| جميع الحقوق محفوظة © دار تقنية المعلومات IT Dar |

عندك مشكلة في الفورد ؟ تبي حل للعديد من المشاكل ؟ تعال هنا

السلام عليكم ورحمة الله وبركاته


ببدأ بالمووضوع هذا بإختصار

اللي عنده او يواجه مشكلة في سيارته الفورد خصوصا الفكتوريا + الماركيز

يطرح مشكلته وسيتم الرد عليه بأقصى سرعه ان شاءالله

وسيتم وضع شروح متعدده للتعديلات او تركيب وفك القطع الميكانيكية والكهربائية بالصور بالاستناد الى خبرات مجموعه من الشباب اصحاب خبرات فرديه واجهوها

سيكون التحديث يومي لكل من يطرح مشكلته نلقى لها حل بإذن الله
مع العلم ان اغلب المشاكل تكون بسيطه ولكن الورش يكبرونها ويخلونها زي القبه مالها حل


مووووفقين خير يا ابطال

وكل عام وانتم بخير
1433/10/01 ه

كل الردود: 1377

عرض:
1.
09:04:52 2012.08.19 [مكة]
نبدأ بكاشف الاعطال اكيد تعرفون ان اغلب محلات الفحص تطلع لك كود للحساس العطلان مع العلم ان اذا طلع لك الكود ممكن مايكون الحساس ممكن يكون فيه شيء اخر متعطل بنفس الدائرة التابع لها الحساس كشف الأعطال بالسياره أحتفظ بها ستحتاج لها مستقبلاً * من واقع لي تجارب شخصية كثيرة تحدث أمامي في ورش كشف الأعطال للسيارات بالكمبيوتر يستغل العامل جهل السائق بما يظهر في نتيجة الكشف ويستغل جهل الكثيرين بأنظمة السيارات وبالأخص الحديثة منها فتجد العامل يعطي السائق كشف بنتيجة الفحص بالكمبيوتر وفيه الأرقام والرموز الكثيرة الغير مفهمومة منها مثلاً P0034, P0023, P0006 ويقول له عندك عطل في الديلكو وعندك عطل في أسلاك البواجي وعندك عطل ابواجي صاحبنا ما يدري وش السالفة وما أكثرهم لأنهم لا يعرفون هذه الرموز وما تعني * فيقوله أوكي صلح الخراب وكم الحساب ويدفع مبالغ وبالأخير نكتشف أنه لا غير ديلكو ولا بواجي ولا اسلاك بواجي كل اللي غيره صفاية بنزين وفلتر هواء وفلتر هواء الحاقن وكلها قيمتها لا تتعدي 120 ريال وهو دفع أكثر من 1200 ريال رغم وجود فواتير قطع أصلية ومختومة من محلات قطع الغيار وكلها تعاون بين ها العمالة * لذلك أذا فحصت سيارة بالكمبيوتر وأعطاك كشف نتيجة الفحص خذ الكشف وقول له برجع لك بعدين * وأدخل هذا الموقع في أخر الرسالة * أختر الشركة الصانعة ثم سنة الصنع ثم فئة السيارة ثم نوع المحرك ثم جزء النظام بسيارتك اللي قمت بفحصه ثم رقم الخطاء لديك في كشف فحص الكمبيوتر ثم بعده سيظهر لك نتيجة نوع العطل الصحيح * Actron® * http://engine-codes.com/ < تكتب الكود مباشرة بحقل البحث ثم تحدد الشركة الصانعة للسيارة
2.
10:34:09 2012.08.19 [مكة]
تقبل الله منا ومنك صالح الاعمال وكل عام وانت بخير اخوي بالنسبة لمشكلة المكيف الروائح الخارجية والاتربة تدخل هل فيه طريقة لتسكير الهواية.. شكرا لك
3.
10:57:21 2012.08.19 [مكة]
امين واياك هذا هو الحل :. شرح بالفيديو عن كيفية عمل الهوايه الخارجيه ووين مكانها بالظبط طبعا مثل مانتم شايفين بالفديو هاذي اسطوانه والتحكم فيها عن طريق المكيف وتوجد تحت الدرج الي عند الراكب بس نزل راسك وتلقاها عندما اضع المكيف على NORMAL/AC بتفتح الاسطوانه ويدخل الهواء من الخارج وعندما اضع المكيف على MAX/AC بتقفل الاسطوانه ويصير الهواء داخلي فقط http://www.youtube.com/watch?v=7bmzTBnTjSs بإمكانك بعد مشاهدة الفيديو اغلاق الفتحة نهائياً وتثبت مفتاح فك الهواية بأي شيء ثابت وانتهت المشكلة ومن الراوئح ايضاً ثلاجة المكيف وهذي مهمة جداً لزيادة تبريد المكيف وزوال الروائح من المكيف راح انزل موضوع منقول من فورد العربية لطريقة فك الثلاجة وتنظيفها
4.
11:02:27 2012.08.19 [مكة]
كل عام وانتم بخير الله يعطيك العافيه اخوي على الموضوع لان بشتري بعد العيد على طول فورد وكنت متخوف من هالناحيه الله يعطيك العافيه ويجعلها بميزان حسناتك مشكووووووووووووووووووووووور
5.
11:04:14 2012.08.19 [مكة]
اخي الكريم وين احصل دينمو فورد2006
6.
11:11:35 2012.08.19 [مكة]
4. بقلم: justVIP حياك الله ياغالي ونصيحة اشتر فورد ولاتخاف لا من قطع ولا من تركيب وترى الفورد والله ممتاز وعملي جداً اذا صرت تعرف له 5. بقلم: ebra انصحك بالطلب من امريكا اصلي وكالة غير مجدد لأن اللي عندنا بالوكالة اغلبها مجدد والجديد سعره 1300 تقريباً وغير موجود اذا تبي اشوف لك واحد من الشباب يطلبه لك جبت لك رقمه تتواصل معه وهو ثقه بإذن الله
7.
11:15:07 2012.08.19 [مكة]
والله اكون لك من الشاكرين رحم الله والديك
8.
11:20:19 2012.08.19 [مكة]
تسلم والله طيب بستشيرك ماركيز 99 نظيفه جربتها سواقه واعرف راعيها ومعتني فيها لكن لا بد افحصها اكيد مافيها صدمات ولا رش ولا ايراقات ولا شاص وقير ومكينه ومكيف وكهربة السياره فحص كم تتوقع انها تسوى لو نظيفه نظيفه كم حدها ؟؟ مشكور واسفين ازعجتك
9.
11:21:24 2012.08.19 [مكة]
نسيت اقول انها امريكي مهي خليجي ومستورده من امركا من قبل سنتين تقريبا او ثلاث
10.
