| جميع الحقوق محفوظة © دار تقنية المعلومات IT Dar |

حرارة الكامري 2002 .. من يصلحها أو يدلني؟

السلام عليكم ورحمة الله وبركاته


لدي سيارة كامري 2002 - إكس إل آي ليميتيد

لها أكثر من سنة فيها مشكلة الحرارة.


الحرارة ترتفع ومع ارتفاع الحرارة تحدث مشكلة مثلاً ( ينفقع لي - أو طبة تحتاج تغيير - أو ..... إلخ) والميكانيكيين يكتشفون المشكلة الأخيرة ولا يكتشفون أساس المشكلة.

غيرت طرمبة الماء - شيكت على البلف - غيرت طقم طبات - تسييخ رديتر - الليات ..

وديتها عند أكثر من ميكانيكي ما اكتشفوا شيء

دائماً أول ما أطلعها من ورشة تقعد 3 ايام تقريباً حرارتها طبيعية ثم تبدأ بالارتفاع وتنقص الموية وبالعادة تطلع المشكلة في الطبات ..... لكن وش سبب الحرارة الأساسي اللي يخليها تهرب موية ؟

ملاحظة : أول ما ارتفعت الحرارة ارتفعت لين خبطت المكينة وسويت لها توظيب وبعدها لازالت ترتفع.
ياليت أحد يفيدنا لأنها تعبتني حتى اني فكرت أبيعها ..

الردود
مواضيع مشابهة
الكل: 34
21 34
21.
07:23:05 2012.10.21 [مكة]
ماتتعدئ 5000 في حالة تكون وكالة ستاندر مافكت
22.
20:40:16 2012.10.21 [مكة]
أخي عادي ،، جزاك الله خير أخي xplodx هذا سعر المكينة كاملة والابس الراس؟ .. وهل فيه رقم معين في العداد بحيث ماتكون ماشية أكثر منه.
23.
00:48:14 2012.10.31 [مكة]
جزاكم الله خير
24.
03:13:11 2012.10.31 [مكة]
السلام عليكم اخوي رحال روح افحص المكينه بالكمبيوتر وشوف ضغط اسلندرات كم اذا واطي معناها راس المكينه رايح وحاول تفحص عند فلبيني احسن هو راح يدلك على الصح ايش اذا كل شي تمام غير لديتر اصلي ومويه اصلي وخلاص لاكن دام الطبات عندك تنفقع دايما فهوا ضغط المكينه يدخل للديتر وتحتاج تخرط راس مكينه ودور علي مخرطه زنه وتفق معاهم الشغله كلها ماتكلف فك وخرط وتركيب الف ريال بالكثير وربك يوفق
25.
10:45:07 2012.11.01 [مكة]
الأخ saeedm الله يعطيك العافية وجزاك الله خير على النصيحة الطيبة سددك الله ووفقك لكل خير
26.
14:45:09 2012.11.01 [مكة]
اخوي كانت معي نفس الكامري الي عندك فل كامل عانيت من الحرارة والحرارة سببت لي عطل ورا عطل شريت لها مكينه ب7000 ريال مع القير استخدام ياباني وانحلت مشكلة الحرارة ونزلت من الورشة والله ياهادي رحت محطة اعبئ بنزين راعي كابريس غشيم حلق ام الصدام الامامي شاله شيل حسيت ان سيارتي فيها عين اعوذ بالله ومارتحت الين بعتها وافتكيت منها
27.
08:47:45 2012.11.02 [مكة]
الله يجزاك خير أبورناد وين أحصل مكينة نظيفة ب7000 ريال؟ وماهو اقتراحك هل أبحث عن سيارة تشليح واشتري منها المكينة أفضل؟ وهل مكاين سيارات 2000 و99 تركب على 2002
28.
03:06:45 2012.11.03 [مكة]
شف ياخوي رحااال مكائن وقيور الكامريات الخليجية من موديل 98 الى 2002 نفس بعض وماتتختلف الكامريات الامريكية سمعت انها تختلف وفي منها 4سلندر و6سلندر حسب المواصفات ممكن تركب حق 2001 او2000 وحتى 98 بشرط تكون نظيفة وابتعد عن المكائن الموظبه لانها مخروطة والراس يجيك ممسوح مرتين تروح تشاليح وتدرو على الكامريات الاسيوية المقصوصة دريسكون يجيك في اليمين والي تجي من اليابان دايركت واعتقد تحصل اغلبها موديل 2002 اكثر شئ وشف المكينة بنفسك انت ولاتاخذ على كلام العامل بالتشليح اي مكينة راكبة اومفكوكة فك غطاء الزيت وشف من الفتحة عمود الكام والبلوف اذا كانت فضية حديد ابيض ومجاري المويه فضية توكل على الله المكينة نظيفة ومشيت قليل واذا لقيت عمود الكام مسود ودخل اصباعك وحسس الزيت محروق اسود ومجاري المياة مصدية كثير ابعد عنها مكينة مشت كثير وبالنسبة للسعر الحين غير عن اول ارتفعت حسب مصادر من الجمارك السعودية منع اصحاب التشاليح استيراد قطع السيارات القديمة وسعر مكينة الكامري لحالها بدون ملحقاتها ممكن ب5500 مع الرجيع والضمان لمدة شهر المكينة الي اخذتها انا من سيارة مقصوصة ب 7000 كاملة مع القير والدينمو والكومبروسر ومضخة الدريكسون والظفيرة شد بلد ياباني جديدة ماشاء الله وبعت الكامري على واحد اعطاني فيها سعر حلو وجات من نصيبه ولحد يومك يدعيلي ويشكرني ماطول عليك وانشاء الله اني افتك بكل شئ وربي يوفقك
29.
03:21:37 2012.11.03 [مكة]
ونصيحتي يااخ رحاال لك وعشان تتفادى الاسعار الغالية لان التشاليح اكثرهم جشعين جدا انت قوم بدور البطل وسوي نفسك مسكين ماعندك فلوس وإلبس ثوب النوم وكاسر في السعر الين تشوف السعر مناسب لك ولاتلبس غترة وعقال وثوب ابيض لانهم راح يلطخونك بالعرييييض
30.
10:55:32 2012.11.26 [مكة]
جزاك الله خير يا أبو رناد، معلومات طيبة وأسأل الله أن يجزيك خير الجزاء على نفع أخيك
31.
11:10:02 2012.11.26 [مكة]
اخوي سبحان الله مشكلتك نفس مشكلتي بالظبط وابشرك لقيت الحل كل اللي ذكرته صار معي بالظبط وسيارتي كامري 2001 اكتشفت ان الراس متآكل والمويه تدخل على الزيت وغيرت الراس من التشليح جبته بنفسي وشفته نظيف مافيه خروم وركبوه ب 400 ريال وماشاء الله السياره صارت عال العال مع اني قبل غيرت كل شي رديتر وراس رديتر وعلبه مويه وطرمبه من كثر الوسوسه . واذا تبي ادلك على المحل اللي غيرت عندهم وقالولي المشكله ؟. بالصناعية بالنسيم طريق الميه لو بغيت الوصف راسلني على الخاص
32.
04:16:15 2012.11.27 [مكة]
تمت مراسلتك جزاك الله خير أخي فيصل.
33.
23:31:41 2013.07.22 [مكة]
هل يوجد يا اخوان أحد يدلنا ؟
34.
00:35:23 2013.07.23 [مكة]
راس المكينه يبغاله مسح بسيط خرط وادبل الوجه