| جميع الحقوق محفوظة © دار تقنية المعلومات IT Dar |

ارجو افادتكم (افضل طبيب صدريه للاطفال)

السلام عليكم و رحمة الله وبركاته

اخواني الاعزاء ارجو من الكل المشاركه في هذا الموضوع للفائده

عندي طفل عمره سنه و معه حساسيه في الصدر و رحت لأكثر من عياده لكن بدون نتيجه , كلهم شفط فلوس و كتابة علاجات كثيره مالها لزمه .

اللي يعرف طبيب متمكن ياليت يكتب اسمه و وصف عيادته في الرياض .

جعلها الله في موازين حسناتكم و الله لا يوريكم مكروه في من تحبون .



تحياتي للجميع

الردود
مواضيع مشابهة
الكل: 19
1.
عضو قديم رقم 303970
22:10:31 2012.11.25 [مكة]
انصحك في دكتور استشاري واحد تخصصه صدريه اطفال ورئيس قسم الاطفال في جامعه الملك سعود عبدالرحمن الفريح في مستشفى الحبيب الطبي طريق الملك فهد واتركك من الدكاتره اللي ما يندرى وشهي شهاداتهم وعندهم زحمه يعطيك علاج صحيح انه سريع المفعول بس قد يكون له اثار سلبيه مستقبلا وكل شوي وانت راجع عنده ويوصف لك اشاعات وتحاليل وخرابيط مالها داعي الفريح كشفيته 300 ويفحص لك الطفل وهو فاهم ماشاء الله
2.
22:12:53 2012.11.25 [مكة]
اتصل بالاستعلامات واسئل عن مستوصف الاحمدي بالدمام الشرقيه واسئل استعلامات المستوصف اذا الدكتور جمال للاطفال لسا عندهم خذ موعد معاه كان عندي البنت نفس المشكله وصوت بالصدر خرفشه كذا واخذتها الى 7 مستشفيات من اشهر الاطباء بالشرقيه للاطفال الجزيره-محمد نسيم بالدمام (الله يرحمه-ارامكو-غزاوي الخبر -رحيمه -الاحساء-الاحمدي لاكن فضل من الله دكتور جمال مستوصف الاحمدي بتوفيق من الله كذا وقف جميع الادويه واعطاها بخار فنتلين ويمكن مع الفنتلين شي اتوقع اجي له العصر3 وباليل الساعه 11 لان دوامه من العصر الى 11ونص الله يعافيها لكم ياكريم
3.
22:14:23 2012.11.25 [مكة]
وين مكانك ياغالي
4.
عضو قديم رقم 304103
22:22:08 2012.11.25 [مكة]
ريح بالك من العلاجاااات وابعد ابنك عن العطورات والبخور والروائح النفااااثه وابعده عن البااارح ولازم مايشرب الامويه دااافيه انا جلست قرابة السنتين ع هذا الحال لين الحمد لله تقريبا ما عاد عنده الا اذا شرب بارد
5.
22:25:02 2012.11.25 [مكة]
يوجد دكتور ممتاز وقديم اذا موجود الأن في شرق الرياض مستوصف سلامتك قريب من شارع الأمير بندر خذ الرقم من الاستعلامات وإسأل اذا الدكتور محمود الشافعي موجود دكتور أمين تعاملت معه لمدة 15 سنه ممتاز للأطفال
6.
22:29:50 2012.11.25 [مكة]
اذا انك من اهل الشرقية روح مستوصف الاحمدي الدكتور محمد ندى ... ممتاز
7.
22:31:45 2012.11.25 [مكة]
الله يجزاكم خير جميعاً , و انا من سكان الرياض
8.
22:39:45 2012.11.25 [مكة]
مستشفى الامراض الصدريه رح لهم بعد العصر واسال عن الدكتور الزهراني مدير المستشفى باقل قيمة تقدر تكشف وتعالج وتاخذ اشعه وتاخذ علاجك مايتجاوز 100 ريال وناس ثقه خصوصا وقت عملهم بفلوس لا تروح لهم الصباح بعد المغربية قبلها مرهم واسال متى يداوم الزهراني
9.
22:59:19 2012.11.25 [مكة]
الله يعطيك العافيه , ممكن وصف للمستشفى و اذا عندك رقم لهم
10.
عضو قديم رقم 195560
