هل مشروع ورشة حداده للتوانك والسطحات وصناديق القلاب ناجح؟

بقولك رأي شخصي

السوق متشبع بهالنشاط وفيه كم مصنع ماخذين نصيب الاسد من التصنيع والدور عندهم بعد ثلاثة شهور الى ستة شهور وايضاً فيه تجار نقليات يفصلون في لبنان

مشكو ر اخوي hmym1

وجزاك الله خيراً

(تم الحذف بواسطة الإدارة)

(تم الحذف بواسطة الإدارة)

اذا الناس ما تعرف شغلك ما حد بيجيك الا قليل

والمنافسه صعبه جدا

ما خاب من استشار
لكن انا انصحك بدل تصنيع الخزانات افتحلك ورشه سمكره سيارة ترا فيها خير كبير والعماله قليله ومكاسب ممتازه وسبب كثره السيارات والحوادث وقله الامانه في هذه الشغله تخليك تنجح وترا زبونك هيجيك لنك تتعامل معى جميع الفئات زي المطعم شغلك نضيف وسعرك مقبول مبدايا تواصو عليك الزباين وايضن لا تنسا تنشر دعايا في المواقع والبرشورا والله لها نجاح كبير في اشهار عملك

السلام عليكم
1- العماله ( هندي - سيرلانكي - ) وأهم عنصر بالعماله انهم يكونون لحامين لانه اللحام في شغل الحديد هو اهم شي وكل شي.
2- الموقع الصناعيه القديمه لانه اغلب الناس تعودوا عليها وانت نازل من مخرج 17 باتجاه الششرق بعد ماتطلع من نفق علي بن ابي طالب تجيك اول اشاره للصناعيه بتلف منها يسار باتجاه الجنوب بيقفل عليك الشارع بصبات اجباري يمين ،، لف يمين وبيقفل حرف T ديور رجوع ورح اول شارع يمين بتشوف الورش المتخصصه يمينك ،،، ولكن حاليا صناعية السلي خلف مسلخ البلديه كمان ممتاز وكثير فيه شغل التوانك والسطحات - والاهم من هذا وذاك نظافة الشغل مع السعر المعقول والالتزام بالمواعيد. والافضل ورشه حولها اراضي فضاء لانه بعض المرات العميل يتأخر باستلام سلعته فتضيق عليك داخل الورشه..
3- تكلفه المعدات تقريبا 30 الف .. اما الايجار الان حسب المواقع .. لكن يبغالك تقريبا 100 الف احتياط راس مال للتدوير عشان الحديد والسست والكفرات.
4- السلبيات انك ماتوقف ع شغلك وعينك على حلالك دوا.
5- طرق التسويق بالدعايات في الانترنت وتحاول دائماً الانتقال بين شركات مبيعات الدينات وروس التريلات وتكلم مناديب المبيعات بأن شغلك متقن وسعرك مقبول وتحرص انهم يوصون الزبون ويرسلونه لك ..
( طبعا مو الكل ولكن في مسئولين مبيعات يرسلون العملاء لورشات معينه وعلى كل سياره تدخل عن طريقه له 300 ريال فيها)
ومن طرق التسويق ايضا تمر على شركات المحولات وتعرض عليهم تفصيل عربات للمواطير والمكائن والمولدات وايضا تفصل عليها كاتم صوت،،
كثيره الطرق لكن بتلاقي نفسك مع الوقت تتنقل من شغله لشغله افضل وتتوسع ان شاء الله.
الخبره تجي مع الشغل شيئاً فشيئاً لكن يحتاج في البدايه تتعرف ع انواع الصاج والسماكات والجسور والزوايا وماهي صعبه بتعرف لها لسهولتها..
تمنياتي لك بالتوفيق

السلام عليكم ورحمة الله وبركاته،،،،
اسف على التاخير لنشغالي وقلة دخولي

الاخ /الشريف1433 جزاك الله خير

الأخ / abgd_33 الامانه-الاسعار المقبول- الدعايه ( من اهم اسباب النجاح في عالم البزنس) كلامك درر وشاكر ومقدر على مشاركتك الله يجزاك خير
تمنياتي لكم التوفيق

الأخ / ابو صالح

( الله يجزاك كل خير ويرحم والديك ويخلك لعين ترجيك) اشكرك على مشاركتك القيمه المفيده هنيئاً لموقع مستعل بعضو مثلك والله يكثر من امثالك

رقم ( 4) لا استطيع تطبيقه هل من حل آخر ؟؟؟؟؟ لنتفاداه

لك مني كل التقدير والاحترام ،،،،،

أخي الكريم السكب أسأل الله لك التوفيق و النجاح و التيسير .. و اسمح بمداخلة بسيطة :

أولا : ماذا تحب من الأعمال ؟؟؟ لا بد أن نعلم جميعاً إن النجاح أساسة الجد و الإجتهاد و قبل ذلك توفيق الله تعالى ، و أساس الجد و الإجهاد الشغف والحماس بالعمل و أساس الشغف و الحماس هو أنت تحب ما تعمل .. والله لقد رأيت كثير من الشباب في السوق يبدأ في مشروع لأن فلان قال له ترا هالشغلة فيها خير و قد يكون فعلاً فيها خير وبعد فترة سنه أو سنتين يقول أنا أصلاً ما أحب هالشغلة ذي !!! ليش طيب من البداية تدخل شغلة ما تحبة !! ما يناسب صديقك قد لا يناسبك ، احذر و احذر و احذر ان تدخل بمشروع و انت لا تجد نفسك فيه ولا تحبة لأن هذا المشروع قد يستمر معك ويلازمك طواااااال حياتك فاحذر أن يلازمك شئ لا تحبة ولا تجد في نفسك ميول له ، وخاصة إن المشاريع كثييييرة لا تعد ولا تحصى و المكاسب بكل مجال ولله الحمد ، كن صادق مع نفسك واختر ما تحب بدون خجل من أحد أو استحياء من أحد مهما كانت الشغلة لان أهم شئ راحتك في عملك ولا راح ترتاح حتى تعمل ما تحب .. و أنصحك ان تطلع على كلام مؤسس شركة أبل ستيف جوبز في لقائه مع طلاب الجامعة وهو مترجم للعربية .

اخوي عبد الله
امين الله يجزاك خير ، كلامك جدا منطقي ،،

اشكرك على اطلالتك الرائعه

وتقبل احترامي وتقديري