| جميع الحقوق محفوظة © دار تقنية المعلومات IT Dar |

رأيكم يهمني : الافضل تاهو او لاندكروزر؟؟

السلام عليكم ورحمة الله وبركاته
حسب خبرتكم وتجاربكم ماهو الافضل التاهو ام اللاندكروزر
علما بان استخدامي كالآتي :

1- ثلاثة ارباع السنه في المدينة
2-اقضي ثلاثة اشهر في الديره وهي عباره عن قريه لاتخلو من الخطوط الوعره والمناطق الرمليه
3- اسافر كل اربعه اشهر من الشرقيه الى جده ذهابا وايابا.

وشكرا

كل الردود: 9
1.
22:05:55 2014.10.14 [مكة]
الافضل لاندكروزر لاكن سعره مرتفع جدا مقارنه باليوكن والراحه اقل مثلا الاندركروزر جديد يوصل 260 بينما اليوكن في حدود 160 الفرق كبير جدا
2.
23:20:07 2014.10.14 [مكة]
ارشح اليوكن واترك عنك خردة تايوتا
3.
03:34:31 2014.10.15 [مكة]
الاندكروزر الامريكي الشفر والجي ام سي ابعد عنها اخوي يشتغل مهندس في الجميح يقول ما تنفع الجموس الجديده كلها حساسات ومشاكلها ماتخلص ابعد عنها احسن الامريكي معد ينفع باقي فيه الفورد
4.
08:11:11 2014.10.15 [مكة]
اللاندكروزر ولاتشاور
5.
08:34:19 2014.10.15 [مكة]
المسألة تعتمد على وضعك المادي وعدد أفراد الأسرة التاهو أرخص وأريح في الخط وخصوصاً لو العائلة كبيرة اللاند كروزر هيبة وبريستيج لكن غالي وعند البيع مرغوب وسعره ممتاز وفي البر يتحمل أكثر من التاهو لكن في الخط أقل راحة خصوصاً لمن يركب في الصف الثالث استخير قبل الشراء في كل الأحوال
6.
17:32:10 2014.10.15 [مكة]
انصحك اخي الغالي بالبرادو لاندكروزر .. سعره اقل وجبار وعملي وياباني اصلي .. رغم تحفظي على تويوتا واذا بتآخذ تاهو خذ 2014 وانت نازل ابعد عن 2015 مايمدحونه المستخدمين .. والأفضل انك ماتستعجل وتدور وتختار لك الأفضل ولاتنسى الإستخارة والله يرزقك ياررب ..
7.
عضو قديم رقم 376919
17:38:58 2014.10.15 [مكة]
انصحك باللاندكروزر و ابعد عن تاهو لان خراباته كثير
8.
18:53:30 2014.10.15 [مكة]
جربت سيارتين يوكن الأوله موديل 2010 دبل نص فل وارد الجميح ( اضغط على اسمي شف الموضوع اللي كاتبه عنها) والثانية دينالي 2011 وارد التوكيلات العالمية: والأن السيارة متعطلة وواقفة بالوكلة لها شهرين ونصف للمعلومية قطع الدفرنس كلها صينية وهذا كلام ورشة توظيب دفرنسات مع العلم اني سيارتي الحالية ماشية 75 ألف فقط والصيانات كلها بالوكالة خذ لاند والا سيكويا.. نصيحة ابعد عن اليوكن والتاهو
9.
عضو قديم رقم 338613
18:59:03 2014.10.15 [مكة]
أبعد عن الامريكي .. مفخرة الارض وبس .. عندي واحد ما شاء الله تبارك الرحمن ..