23:35:10 2012.11.25 [مكة]
فيه عندك الدكتور الزامل تخصصه صدرية أطفال ودكتور في جامعة الملك سعود عيادته على الدائري الشرقي بين مخرج 13 و14 وانت متجه جنوب على اليمين وعندك الدكتور وليد دكتور أطفال سوري وممتاز جداً في العيادات الاستشارية على شارع حسان بن ثابت ( النخيل سابقاً) شرق الرياض هذا عن تجربة اسأل الله لابنك الشفاء العاجل وجميع مرضى المسلمين وان يوفقك لما فيه خيرة لك
11.
23:58:26 2012.11.25 [مكة]
الدكتور عبد الغني في البطحاء نصيحه اخويه عند سوق الذهب مجربه اولادي 2 شفاهم الله على يده الكشف 50 ريال فقط روح يمه وتدعي لي
12.
عضو قديم رقم 201583
00:01:49 2012.11.26 [مكة]
قسم الاطفال بمدينة الملك فهد الطبية ممتازين عن تجربة
13.
عضو قديم رقم 64520
02:39:57 2012.11.26 [مكة]
فيه مستشفي الفلاح بحي غبيرا دكتورر استشاري اطفال متين شوي هاذا سبحان الله ماقد شفت طبيب زيه نصووووح وفاهم شغله اعتقد اسمه مصطفي اذا ماني واهم لاني من زمااان عنه
14.
08:54:21 2012.11.26 [مكة]
الله يجزاكم خير و ما قصرتو
15.
عضو قديم رقم 272837
12:14:58 2012.11.26 [مكة]
في دكتور في مدينة جده في مستشفى جده الوطني الجديد في حال نزولك لمدينة جده انصحك بزيارته اسم الدكتور هاشم المساوى وبالنسبه للدخول للعياده فالاولويه لمن حضر اول بسبب الضغط الحاصل على عيادة الدكتور الدكتور لا يهتم بالفلوس بقدر ما يهتم بصحة الطفل والله يشفي طفلك وما قدامه الا العافيه ان شاء الله دمتم بود ...
16.
عضو قديم رقم 314345
21:42:54 2012.11.26 [مكة]
الله يشفيه
17.
عضو قديم رقم 227898
21:48:54 2012.11.26 [مكة]
فيه عياده خلف الاحوال المدنيه بالوشم مشهوره ومعروفه ولايتطلب منك الا مراجعه واحده او مرتين انصحك وبشده
18.
عضو قديم رقم 303970
22:08:14 2012.11.29 [مكة]
اللي خلف الاحوال الدكتور رسلان انا رحت له اول ما تروح وقبل تقابله يطقك باشعه بعدين تنتظر لين تطفش بعدين يدخلونك غرفته وتنتظر لين تطفش بعدين يحضر طويل العمر ومعه خمس ممرضات يمشون خلفه في غايه الجمال وبعدين وهو واقف يشوف الاشعه ولا يدري عنك ولا يكشف عليك بعدها يطلعونك ولا حتى كيف الحال من الدكتور او يناظرك بعدها تروح تضرب ابره حقت السته شهور ويعطيك وصفه مليانه علاجات طلعت من عنده وقلت ابره ما راح اضربها وعلاجات ما راح اصرفها شوي الاجاني يقنعني بالابره قلت ليش ابره وعلاجات على الفاضي قال عشان تريحك وتستعمل العلاج وانت مرتاح قلت ما ابي وانت الحين ما شفتني الا لما رفضت ابرتك ابو خمسين ريال والله العظيم لو تشوفون الدكتور والممرضات يحاولون فيني عشان ابره ابو خمسين حسيت ان الدعوه تجاره بالبشر وليس يهمه العلاج ولو كان يهمه الناس كان ما خلاهم ثلاث ساعات في الانتظار لو يهمه البشر كان يكشف عليهم قبل الاشعه والابره والوصفات اللي مالها داعي الناس معجبه فيه لانه يعطيهم الابره هذي وتسكتهم حسبنا الله ونعم الوكيل لازال الشعب عندنا في سبات عميق لا يعرفون الا عند فلان زحمه
19.
21:45:39 2013.02.06 [مكة]
دكتور خالد المبيريك رائع بمعنى الكلمة حسب بحثي ونصيحة دكتور ( أخي ) .