحة خذ لولدك جينز امريكي هو المريح ومتناسق من فوق الى تحت و يكون (المفرق) مريح وانصحك تمر المحلات اللي في شارع الملك خالد كذلك تلقى انواع البناطيل بس سوال اخوي كيف تلبس ولدك جينز ترى ثقيل شوي وما ياخذ راحته بالمدرسة و اللعب روح الصبيخة وصدقني تلقى خامات بناطيل حلوه والخياطين بالهبل و وبعد ساعتين استلمها الله يحفظه لك و يرزقك بره
6.
11:06:07 2014.03.20 [مكة]
والله يابندر وفيت وكفيت وجزاك الله الف الف خير كلامك يشرح الصدر أسأل الله أن يجعلها في موازين اعمالك اخوك عبد الباسط الحطامي من جدة
7.
11:57:46 2014.03.20 [مكة]
أشكرك أخي الكريم بندر والأخ عبادي وبقية الأخوة والأخوات ولك جزيل الشكر وأهم شيء لا تعصب علينا مرة ثانية .. ترانا نحبكم في الله