11:28:24 2012.08.19 [مكة]
الله يجزاك خير على مساعدة اخوانك.. المكيف عندي يبدأ حار ولما اجلس 5 دقايق يبرد وطبعا اول ما اشغله افتح الكبوت واحط يدي على لي الفريون واحصله حااااار يعني الكمبروسور مو شغال... العطل هذا من ايش
11.
11:29:24 2012.08.19 [مكة]
8. بقلم: justVIP الامريكي نفس السعودي او الخليجي اللهم ان الفرق في المراتب الاماميه تكون تكايتين والخليجي تكايه وحده + مسار مكيف خلفي + طبلون بالميل والاهم قبل تشتري خذ لك تقرير كارفكس تعرف تاريخها هناك ووش كانت عليه وانتبه لنقطة المنطقة اللي مستوردة منها لأن الامريكي فيه شيء يجي بثلاجة ماكينة مخصصه للمناطق الباردة وهذي تسبب ارتفاع في درجة حرارة الماكينة واما المناطق الحارة زي طقسنا ماعليه كلام الحرارة تكون ممتازة وانصحك بفحص حساسات السيارة وجيب الاكواد وادخل الرابط اللي بالرد الاول وطبق اللي فيه وراح تعرف كل شيء في السيارة
12.
11:33:22 2012.08.19 [مكة]
مسكور اخوي ما قصرت والله تعرف ورشه افحص عندها وتقرير الكار فكس كيف احصل عليه؟ وما رديتلي خبر عن سعرها الله يبارك فيك
13.
11:34:36 2012.08.19 [مكة]
10. بقلم: الاسد55 حياك الله ياغالي طريقة كشف عطل نظام التبريد ( المكيف ) وهي تزداد في شهر الصيف حيث لا يستغنى عنه الكثير....... أذا عرفنا درجة الحرارة لدينا تزيد عن 45 بل تصل الى 60 درجة مئوية في كثير من الأحيان..... في هذا الموضوع سأذكر ما يجب فحصه خلال تعطل نظام التبريد أو خلال قلة التبريد حيث يجب فحص الطرق التالية: 1- نوع الفريون المستخدم 2- الفريون فقد يكون هناك تهريب + فحص كافة الأنانبيب 3- الصوفه ( كلتش الكمبروسير ) + ثيرموستات نظام التبريد 4- الثلاجة فقد تكون لا تعمل بالوجه المطلوب 5- التأكد من سلامة فلتر الهواء 6- المروحة + الحساس 7- كافة الأسلاك الموصلة لنظام التبريد والخارجة من الثلاجة ==== اذا الكمبروسر منتهي انتبه من كمبروسر دلفي سيء جداً بإمكانك طلب كمبروسر اصلي من امريكا افضل لك او تاخذ موتور كرافت ب700 او 800 ريال يمشيك ابو سنتين
14.
11:36:21 2012.08.19 [مكة]
12. بقلم: justVIP التقرير فيه هنا اعلانات يجيبون لك تقرير كارفكس او اوتو تشيك ب15 ريال للواحد او 25 ريال للإثنين بالنسبه للسعر مايتعدى 17 الف وممكن يزيد شوي او ينقص لأني في رمضان شفت 2001 على 14 وحولها
15.
11:38:38 2012.08.19 [مكة]
وين الي شفتها ب14 لي شهرين افحط بالحراج النسيم وبالموقع هنا وما حصلت بهالاسعار كلها على 25وفوق الي مديل 2002 لو تضمنلي الي تقول عنها ب 14الف نظيفه الحين اخذها ولك الفين لنك دليتني عليها
16.
11:40:14 2012.08.19 [مكة]
ابعطيك قاعده قبل تدخل اي حراج سواء النسيم او الشفاء اذا لقيت موتر ملمع ومطيرين سعره لاتقربه تراه حق شريطي واذا لقيت موتر موديله حلو زي 2001 او 2002 وسعره نازل تراه مع راعيه الاساسي ولاهو شريطي لأن نظام الشريطيه يخسف بسيارتك للأرض وتبيعها وانت مكسور من قيمتها واذا اخذوها طيروها للسماء لو انها قرنبع
17.
11:43:39 2012.08.19 [مكة]
لا هذي مع واحد اعرفه والسياره نظيفه اعرفها والسعر الي طالبه اشوف انها عالي طالب 22الف عليها جنوط حقت 2006 ولا فيها خدش ولا سمكره ولا صدمات ولا شي نظيفها وجربتها اكثر من مره عجبتني وهي اول مره بركب امريكي سيارتي الاساسيه بي ام بس هذي بخليها للمشوره بالزحمه والكرف والبي ام للطلعات الخاصه والاهل شرايك بسعرها اتوكل على الله ولا شلون؟
18.
11:46:16 2012.08.19 [مكة]
والله حسب نظرتي انها غاليه لان موديلها قديم شوي تزود لك 5000 تاخذ لك 2003 - 2004 الان انا شايف في الامارات خليجي 2008 اسود ستاندر ماشي دون ال100 الف ب50 الف قابل للتفاوض مع المعلومية ان ال2008 قابل للتعديل افضل من 99 من حيث تركيب قطع لزيادة كفاءة السيارة ورفع الاداء
19.
11:48:36 2012.08.19 [مكة]
طيب حولك فورد نظيفه وسعرها مقبول؟ مابي سياره تكلفني لان عندي سياره بي ام ابي فورد للمكده وبنفس الوقت تكون نظيفه وشكلها حلو ان في حولك شي ياليت تعطيني خبر ولك اتعابك
20.
11:51:28 2012.08.19 [مكة]
اخبر لك كراون فيكتوريا 2005 سبورت قير ارضي الموتر بشكل عام نظيف لكن جاته صدمه بالجهة الامامية اليمنى وغير الكبوت والرفرف الايمن اللون اسود الداخليه جلد اسود مكيف لمس مثبت سرعه ايرباق السواق طالع (( بخصوص الايرباق بيغير الايرباق والحزام وبيرجع وضعه الطبيعي )) جنوط 17 سبورت والموتر نظيف ونشاطه ماشاءالله عليه
21.
13:57:37 2012.08.20 [مكة]
الله يجزاك خير أبسأل عن لنكولن تاون كار موديل 2004 إذا كنت أمشي بسرعة لا تتجاوز 100 كلم فالمكيف بارد، أما فوق المية وأحياناً فوق مية وعشرين يحتر المكيف ولا يبرد إلا إذا نزلت السرعة. علماً بأنه وارد امريكي والكمبريسور جديد موتور كرافت. والمشكلة متكررة سواء أيام الكمبريسور القديم أو الجديد.
22.
14:00:14 2012.08.20 [مكة]
مساكم الله بالخير والنور وكل عام وانتم بخير من العايدين والقايزين استفسار عن فورد المسجله كست وبركبلها مسجل فورد اصلي سيدي وكست لو عندك واحد ياليت ترسلي على الخاص وكم طالب فيه مشكور على الموضوع والله يعطيك خير كل من تجاوبهم وتساعدهم لوجه الله بنصايحك
23.
