| جميع الحقوق محفوظة © دار تقنية المعلومات IT Dar |

اخوي قام بعملية ليزر للعيون ولكن ...

السلام عليكم ورحمة الله
بختصار ابي منكم الاستشارة يا اخوان
واحد من الاخوان قام بعملية تصحيح النظر ليزك .. في شارع التخصصي بالرياض
وحدة من العيون لازالت مغبشة . له الان تقريبا سنة وشهرين ,
وش الحل هل يقدر يشتكي المركز على وزراة الصحة علما انه راجعهم عدة مرات وقالوا انها كويسه واستمر على القطرات والغسيل كل 3 أيام بشامبو بيبي جونسون ولكن المشكلة لازالت مستمرة . ماهو لتصحيح هذي المشكلة وجزاكم الله خير .

كل الردود: 8
1.
14:35:35 2016.06.27 [مكة]
سويت العملية قبل 8 سنوات .. الى الان وحدة مغبشة ! كشفت عند اطباء غيره .. قالو ان العملية ناجحة !
2.
16:34:41 2016.06.27 [مكة]
هذي هي المشكلة يقولون ناجحة والعين ما تشوف زين !!!!!!!
3.
19:05:54 2016.06.27 [مكة]
هل تغبش اذا نام زياده او سهر كثير او اذا استهدم الجوال فتره طويله فهذا طبيعي جدا
4.
02:53:23 2016.06.28 [مكة]
سؤال هل التغبيش صار قبل العملية او بعد العملية فيه حاجة مهمة و هي التغبيش في العين يكون من اثر السكر في الدم فالسكر له تاثير علي العين و يسبب الغبش و هذا صاير معي و راجعت الدكتور فبلغني بان السكر مؤثر علي العين و يمكن تتحسن تلقائي او يستمر معك
5.
05:00:59 2016.06.28 [مكة]
السلام عليكم الله يعينه ويستر على نظره لا يكون لعب فيه الطبيب الغشيم هذا رد لي قبل سنة وثلاث شهور على موضوع استشارة بالعملية للعلم لا زال نظر عيني اليمين مغبش بعد اكثر من اربع سنين ========================== السلام عليكم ابعطيك تجربتي واحذرك من الطبيب متعب الشعيبي لان له مسوقين بكل المنتديات للدعاية له لانه طبيب فاشل وهو الوحيد اللي تلاقي اعلاناته في حراج لسوء سمعته انتبه تروح له في مركز البراك بالرياض أقسم بالله العظيم اني سويت العملية عند متعب الشعيبي بجهاز الالترا ليزك ولعب بعيوني وكان وقتها في مركز مايز بالرياض غلط بالعملية الأولة وشكله مايعرف يستخدم جهاز الليزر وبعد شهر ماتحسن نظري ابد وكلمته وقال تعال اعيدها لك بلاش ويتكلم كأنه متفضل علي بكلمة بلاش ! سويت اعادة من جديد وكان يقول ابزيد لك جرعة الليزر !! كانت العين اليمين هي الافضل ونسبة الضعف بسيطة واليسار ضعفها واضح بعد العملية للمرة الثانية تحسنت اليسار وصارت زينه أما اليمين يخلف الله صار فيها تغبيش وغشاوة وكأني اشوف بالماء طول الوقت والمصيبة حتى القراءة تضررت من العملية ولي ثلاث سنين على هالحال وخلاص فقدت الرجاء ترجع عيني اليمين ولو لحاتها قبل العملية ابي يروح التغبيش والغشاوة بس وارجع البس نظارة مثل أول وأقول ليتني استمريت على النظارة أنبه الناس وأحذرهم من متعب الشعيبي والله هو الشاهد على صدقي حبيت أحذرك اخاف تطيح فيه بسبب الدعايات رح لمركز باجه او الحبيب عند الطرباق أو النخبة أو مستشفى الحرس الوطني بــ 5500 وأطباء محترفين أو أي مركز وطبيب معروف اما متعب الشعيبي قسم بالله فاشل وعايش على دعايات المندوبين بالمنتديات لأن سمعته سيئة واللي يجرب عنده يخلف الله على عيونه وللعلم سعر العملية عنده من زمان وهي 4600 وطريقة الكشف بدائي كأنك رايح تقص نظارة في محل مافيه أي تقنية بالكشف مثل اللي قريت عنها عند المراكز المحترمة وكل هذا توفير علشان تفرح بالسعر حقه وتفكر انك حصلت شيء مناسب والله يستر عليك ويحفظ لك نظرك
6.
06:23:33 2016.06.28 [مكة]
الله يكون بعونك وعون الاخوان طيب افضل دكتور الان بالرياض وينه واسم الطبيب لان لي قريب يجتاج تصحيح سيدخل العسكريه باذن الله
7.
09:19:35 2016.06.29 [مكة]
المفترض تتقدم بدعوى لمديرية الشئون الصحية بالمنطقة الي تسكنها خلال مدة سنه من تاريخ العملية
8.
00:20:04 2016.07.03 [مكة]
جزاكم الله خير على التفاعل . لا يوجد معه مرض السكر ولله الحمد. التغبيش اكثر شي بعد مشاهدة الجوال والكمبيوتر ولكن مرات تصفي اليمين وتغبش اليسار ولكن اكثر شي تغبيش اليمين . هل تنصحون اشيك عند دكتو ثاني في الرياض ومن ترشحون ؟ وفقكم الله ومتعكم بالصحة والعافية .