ارجو المشوره من ذوي الخبرة في النقل الثقيل

اخوي نصيحة لوجةالله انحش اولا سوف يكون سعرها غالي بتقصيد جديد فوق اربع مائة الف
ثانيا الشركات قليل منهم الوفي ثالتا السوق مليان بشاحنات مسيطر علية الافغان والباكستانين رابع المرور ووقت دخول الشاحنات وفوق ذلك لازم يكون لك علاقات في السوق لتشغيل الشاحنات
اعرف ناس كثيرين متوهقين بشاحناتهم شوف لك مجال ثاني تكون انت فية على راس مشروعك والله يوفقك

ونا مع اخونا منتصر هج ونحش وعض ثوبك دامك بلبراح
شغله غير مربحه ابدا ولاتوهق وخلك من الي يحسبونه بلحاسبه وهم متركين بلمجالس
الشغله متعرضه العقبات منها العامل الي بتشغله على السياره بيضرك وبيمشي مصلحته ومارح يمشي مصلحك ابدا وهو الاهم بشغله السائق خلال سنه بيخليلك السياره كنه له عشرين سنه تشتغل وبيكذب عليك كفر بنشر كفر ضرب لستك خراب ورشه بيصب ديزل رخيص نصفه ماء بيدمرلك السياره بعده المرور الحجز مشكله كارثه المخالفات الاجنبي يعطيه مخالفه لو مااخطاء بعده الي تسمع عنه العقود كذب نصابين مافيه عقود طويله العمل متوفر لاكن ليس مثل ماتوقع عقود طويله داخل المدن مستحيل مافيه عمل بسبب الحجز والمرور لاتورط نفسك 9000 قصد مستحيل توفره السياره ممكن ادخل 15 الى 18 لاكن تصرفه مصاريف خيال حتا لو السياره جديده الورش حراميه دور شغله غير نصيحه منواحد خبره 45 سنه بشغله ونتبه تااجر الراس بدون سائق السياره لازم تراقبه انت وتغير زيته وفلاتر وماتسلمه بيدين الناس

يا اخوي نصيحة لا تمشكل نفسك بالدين اذا عندك كاش او كون نفسك افضل لك يا اخوي عيش على قدك ومرتاح والرزق يجي شوي شوي وعليك بالرزق اللي ما فية دين وانا اخوك صدقني ياخذون سيارتك وكالة ويعدمونها عليك وقطونها لك ولا تسوء شي ما احد بيحن حلالك اكثر منك او الصادق الامين وهم قليل بهذا الزمان

ما قصروا الاخوان عطووك النصيحه
وأنا اضم صوتي لهم ابعد عن الشغله اذا بدايتها دين واقسااط .
ولا تنسى النقل الآن يعيش اسوأ حالاته ،،،،

اتمنى لك التوفيق

السلام عليكم انا صاحب سيارات والوضع سيئ العمل مثلا المدينه المنوره يعطون الرد ب 110 السياره تجيب سته ردود بالعافيه والزعل والتشجيع يعني 660 في اليوم اخصم ديزل 50 اخصم بنشر 20 اخصم مصروف عامل 100 اخصم راتب عامل 100 اخصم تلف كفرات 100 اخصم اربع جمع +سته للعطال الباقي 290في 20يوم=5800 وين العطال وين الرايح منعمر السياره وكيف يطلبون منك9000 لا وراتب العامل محسوب على ان السياره تشتغل ثلاثين يوم

خسااااااااااااااااره
انحش
ماراح تطلع 9000 لو تفحط
وبدون تيدر بعد يعني يبيلك تستاجر تيدر بعد اقل شي 3000 اذا مو اكثر يلعبون عليك وراتب سواق ومصاريف سيارة ديزل وزيت وتشحيم وكفرات وفلاتر وغيرها يطلع لك صيانه وقطع غيار
خسااااااااااااااااره انحش وبس نصيحه من خبره

السلام عليكم ما قصرتو يا اخوان استفاد الاخ واستفاد من دخل على الموضوع من خلال تجاربكم

بعد انا جديد على الشغلة بس الي بيشغل تيدر فقط وش المشاكل الي بتواجهه ؟

ياطويل العمر شغلة الشاحنات مثل اللي جالس على الشاطي
ومعه سنارة وتصقعه الشمس وكل مره يصيد وحده صغيرة او مرضانه
او هزيله او طعمها مو حلوا... وعلى هالحال واللي حوله ويراقبونه من بعيد
قالوا هذا ماخلا سمك بالبحر...
باختصار حنا طبقة كادحة تحت طبقة مخملية حنا اهل الشاحنات الفردية
مسخرون لخدمة التجار في الحقيقة لايوجد رابح فيها الا الشركات والسبب
قبولنا باقل ايجار ولو بالخسارة اهم شي نشتغل.
المعروض ياعزيزي في السوق اكثر من المطلوب والوساطة مع شديد الاحترام كلهم
غير حقيقيين وهميين واغلب من يطلب اعداد شاحنات كثيرة ليحصل على عقود بسياراتنا.

الخلاصة تسع الاف هذا هو متوسط المبلغ اللي رايح تحصل عليه على مدار السنة قد
يزيد او ينقص.
العمل كثييير ولكن غير مفيد.

المستفيد... المتستر... فقط... تبي الفايدة جب عمال تشتغل لمخابيها وانت خذ نصيبك
كذا فايدة وراحت بال.

سوف تنزل عليك اقساط عديدة وانت لم تستقدم عامل اصلا بعد الشراء.

النصيحة ان كان ولا بد من شرائك لشاحنة زد الدفعة واشتر كاش وبعدها قرر بنفسك.

اجار الشاحنة اقل من 1000ريال يوميا يعتبر غير مفيد اطلاقا.
اتمنى لك التوفبق...