| جميع الحقوق محفوظة © دار تقنية المعلومات IT Dar |

مشكلة مع شركة تأجير سيارات ((أرجو النصيحة))

السلام عليكم

اخواني استأجرت سيارة من إحدى شركات التأجير لمدة 4 أيام، والسيارة تضررت وجهيتها بسبب العج، ترميل في الصدام والقزاز الأمامي والأنوار الأمامية، ويوم جيت أسلمها طلبوا مبلغ 800 ريال بدل أضرار العواصف الرملية، طبعاً رفضت الدفع وتهاوشت أنا والموظف وقلتله كلم المدير، وكلمني مديرهم وقال بنخلي عقد السيارة مفتوح وبكره بنكلمك بعد ما نعرض السيارة على ورشة، واللي صار في النهاية إني دفعت لهم مبلغ ايجار ال 4 أيام وما دفعت لهم ال 800 وما زال عقد السيارة مفتوح وانا بانتظار اتصالهم بكره.


السؤال هنا هل أنا ملزم بدفع هذا المبلغ أم لا؟؟

وجزاكم الله خير

كل الردود: 14
1.
00:38:41 2014.06.15 [مكة]
ياخوك ادفع افضل لان معناة العقد مفتوح يعني يحسب عليك يوميا
2.
عضو قديم رقم 358076
00:58:06 2014.06.15 [مكة]
لا انت لست مسئول عن اظرار الحالات الطبيعيه كلم المدير النصاب هذا وقول له يقفل العقد لأنه يظهر انه يخطط لقدام عشان ياخذ من مبلغ التأمين مثلاً ولو اشتكيت عليهم بيقولو والله الرجال اخذ السياره لمدة عشر ايام واذا ما حطيت عندهم تأمين نقدي يكون افظل وافظل، كلم على البنك وقول لهم العمليه هذي ما تعرفت عليها ولا دفعتها ارجوا ايقافها وايقاف البطاقه وروح طلع بطاقه جديده شغل النصب هذا يرفع الظغط ياخي واذا توسعت المشكله ولا قدرت توقفها من الان روح اشتكي عليهم في المحكمه ، عاد نسيت اي محكمه من اختصاص ذالنوع اسأل وشوف
3.
08:47:22 2014.06.15 [مكة]
سيارة معك أنت مسؤول عنها مسؤولية كاملة لو حطيت فيري كنت خففت كثير من الأضرار نصيحتي لك تخلص الموضوع بأسرع ما يمكن لأن العقد مفتوح ويحسب عليك ايجار يومي وبالنسبة للمبلغ تفاوض معهم لتخفيض مبلغ 800 ريال رد رقم 2 لا تورط الرجال ترى الهياط ما ينفع في هذه الأمور والقانون في صفهم وخل نفسك مكانهم لو زميلك استلف سيارتك ودمرها بالعج المفروض ذوقاً يتحمل نتيجة اهماله
4.
عضو قديم رقم 6677
08:59:18 2014.06.15 [مكة]
السلام عليكم ورحمة الله. لو انك دافع احسن، الان يمكن تدفع ال 800 زائد ايجار يوم او اثنين لان العقد لا زال مفتوح. وممكن الورشة يقدروا الاضرار باقل من 800 لكن ايجار اليوم الاضافي اثناء التقدير عليك. وللعلم الحق معهم، في حالة الايجار يجب تسليم السيارة بنفس الحالة التي كانت عليها واي اضرار اصابتها اثناء فترة الايجار يلزم بها المستأجر. اذا ما اتصلوا عليك اتصل عليهم انت احسن وانهي الموضوع، وتقدر تعرف اذا تقفل العقد ولا لا اذا جاتك رسالة انتهاء التفويض.
5.
عضو قديم رقم 358076
09:00:42 2014.06.15 [مكة]
اوك آسف اسحب ردي :-/ مشكور يا دبل
6.
11:30:56 2014.06.15 [مكة]
ادفع احسن والله يعين انا مجرب ومتورط الي الان
7.
11:34:44 2014.06.15 [مكة]