13:45:34 2012.08.28 [مكة]
21. بقلم: عدل تنظيف ثلاجة المكيف + المواصير الباردة + تركيب عازل على المواصير الباردة وعلبة الفريون وترى نظام الفورد طبيعي انه مايعطيك الكمبروسر يشتغل بشكل متواصل اذا كانت السيارة تمشي فوق 120 يشتغل شوي ويقفل ويشتغل ويقفل عشان ماتثلج المواصير وتنعدم البرودة
24.
13:49:24 2012.08.28 [مكة]
22. بقلم: justVIP عادي مو مشكلة يركب لأن الافياش نفسها واعتقد لأن هذا الشيء لاحظته من 2003 و على فورد 2005 ان افياش المسجلات وحده لأن كان بسيارتي سيدي وكاسيت وصاحبي 2005 ومسجله سيدي فقط والافياش نفسها بالضبط سعر المسجل سيدي وكاسيت مايتعدى 700 ريال وتحصل لك واحد نظيف ولقطه بالغرابي اذا دخلت للغرابي من جهة البطحاء تمشي الين تجيك الاشارة ابد على يمينك جنب الاشارة محل مسجلات عنده مسجلات سيدي وكاسيت فورد اصلية اعتقد يبيعها ب700 ولا تزود ريال والـسيدي ( 6 سيديات ) ب650 - 600 ريال
25.
14:12:53 2012.08.28 [مكة]
السلام عليكم كل عام وانت بخير ضرب علي كفر الخلفي يسار وبعدها صارت السياره تمشي لحد 80 وثم تطلع علامه مانع الانزلاق ولا تمشي زياده ! - الا اذا ضغطت الزر حق مانع الانزلاق وبعدها تمشي طبيعي وش الحل
26.
14:19:21 2012.08.28 [مكة]
الله يجزاك خير ويجعله بموازين حسناتك اخوي انا عندي فورد2005 المشكله الاولى احيانا وصارت معي مرتين اشغل السياره واقعد شوي واشوف امبير الكهرب نازل وشويات تولع لمبة البطاريه واذا مشيت لي مسافه طفت المشكله الثانيه/ الموتر احيان يتفتف وانا واقف عند الاشاره واحيانا وانا ماشي موب يقطع يعني يصر اشتغاله مو صافي يصير كذا تتتتتتتت وبعدها يصفى مع العلم اني مغير فلتر هواء والبنزين والبواجي وسيت فحص كمبيوتر ماطلع شي انتظر الحل منك بارك الله فيك
27.
14:37:47 2012.08.28 [مكة]
25. بقلم: افالون شيك على الرمانات وعلى وزنية العكس الخلفي اللي بنفس الاطار اللي انفجر والواضح انه انفجر عليك وانت على سرعة عالية لأن ممكن صار فيه خلل بالرمان او العكس فمع الدوران يعطي حساس مانع الانزلاق ان السيارة تنزلق فيشتغل المانع ويمسك السيارة وتحس ان السيارة مكتومه وهذا من المانع شيك على الرمانات الخلفيه + العكس
28.
14:43:24 2012.08.28 [مكة]
26. بقلم: عززووزز اذا البطارية جديدة فك الدينمو اللي عندك تلقاه منتهي عمره ولا يعطي كهرب ممتاز وحلك هذا في البطارية اذا كانت قديمة غيرها ببطارية موتوركرافت الاصلية قيمتها ماتتعدى 400 ريال واذا البطارية جديدة روح للتشاليح قلهم ابي دينمو فورد 200 امبير قيمته حول 500 - 700 ريال واذا طلعه لك اقلبه وشوف علامة فورد ان كانت موجوده فهو اصلي واشرط عليه يسجل لك فاتورة ويسجل انه اصلي غير مجدد ايضا فيه جهاز قيمته حدود 300 ريال يسحب الكهرباء الساكنة بالسيارة وهي تضر السيارة وتضعف من الكهرب عامة تشبك الموجب بالموجب والسالب بالسالب في البطارية وتوصل باقي الاسلاك من الماكينة الى بدي السيارة عشان تفرغ الشحنات السالبه من السيارة وتصفى وممكن انك تلاحظ سلك اسود بالرفرف الايمن بجانب البطارية مشبوك في البدي بتلاحظ عليه الضعف والتآكل من الزمن وهذا السلك لازم تدعمه بسلك اضافه عشان يصير تفريغ الشحنات السالبة اسرع وافضل وتلاحظ بعدها قوة في الاضاءات عامة قوة في تبريد المكيف صفاوة في صوت المحرك تقليل صرفية البنزين
29.
15:09:31 2012.08.28 [مكة]
الله يعطيك العافيه طيب يالغالي بس مشكله التفتفه ماوضحت لي سببها
30.
15:45:33 2012.08.28 [مكة]
29. بقلم: عززووزز التفتفه اذا غيرت البطارية والدينمو راح تختفي لأن ضعف الدائرة الكهربائية مايعطي للبوجي كهرباء مضبوطه لأن البوجي كل ماكانت الكهرباء مضبوطه كل ماكانت شرارة البوجي قوية تؤدي لإحتراق البنزين بشكل كامل داخل البستم واذا صارت الشرارة ضعيفه بسبب ضعف الكهرب مايحترق البنزين كله داخل البستم وبيخرج دخان اسود وهو ناتج عدم احتراق البنزين بشكل كلي فإذا سويت اللي قلت لك واختفت التفتفه الحمدلله اذا ما اختفت عليك بتنظيف الكويلات << واقول تنظيف وليس تغيير لأن التنظيف مايجبرك تغير الكويل اذا طلعت الكويل وانت بالبيت فك الجلدة اللي على سستة الكويل راح تلقى عليها صدأ واوساخ نظفها ببخاخ اي سي ديلكو واتركها يوم كامل عشان تنشف صح وثم رجعها بدال ماتغيرها ب800 ريال وتركيبها سهل للغاية واذا بتغير البواجي انصحك بتركيب بوجي اي سي ديلكو FM وليس PM لأن الـFM افضل ويعطي شرارة اقوى واذا تبي تقلع بالاداء ركب بواجي ايريديوم الطقم بـ400 ريال وتعطيك قوة كهرب عالية اقوى
31.
16:33:07 2012.08.28 [مكة]
الله يجزاك كل خير وفعلا انفجر ع سرعه عالية راح اشيك عليهم
32.
22:57:17 2012.08.28 [مكة]
شيك عليها ترى سعر العكس وكالة 700 ريال الرمانات ماني متأكد بالضبط ولكن هي حول 130 ريال وشغلها ماتتعدى 150 ريال
33.
عضو قديم رقم 308663
23:09:27 2012.08.28 [مكة]
الله يعطيك العافية . عـندي عـدة أسئلة آخوي . قبل آسبوع وقفت عند محطة بانزين وطفيت السيارة عشان يعبي بعد معبى اشغل متشتغل السيارة للعلم الكهربائي الي في المحطة كشف مالقىء شيء..! حآولت ومرآ متشتغل والاضائة وكل شيء سليم ولكن متدق ..! من البكرا جبت مهندس حآول ومآطلع غير بشيء بسيط الي أهو يشبك لي سلك من السلف الى البطارية يعني أفتح السوتش وأفتح الكبوت وآحط السلك على البطارية وتشتغل واشيلة ..! الشيء الاخر آن انفصل المكيف ومع ها الجو ميساعد . طبعآ بكرا راح اودي السيارة الروشة لآن عندي آجازة . 2:-مشكلة التفتفة فهآ المشكلة صراحة معقدتني . 3:- المكيف يفصل فوق سرعة عالية ويصير جدآ سيئ وآذا شلت عن البنزين يبدآ يطلع هوا بارد تدريجي ..! وجزاك الله خير .
34.
00:08:52 2012.08.29 [مكة]
حياك الله اخوي سليمان مشكلة تعبئة البنزين وما اشتغلت عندك صفاية البنزين مليانه وسخ والسبب هو ان عامل المحطه لمى جا يعبي ضغط المسدس حتى الطقه الثالثه وهو يسبب بإندفاع البنزين للتانكي ويحرك الاوساخ اللي مترسبه في قاع التانكي واللي بدورها تطلع مع الطرمبة للصفاية وحركة السلك هذي تقوية الكهرب للطرمبة لدفع البنزين بشكل اقوى وتمر على الصفاية ويطلع البنزين من الصفاية الى البخاخ هذا اللي يظهر لي حسب كلامك الا في حالة ان امبير البطارية نازل بيكون الكهرب ضعيف لان الفورد مع استخدامه يضعف فيه الكهرب 2:-مشكلة التفتفة فهآ المشكلة صراحة معقدتني . تابع ردي رقم 30 2:-مشكلة التفتفة فهآ المشكلة صراحة معقدتني . تابع ردي رقم 23 مع الاخذ في الاعتبار رمان الكمبروسر وزيت الكمبروسر وهل هو اصلي وكالة او مجدد لأن اللي بالوكالة الان عندنا كله مجدد مافي اصلي الاصلي تطلبه من امريكا ويجيك ارخص وافضل بكثير
35.
عضو قديم رقم 308663
01:40:44 2012.08.30 [مكة]
xpoldx الله يبقيك آخوي وجزآك الله خيررر دخلت فقط عشان اخذ الفائدة وإن شاءلله بكرا اشيك مؤفق خير والله لآيحرمك الجنة ولآ يحرمك لوجهة الكريم , فممان الله .
36.
عضو قديم رقم 191355
02:35:24 2012.08.30 [مكة]
يعطيك العافية سؤال فورد اكسبلور 2005 الجزيرة بعض الاحيان احس ان الجيربكس عند قومة السيارة يدبل الغيار الاول مع الثاني مثل الرجه .
37.
12:27:05 2012.08.30 [مكة]
شيك على حساسات القير ورمانات العكوس الخلفيه
38.
عضو قديم رقم 67503
18:26:14 2012.08.30 [مكة]
جزك الله الف خير عنديفوردماركيز 2010 انكسر قزز الامامي ومحتار اسوية عند الوكالة او بالمحلاات عطنا رايك واذاعندكخلفية بالااسعار علمنا فيها
39.
19:36:00 2012.08.30 [مكة]
سعر التجاري 180 ريال سعر الاصلي 350 ريال مع ضمان مدة سنة مع العلم ان الشغل واحد يعتمد على السيلكون المستخدم في تثبيت الزجاج ملاحظة ترى الاصلي تلقى عليه شعار فورد في المنتصف من اسفل اذا ماحصلت شعار فورد تراه تجاري ومع السافي يرمل بسرعه وينعدم وحتى عند الفك تلاحظ انه يتكسر بسرعه
40.
22:56:24 2012.08.30 [مكة]
جزاك الله خير وكل عام وانتم بخير عندى ماكيز سعودي 99 اذا مشيت وغير الجربكس يطلع صوت المكينه عالي فحصت الجربكس 100% بس الصوت العالى يقولو ماله حل هل له حل والف شكر
41.
00:10:46 2012.08.31 [مكة]
شيك على البكرات بكرة السير وبكرة الشداد والسير واذا كلها سليمه شيك على منظم القير لان التبديلات بتكون متاخرة عشان كذا الماكينة صوتها عالي ولاتنسى البطيخه تتاكد من وضعها اذا فيه خرفشه خفيفه
42.
عضو قديم رقم 67503
15:36:06 2012.08.31 [مكة]
تنصح اسوية بالوكالة
43.
16:23:55 2012.08.31 [مكة]
بتروح الوكالة قالوا 1000 ريال او اكثر روح للسالم اللي بالصناعيه القديمه افضل لك
44.
18:10:55 2012.08.31 [مكة]
السلام عليكم جزاك الله خير أخوي عندي فورد قراند ماركيز موديل 2000 أول ما اشغل المكيف اسمع صوت طق ويطلع صوت اووووووووووووه وبعدين يرجع الصوت الاول طق وزي كذا واذا سكرت المكيف يروح الصةت ناس قالولي يبيله برمجه من جديد
45.
18:53:57 2012.08.31 [مكة]
الكمبروسر او الرمانات حقت الكمبروسر مع الزيت وانصحك ماتركب كمبروسر دلفي لانه سيء جدا انصحك بطلبه من الشركة الام بتكلفة الموجود ولكنه اصلي غير مجدد اللي عند الوكالة مجدد وسعره تقريبا بقطع الغيار 800 ريال شيك على بكرة السير والشداد لان نفس الصوت عندي بسيارتي صوت الطقه هذي من الشداد اذا اشتغلت السيارة ولها فترة ماشتغلت يعني من 5 ساعات وفوق وعاديه بس صوت المكيف هذا الكمبروسر واذا طلع سليم شوف المروحة حقت المكيف ارفعها لاعلى درجة اذا ارتفع الصوت مع رفع سرعة المروحة هذا من المروحة نفسها واذا الصوت نفسه راجع الكمبروسر مع الاخذ بالاعتبار تنظيف مواصيره
46.
23:16:52 2012.08.31 [مكة]
الله يعطيك العافية ويبارك فيك
47.
05:22:09 2012.09.01 [مكة]
حياك الله
48.
عضو قديم رقم 308935
03:44:33 2012.09.04 [مكة]
اخوي مرسلك على الخاص بخصوص مشكلة الحراره واتمناء ترد علي لن السياره واقفه لها يومين انتظر ردك قبل ما اروح ورشه
49.
12:02:13 2012.09.04 [مكة]
رديت على استفسارك ولكن يبدو ان هناك مشكلة بالاتصال وقتها
50.