لا ما انت مجبر السياره اصلا ما من عليها الشركه اذا هناك مطالبه يطالبون الشركه لكن بلغ الشرطه برفضهم استلام السياره حتى لا يطلع عليك الاجار يومي كذا اخليت مسوليتك الشرطه توجههك صار مغي نفس الحال صدمه مو ترميل وسحبتهم للمرور واقمت عليهم قضيه احتيال على المواطن والتامين لان اصلا ما يطلع سياره الا مامنه فكيف يطلب منك تامين على التامين
8.
عضو قديم رقم 6677
13:49:17 2014.06.15 [مكة]
السيارة عليها تامين صحيح بس مين راح يدفع رسوم المطالبة لشركة التأمين؟ التامين ياخذ على كل مطالبة 1500 ريال من المستاجر في حالة الحوادث او السرقة ( في حالة كان الخطا عليك او ضد مجهول ) وهذا الشي مكتوب في عقد الايجار فمثل الحوادث البسيطة تصلحيها في الورش بدون تامين افضل.
9.
21:18:35 2014.06.15 [مكة]
حجصلت معي استأجرت من شركة المفتاح سيارة 2013 على ايامها وماشية 4000 كم فقط انعدمت الوجهية بشكل كبير جدا وانا مسافر للشرقية دفعوني 100 ريال فقط تسمى عندهم في العقد غرامة .
10.
21:19:44 2014.06.15 [مكة]
حجصلت معي استأجرت من شركة المفتاح سيارة 2013 على ايامها وماشية 4000 كم فقط انعدمت الوجهية بشكل كبير جدا وانا مسافر للشرقية دفعوني 100 ريال فقط تسمى عندهم في العقد غرامة للأمانة توقعت بيطلبون فوق 500 ريال ولو طلبوا بعطيهم بالتأكيد لأن قهر سيارة جديدة تنعدم وجهيتها بهالشكل ومعروف ان هالشي يأثر على مبيعاتهم .
11.
01:29:25 2014.06.16 [مكة]
أشكر لكم مروركم ونصائحكم، مريتهم اليوم قفلت العقد معهم، وننتظر تقدير الورشة. الاخوان اللي يقولون من حقهم، الحين لو انت مستأجر بيت ولا قدر الله حصل زلزال أو فيضانات أو أي شي من هذا القبيل فهل من حق صاحب البيت يطالبك بالتعويض؟ على ما أعتقد لا، وحالتي معهم نفس الفكرة. وثاني شي اللي يقهر الأسلوب لو مثلاً قالي نتحمل جزء وانت جزء لكانت أخف، ولكن يجي الموظف ويقدرها من راسه 800 ريال والسيارة مازدا 3 وماشية 65000، فالمبلغ اللي طالبينه مبالغ فيه.
12.
08:21:43 2014.06.16 [مكة]
Hilal ان شاء الله هالموضوع بيعدي وامورك سليمه لكن وش تستفيد من هالسالفه ؟؟ مره ثانيه لما تبي تستأجر سياره .. روح لمحلات معروفه مثل شركة المفتاح عندهم شي اسمه تأمين شامل بزياده 25 ريال ع كل يوم صحيح مع الايام بتصير مبلغ لكن لاحظ لكن مهما يصير بالسياره مالك شغل فيه الخطا عليك ماهو عليك ماتتحمل اي شي يعني تسوق وانت مرتاح البال اللهم بس ان صار حادث لاتترك السياره وتروح خلص امور المرور وجبلهم تقرير نجم او المرور لاحظ بعض شركات التأجير الصغيره يقولك تامين شامل لكن ان صدمت تدفع 1500 ؟؟؟؟؟ ارفض ودور احد يقولك ماتدفع ولا ريال لو صدمت بخطا او بدون وبالتوفيق للجميع
13.
15:34:39 2014.06.16 [مكة]
أشكرك أخوي Hopeless على نصيحتك ومرورك وبالتوفيق للجميع
14.
02:16:52 2014.06.17 [مكة]
بعد التحيه والتقدير التامين علي ااحوادث فقط اما سافي وماسافي ليسا عليه تامين ولا فيه شركه بالعالم تامن علي سوء الاستخدام والترميل سوء استخدام التامين علي ااحوادث فقط المنطق يرفض ان تستاجر سياره لمدة اربع ايام 400 ريال وتجيب اصلاحات 1000 ريال مثلا