عضو قديم رقم 226578
13:27:44 2012.09.04 [مكة]
أخي الكريم عندي اكسبلورر 2006 اماراتي، قبل 3أشهر انفجر الهوز الخارج من طرمبة الماء الى الكوع ولم انتبه الى ان ارتفعت الحرارة و فصل علي الموتر، و تم تغييره وبعدها صرت احس انه عند الوقوف هناك رجة بالموتر و مع تغيير فلتر الهواء والبواجي و فلتر البنزين اختفت معظم الوقت لكن احس انها تجي شوي و تروح هل يوجد حل لانهائها. وبعد تغيير الهوز الصغير من تحت الكوع يأقل من شهر انفجر الهوز الصغير الاعلى الكوع فقمت بتغييره وتغيير الكوع والبلف وقبل اسبوع ضرب معي مبرد زيت القير و قمت بتغيير الرديتر وزيت وفلتر القير ، والان احس انه الهوز الصغير تحت الكوع لما تصير الحرارة على الطبيعي المنتصف ينتفخ ويلامس الحديد المجاور... احس انه في شي غلط في دورة الماء بالموتر مع العلم انه كل القطع اصلية وتم تغيير طرمبة الماء قبل سنة ونصف (أصلي) وحتى اني غيرت مبرد زيت الماكينة تحت السيفون لوجود تهريب زيت بسيط السؤال هل انتفاخ الهوز الأصلي طبيعي ان لأ ايش الحل؟
51.
عضو قديم رقم 226578
14:08:32 2012.09.04 [مكة]
و ما عليه ان ثقلت عليك عندي بالاكسبلورر 2006 عند فتح السويتش تظهر اشارة البطارية(شاشة حمراء) حتى لو البطارية جديدة وتختفي فور التشغيل هل هذا طبيعي، و أول ما شريت السيارة كانت لمبة الايرباق تولع مع فتح السويتش وتختفي مع التشغيل الأن ماتولع أبد هل هذا سبب السبع رنات متواصلة تتكررخمس مرات والسيارة شغالة طبعا مو دايما السبع رنات تجي ما الهخا موعد وهي 7 رنات انذار بعديها فاصل بسيط و تجي ال7 رنات الثانية وهكذا لحد 5 تكرارات.
52.
16:51:46 2012.09.04 [مكة]
50. بقلم: Abulayan11 عندك مشكلة في الدورة لان انتفاخ الهوز يدل على وجود ضغط عالي جداً اكثر مما يتحمله الهوز ممايتسبب في وجود انتفاخات واعتقد انه هناك مشكلة في راس الماكينة يتسبب في وجود الهواء بالراديتر وهو سبب الضغط لأن الماء مايخرب الهوز ولايجعله ينتفخ الا بوجود مشكلة في راس الماكينة == لمبة البطارية / طبيعيه بجميع السيارات لمبة الايرباق / اذا فتحت السويتش تأشر ثم تطفى ( دليل ان الايرباق سليم ) مشكلة عدم تأشير اللمبة يعود الى اللمبة نفسها او ان الايرباق تم فصله والغائه من الكمبيوتر اساساً والرنات لا اعلم سببها تحديدا حتى يتم الكشف عن جميع وحدات السنسر بالسيارة (( الحساسات كاملة تشيك عليها وتشوف ايش يطلع لك من رموز )) جيب الرموز ونشوف لك وش اللي عطلان عندك من حساسات
53.
عضو قديم رقم 226578
17:59:51 2012.09.04 [مكة]
جزاك الله كل خير، قبل لأمشي بالموتر خليتها شغالة وفتحت الرديتر لاحظت انه الموية طلعت شوي منه مع فقاقيع هوا لما اختفت سكرت الرديتر ولاحظت انه الانتفاخ قل كثير ممكن يكون من تعبئة اليمني للرديتر لأنه يعبيه للفتحة ويعبي القربة. وهل ارتفاع الحرارة لمرة واحدة ممكن ياثر على رأس الماكينة أنا اللي أعرفه انه الموتر يفصل قبل لايصير أي خراب و ألايرباق أتوقع من اللمبة انها كانت تولع وهالحين لا وكيف ممكن تتصلح و شكرا وجزاك الله خير
54.
عضو قديم رقم 298910
18:02:21 2012.09.04 [مكة]
عندي مشكلة بالفورد سويت له قبل سنة وزن دركسون واذرعة والحين في حذفه قوية لليسار مع فضاوة عجيبة وايضا يبغاله الموتر تنظيف بخاخات وايضا كل ماجيت اعبي الموتر بنزين لازم الهواء الموجود في التانكي يفضى
55.
عضو قديم رقم 298910
18:12:49 2012.09.04 [مكة]
مشكلة اخرى بالفورد المكيف اذا السيارة تشتغل المكيف بارد واذا مشيت فوق 100 كيلو في الساعة يبدء المكيف يطلع هواء حار وش مشكلته
56.
عضو قديم رقم 298910
18:13:50 2012.09.04 [مكة]
علما بان الفورد اللي معي 98 فكتوريا امريكي
57.
21:15:31 2012.09.04 [مكة]
53. بقلم: Abulayan11 ممكن اول مرة تصير معك ولكن اللي قبلك ؟؟ هل تعلم انه ماصار له زي كذا ؟ انا مرة وحدة ارتفعت عندي الحرارة وكبست البلوف على الجلد وصارت الحرارة فوق النص وقبل الاتش دايم !! الحرارة العالية تحرق الوجيه وتشعر الرأس اذا صب عليه ماء بارد بروده عاديه داخل الراديتر والماكينة لازالت ساخنه = مع ملاحظة ان تعبئة الراديتر خصوصاً بالسيارات الامريكية يجب ان يعمل لها وزنية والوزنية عبارة عن تفريغ الهواء اللذي بداخل مجاري المياه من مسمار الهواء واغلب الاحيان تجده فوق كوع البلف حق الموية ممكن العامل ماسواها لك وفرغ الهواء اللي بالراديتر ولكن خذ حذرك بالمرة القادمة وحاول قبل تروح لأي مكيانيكي ان تمر مرور بسيط على منتديات فورد العربية والبحث عن اي مشكلة نفس مشكلتك بالمنتدى
58.
21:22:33 2012.09.04 [مكة]
54. بقلم: ابومحمدالعفري شيك على ذراع الهيدروليك وذراع الدودة وجلد الاذرعه تلقاها تعبانه وبخصوص تنظيف البخاخات سو هالطريقة وبتضبط معك تشتري بخاخ اي سي ديلكو من محلات القطع المعتمدة قيمة البخاخ 15 ريال تفك القربة من فتحة التورثل (( البخاخ )) وتبخ داخل البخاخ من العلبة وبتلاحظ ان السيارة شوي وتطفى ارفع من دعسة البنزين عشان ماتطفى السيارة وخلك ضاغط على العلبة واذا قربت السيارة تطفى زيد الدعسه وبتلاحظ دخان اسود يطلع من الشكمان واذا خلصت العلبة عط السيارة ريس الين تقطع من قوة الدعسه وبتلاحظ الدخان يتحول من الاسود للابيض وهذا دليل على ان الباخاخات نظفت == الهواء اللي بداخل التانكي / خل العامل يعبي على طقه وحده قوله طقه وحده وهو يفهم لأن مسدس البنزين له 3 درجات الافضل الدرجة الاولى عشان الهواء يطلع بهدوء بدون ضغط وايضاً مايحرك الاوساخ داخل التانكي عشان ماتسحبه الطرمبة == المكيف راجع ردودي السابقة على الاخوان بخصوص المكيف
59.
07:21:15 2012.09.05 [مكة]
ياشباب ايش تنصحوني من ناحية القوة والتحمل وقلة الصرفية في البنزين فورد اكسبلورر موديل 2002 ولا فورد اكسبيدشن موديل 98-2000 وشكرا
60.
08:11:13 2012.09.05 [مكة]
اكسبلورر فوق 2003 افضل والاكسبديشن اقوى والافضل من 2003 وفوق
61.
عضو قديم رقم 155254
14:13:33 2013.01.16 [مكة]
عندي مشكله بالفورد2002 وهي خروج هواء أثناء تعبئة البنزين لدرجة أجلس 15 دقيقه بدون مبالغه وعلى دقه وحده. فبعض الناس تقول ان الحساس تحت التانكي فيه مشكله .. أتمنى تفيدني لأن كل واحد يفتي لك شكل وأشكر لك خدمتك لإخوانك وكتبها لك في ميزان حسناتك
62.
16:41:37 2013.01.17 [مكة]
اخوي رقم 61 بقلم ابولين غير غطاء البانزين اشتر اصلي عشان ما يكون هناك دخول للهواء للتانكي
63.
05:50:42 2013.01.18 [مكة]
بخصوص مشكلة هواء البنزين http://www.ford4arab.com/vb/t15846.html
64.
10:14:57 2013.01.18 [مكة]
السلام عليكم عندي لمبة الايرباق تنور 8 مرات ثم مرة وحدة .. وبعدين 8 مرات وثم مرة .. وتعيد هالحركة يمكن 5 مرات لين ما تثبت منورة ايش تتوقع المشكلة ؟ وبكم تصليحها تقريبا
65.
22:34:45 2013.01.18 [مكة]
هل السيارة ماخذها جديده او مستعمله !!! لان اذا مستعمله ممكن يكون حساس الايرباق مفصول او فيوزه فيها ماس شيك على الفيوز اولا وثم شيك على الحساس تلقاه خلف الشبك ماسك في الجسر حق الراديتر اذا هو مفصول اشبكه
66.
17:42:55 2013.01.22 [مكة]
يا هلا اخوي .. السيارة جديدة .. شيكت على الحساسات بجسر الرديتر وكلها مشبوكة .. اي واحد هو فيوز الايرباق ؟ كم رقمه ؟
67.
عضو قديم رقم 167804
06:54:14 2013.01.23 [مكة]
السلام عليكم ،،، يااخواني انا عندي سيارة فورد كداند مركيز موديل 2006 وسيارتي ولله الحمد نظيفة من كله ولله الحمد بس عندي مشكله وهي حصول هزه خفيفه عند السرعة مابين 140 الي 153 تقريبا قبل ال140 لا توجد هزه وبعد 155 لا توجد كذالك ،، الوزن والترصيص ما فيه كلام ،، وهذه الهزه محيره راسي .. مانستغني عن نصايحكم ،،،،
68.
21:00:15 2013.01.25 [مكة]
جوتشي افحص الايرباق بالكمبيوتر يشوف الخلل وينه ممكن يكون في افياش الايرباق اللي خلف الدركسون في قطعة الملف يكون فيه الايرباق والبوري والمثبت
69.
21:10:24 2013.01.25 [مكة]
سيمو هل الهزه مثل مطبات التحذير اللي قبل نقاط التفتيش ؟؟ ان كانت مثلها اول اجراء تسويه تغيير زيت القير والفلتر ووجه الكارتير واحرص يكون نوعية الزيت Micron v وانتبه كل الانتباه لايكون تايب M لأنه ثقيل ويعدم الكلتشات وامسك خط وبعدها شوف هل ترجع او لا وقبل نحكم نقول انها طرمبة القير او ضعف في الكلتشات هل التبديلات سليمة ؟؟ جرب وانت ماشي 80 او حولها ادعس بقووة واول مايبدل القير ويشد ارفع الدعسه وادعس دعسه عاديه اذا بدل القير من شدة العزم وعلى طول ريح للنمرة العاديه القير عندك تمام 100% ولافيه خلاف وبيكون عندك المشكلة في طرمبة القير وعشان تتاكد اكثر اسحب العيار حق الزيت اذا شميت في الزيت ريحة كبريت هذي الريحة من الكلتشات تكون بدت تحرق وممكن يكون موترك مو ماشي كثير لكن صاحبه رجله حاره ولا يرحم طبعاً هذي كلها مبدئيا ولاتاخذ انها الحل النهائي لا ابدا ولكن هذي نفس اللي تواجهني احيانا وايضاً ترى صليبات العمود لها دور في الهزه جلد البودي لها دور ايضا في الهزه
70.
عضو قديم رقم 194990
19:01:23 2013.01.27 [مكة]
اخي الكريم السلام عليكم عندي ماركيز م 97 في بعض الاحيان ترتفع الحرارة بدون المكيف وترى موية الاديتر حمراء هل اغيرها واحط خضراء ارجو الرد بارك الله فيك
71.
18:29:35 2013.02.01 [مكة]
عليكم السلام حبيبي اسباب الحرارة 1- المراوح 2- البلف يكون عطلان يقفل فترررة طويلة الين ترتفع الحرارة 3- انسداد مجرى الهواء (( الشكمان )) اللي هي بالضبط دبات التلوث واحتمال ايضا يكون الثلاجة وايضا يكون عندك الراديتر مسدود ويحتاج تسييخ شيك على اللي قلت لك و بلغني بالنتيجة
72.
23:41:58 2013.02.04 [مكة]
السلام عليكم الله يجزاك خير على هالطرح .... اخي شريت فورد فكتوريا من سيارات الحكومه 99 كل شي فيها تمام بس فيه تفتفه ماهي بصافيه ويم طلعتها وديتها المغسله وغسلت المكينه بالماء بعدها معاد اشتغل وبعد تنشيف بالهواء اشتغل ويالله وصلت البيت معاد يقبل بانزين ويصرقع وحالته حاله وش الحل لاسويه عشان يصفى
73.
00:30:35 2013.02.15 [مكة]
معروف الكويلات + البواجي وصفاية البنزين تجي مربوطه بالشاص تحت باب الراكب الايمن الخلفي وتنظيف البخاخ وانت بالبيت مايكلف 15 ريال
74.
عضو قديم رقم 279713
10:55:23 2013.02.15 [مكة]
عندي فورد بدا يدخن وينقص زيت بشكل كبير وش الحل الافضل توضيب او تغيير مكينه
75.
18:07:42 2013.02.19 [مكة]
شوف حبيبي التدخين اسبابه كثير جلد بلوق شنابر حساس الشكمان تنظيف البخاخات البواجي تعبانه والكويلات ماتعطي كهرب زايد عشان يحترق البنزين بزيادة =-=-=-=-=-=-=-= اذا تبي تعرف كيف يكون جلد بلوف طبعا يكون الدخان خفيف اثناء او بعد الدعس اما اذا كان شنابر فهو تكون داعس الابنص والسيارة واقفه لمدة دقيقة او دقيقتين ثم تزيد الدعسه فجأة اذا طلع الدخان وزاد فهذا الشنابر مما يعني توضيب =-=-=-=-=-=-=-= حساس الشكمان تقدر تتأكد منه وتفصله او تنظف دبات التلوث تكون مكتومه ومليانه عادم متراكم وتبدا تطلع دخان الكويلات والبواجي اذا مافي السيارة تفتفه واضحه =-=-=-=-=-=-=-=-=-= ونقص الزيت عموما في الفوردات طبيعي من ربع علبة الى ثلاث ارباع العلبة كل 5000 كم او المشاوير الطويلة كالسفر 1000 كم وزيادة بدون توقف وانت افحص على اللي قلت لك وان شاءالله يكون اسهل الامور
76.
عضو قديم رقم 303927
23:43:12 2013.02.23 [مكة]
السلام عليكم اخي الكريم انا عندي فورد 97 ماركيز خرب الكمبروسر ورحت قطع الغيار يقولون مافي اصلي بس فيه امريكي قيمته 850 وحصلت واحد عنده كمبروسر كوري قالي ب700 مع التركيب ومع التنظيف اليات والثلاجة وكل شئ وتغيير البلف هل تنصحني فيه ولالا لاني والله محتار وقالي عليه ضمان اسبوعين
77.
01:46:48 2013.02.24 [مكة]
الكمبروسر يفضل انك تطلبه من امريكا اصلي وبكامل اغراضه وبسعر منخفض ويوصلك لحدك افضل من المجدد اللي هنا او انك تاخذ من التشليح حق موديل حديث وتشرط عليه انه اذا مو تمام التركيب عليه
78.
01:58:23 2013.02.24 [مكة]
مشكلة في كراون فكتوريا 2007 أذا عشقت بـ d يطفي
79.
02:09:11 2013.02.24 [مكة]
السلام عليكم ورحمة الله وبركاته اخوي بارك الله فيك عليك هذذا الموضوع الرائع اخي الحبيب انا لقيت سيارة باحد المنتديات والسياره من نوع فورد بس خايف من ممشى السياره لن الموتر ماشي 380 الف وموديله 2004 ما ادري ونا والله السياره عاجبتني كيف اقدر اتاكد من المكينه لن مافيني حيل للورش ونا المبلغ الي معي كاف للسياره
80.
02:10:37 2013.02.24 [مكة]
وهل ممشاه طبيعي ولا مبالغ فيه انا لي خبره بالسيارت بس مدري احس الممشى كثير (ماخاب من استشار ) اذا ودك ارسل لك رابط العرض على الخاص وتشوف السياره وتشوف صورها وتعطني رايك اكون لك من الشاكرين
81.
عضو قديم رقم 248457
08:26:59 2013.02.25 [مكة]
زيت القير لفكتوريا 2010 ماشي 170000 كيف اعرف انه يحتاج تغيير لاني اذا غيرت زيت المكينة شيك عليه البنشري وقال تمام لانقص ولون زين السيارة اخذها وكالة
82.
12:07:15 2013.02.25 [مكة]
الميزر ارسل لي رابط وبخصوص الممشى كيف تعرف انه طبيعي 380000 / 9 = 42.222 كم بالسنه 42.222 / 12 = 3518 كم بالشهر 3518 / 30 = 117 كم باليوم ودام ان الممشى من 40 - 50 الف بالسنة عندنا يعتبر حلو لاهو زايد ولا ناقص وكيف تعرف ان الماكينة سليمة خلها شغاله لمدة ربع ساعه الى عشر دقايق وتكون بحرارتها الطبيعيه ثم دوس عليها اذا طلع دخان فهذا جلد بلوف ويعتبر طبيعي اذا الماكينة مافكت ومن وكالتها ايضا خلك داعس عليها مو بقوة يعني خفيف لمدة دقيقتين ثم عطها زيادة بسرعه اذا طلع دخان فهذا شنبر اما الموية من الشكمان عادي حتى لو السيارة مبوشة يطلع موية مو مشكله والوضع طبيعي والممشى في نظري حلو وطبيعي لان فيه 2007 و2008 وصلت للممشى هذا
83.
12:11:53 2013.02.25 [مكة]
عندي مشكلة حساس البخاخات يطلع صوت ونظفته وضبط مدة شهر والحين رجع الصوت وش الحل
84.
12:19:05 2013.02.25 [مكة]
تجاري1 زيت القير معروف انه يتغير دائما في 80000 كم او 100000 كم فحتى لو ماتغير لون الزيت او نقصانه يبقى فيه ريحة استهلاكه مهما كانت لزوجته لانه ليس زيت ماكينة يواجه غرفة الاحتراق المباشرة وزيت القير المستخدم لسيارتك ميكرون v وانتبه تحط تايبm لان التايبm مخصص للموديلات من 2002 وتحت كون الزيت ثقيل وللتأكيد على كلامي اسحب عيار زيت القير ونشفه من الزيت اللي فيه تلقى مكتوب على العيار نوعية الزيت المستخدم في القير واذا بتغير الزيت غير فقط 6 علب مع وجه الكارتير والفلتر والمرة القادمة غير 12 علبة ولاتاخذ الا من التقوى او توكيلات الجزيرة كونها وكيلة قطع فورد و القطع لديهم اصلية بتسألني ليه المرة الاولى 6 علب والمرة الثانية 12 وهل يضر بالقير ؟ الجواب لا ولكن في المرة الاولى انت غيرت الزيت اللي بالكارتير فقط والمرة الثانية غيرت زيت القير كاملا شاملا مشملا بالطنجرة اللي داخل القير طبعا الطنجرة لحالها تاخذ من 6 الى 7 علب زيت وتغيير الزيت اللي داخلها يستوجب تنزيل القير وعمل فتحة صغيرة بالطنجرة زي الصرة وتعملها المخرطة ولكن اختر المخرطة المتخصصه بالامر هذا
85.
12:22:56 2013.02.25 [مكة]
ابو رمش حاول تنظفه بمنظف الالكترونيات من ساكو واذا رجعت المشكله مالك الا تغير الحساس
86.
عضو قديم رقم 133918
12:28:20 2013.02.25 [مكة]
السلام عليكم اخواني انا كانت عندي مشكله الثلاجة في الكراون فكتوريا 2007 والحمدلله غيرتها بنفسي في البيت وتم كل الموضوع بحمد الله اللي حصل اثناء الشغل اني لفيت حاجه فوق الثلاجه واعتقد انها حساس البخاخات وماني متاكد من الاسم ملاحظه : هذا الجهاز مربوط بالثروتل . المهم الجهاز هذا فيه ماسورة مربوطه فيه وموصوله لبداية الشكمان من جنب الدركسون اسمها بالانجلش (exhaust EGR tube) الماسوره هذي كسرتها وكانت هشه ولينه وماعرف السبب وقررت اغيرها وفعلا شريت وحده ولكن فكها صعب جدا من الاسفل ، فسؤالي ماهو عمل هذه الماسورة؟ exhaust EGR tube؟ والسؤال الاخر هل اقدر اشغل السياره وهي مكسورة وامشي عليها مسافة 10 كيلو؟ ام لها ضرر على المكينه وغيرها،؟ اانتظر الاجابه منكم وشكرا للجميع وهذي صورة التيوب او الماسورة اللي اقصدها في الرابط http://www.am-autoparts.com/Ford/CrownVictoria/EGRTube/AM-879888413/695913.html
87.
14:33:35 2013.02.25 [مكة]
نظام EGR ويعمل عن طريق صمام يفتح ويقفل على حسب قوة سحب الثروتل للهواء فكل ما زاد سحب الهواء الى داخل المكينه يفتح الصمام ليسمح بدخول الهواء الخارج من العادم الى حساس PDFE وايضا الى الثروتل ويقوم الحساس ( PDFE ) بقراءة نواتج الاحتراق فاذا كانت النواتج غير مناسبه او غير المخزنه مسبقا في الكمبيوتر فيقوم الكمبيوتر بارسال تعليمات لحساسات اخرى تعمل على وزن خليط الوقود ( البنزين والهواء ) لضبط الاحتراق وتخفيف الكربون الناتج وهذي مهمة الحساس PDFE ونظام EGR بشكل مختصر عن الegr valve 1.تقليل بعاثات غاز احادي اوكسيد الكاربون السام في الجو كنتيجة اولية للاحتراق عن طريق اعادة تدوير جزء من نواتج الاحتراق الى داخل السلندر ليتم احراقها مرة اخرى مع الهواء والوقود. 2.ان هذا النظام لا يكون فعال الا في حالة التسارع acceleration ولا يعمل في حالة السكون idle ولا wot 3.ان العملية في النقطة 1 تقلل من الاحتراق جزئيا وفي درجات الحرارة العالية في الصيف يكون مفيد جدا جدا حيث يقلل بنسبة 90% من حالة القرقعة او الادفانس . هاي وظائف الاجزاء المشمولة بهالنظام egr - engine gas recirclation وهو الصمام الرابط بين العادم والانتيك dpfe - delta pressure feedback egr ووظيفتة تحسس فيما اذا هل يوجد مرور للغاز في النظام؟ (هل النظام فعال ام لا) evr - egr valve vacuum regulator ووظيفته السيطرة على صمام egr من حيث الفتح او الغلق.
88.
12:48:51 2013.02.26 [مكة]
السلام عليكم اخوي بالنسبة للحساس نظفته ببانزين وجلست عليه اكثر من ربع ساعه وانا انظفه فهل تتوقع ان منظف ساكو راح يكون افضل من البانزين ؟ وكم سعر الحساس ؟ واذا تعرف احد يغيره له وفنان ؟ اخاف يكتشف ان المشكلة غير الحساس ؟ ارجوا انك تدلني ولك الف شكر
89.
01:28:57 2013.02.27 [مكة]
اكيد افضل من البنزين لان البنزين بعد الجفاف يبقى بياض او بودره خفيفه وجرب تصب على يدك وتخليه ينشف منظف ساكو مخصص للقطع الالكترونيه ومايحتاج له خبرة ترى كلها سكروب ونص ساعه وانت مغيره عند الباب
90.
عضو قديم رقم 3378
08:25:02 2013.02.28 [مكة]
السلام عليكم عندي مشكلة في تهريب زيت الفريون اكسبديشن 2006 مكيف عادي وليس لمس المكشلة كان تحت السيارة فيه زيت توقعت زيت المكينة او القير بعد الفحص اتضح انه زيت الفريون لكن رحت عدة ورش ما قدرو يحددون مكان التهريب والان انتها الفريون ضغطوها بالهوى اتضح تهريب (صوت هواء في الشنطه الجهه اليمين ويقول الكهربائي احتج فك الديكور كامل عشان احدد مكان التهريب اما الكمبرسر يقول فكه يحتاج يوم لازم فك المروحة وليات الوجه تقريبا الواجهه ويقل ممكن ما نقدر نحدد التهريب بالضيط المهم السالفة طويل بالحيل هل صحيح فك الكمبرسر صعب وحتاج فك القطع المذكورة هل تعبائة الكمبرسر بالهوى تسبب تنسيم في الخلف لان ماكنت اسمع تنسيم الا بعد ما وديتها للكهربائي اذا عندك اي نصيحه او معلومة تساعد وتقلل من الخساير اللي ما لها داعي وجزاك الله خير
91.
19:07:38 2013.02.28 [مكة]
يمكن قصدك ثلاجة المكيف وبالنسبه للاكسبديشن له قسم خاص بس لو تمهلني شوي اشوف لك الحل ان شاءالله وطبيعي يطوىل الفك لان يحتاج الليات كلها
92.
عضو قديم رقم 323007
21:23:19 2013.02.28 [مكة]
عندي حساسات الكفرات عطلانه وحاب اغير الحساسات كاملة واشتري حساسات مع الجهاز حقهن فيه نوعية صناعة تايوان سيارتي اكسبيديتشن 2005
93.
19:41:08 2013.03.01 [مكة]
الحساسات تشتريها مع الحزام وتتبرمج على الكمبيوتر
94.
عضو قديم رقم 325027
20:19:22 2013.03.03 [مكة]
مسااء الخير ... انا عندي مشكله في فكتوريا 99 .. اذا تركت السياره اكثر من 12 ساعه ثم شغلتها يكون فيها تفتفه والدعسه تزيد وتنقص واحيانا السياره تطفى من التفتفه .. المشكله هذي تستمر تقريبا 3دقايق ثم يصفى الموتر .. مع العلم اني فحصت كمبيوتر وما طلع مشكله .. ياليت الاقي عندك الافاده بخصوص هالموضوع وشكراا ..
95.