جميع الحقوق محفوظة ©
السلام عليكم ورحمة الله وبركاته
لدي سيارة كامري 2002 - إكس إل آي ليميتيد
لها أكثر من سنة فيها مشكلة الحرارة.
الحرارة ترتفع ومع ارتفاع الحرارة تحدث مشكلة مثلاً ( ينفقع لي - أو طبة تحتاج تغيير - أو ..... إلخ) والميكانيكيين يكتشفون المشكلة الأخيرة ولا يكتشفون أساس المشكلة.
غيرت طرمبة الماء - شيكت على البلف - غيرت طقم طبات - تسييخ رديتر - الليات ..
وديتها عند أكثر من ميكانيكي ما اكتشفوا شيء
دائماً أول ما أطلعها من ورشة تقعد 3 ايام تقريباً حرارتها طبيعية ثم تبدأ بالارتفاع وتنقص الموية وبالعادة تطلع المشكلة في الطبات ..... لكن وش سبب الحرارة الأساسي اللي يخليها تهرب موية ؟
ملاحظة : أول ما ارتفعت الحرارة ارتفعت لين خبطت المكينة وسويت لها توظيب وبعدها لازالت ترتفع.
ياليت أحد يفيدنا لأنها تعبتني حتى اني فكرت أبيعها ..
اعتقد المراوح اذا لم يسبق لك تغييرها
رحال عن التوضيب رحال
ابترك التوضيب في الحال
الله الله
شوف حبيبي المشكلة عندك براس الماكينة
يوم وضبوه ماجابوا لك راس وكالة مسحوا الراس القديم وركبوا له طقمين وجيه
وماضبط وحتى لو ضبط يقعد شهر شهرين ويرجع نفس المشكلة
الحل ياحبيبي تاخذ لك من التشليح مكينة يابانية عند اي تشليح مضمون وسمعته طيبه
او انك تنزلها من سيارة بالتشليح ومامشت كثير واشرط عليه انها على السيارة مانفكت ابد
وطلع معك الميكانيكي يفحص اكثر ولو تعطيه حق الطلعه معك
شوف انا انصحك تغير لاتجي بكرة وتوضب
غير
لأنك لو وضبت السلندر يبقى نفسه القديم وبيتعبك
خل المراوح مشبكوة مع التشغيل دايركت عندي سيارة زي كذا الين ضبطت
ممكن تكون من طرمبت زيت المكينه يبيلها تغير
مشكلتك في الرديتر غيرة (((((((( باصلي ))))))) اخرط راس المكينة وحط موية اتويوتا اصلية بدون اضافة موية وان شاء الله راح تدعيلي
غطاء الرديتر اعتقد انه هو السبب... صارات لي قبل
http://www.assayyarat.com/forums/thread215112.html
المشكله راس المكينه
تأكد من سلامة طرمبة الماء وجدتها مكسورة ومسدوده من داخلها
او تاكد من ثلاجة المكيف انها تكون تهرب
أخي الفاضل N-J-M .
سبق التشييك عليها شغالة والتماتيك تمام.
اصلا المركينة صارت مش حالك
لان انفكت كم مرره
مع الفك و التركيب المتكرر و الحراره تختلف حالة المحرك
اذا انك تبي تستخدم السياره على طول
ما لك الا تغير المحرك كامل و رديتور جديد
أخي الفاضل xpoldx ،
كم السعر تقريباً وهل اشتري راس مكينة أم مكينة كاملة أفضل؟
بارك الله فيك
موبايلي1
طيب هل بتضبط على طول والا فترة وترجع المشكلة؟
المعشي999
الحقيقة طرمبة زيت المكينة ما اذكر اني شيكت عليها!!
وشكرا على الملاحظة
التميمي2001
شيكت على الرديتر وسويت له تسييخ مافيه أي مشاكل، فالرديتر إن شاء الله ممتاز.
بس كيف موية تويوتا؟؟؟؟؟؟
أخي الفاضل، ياهلا
بارك الله فيك على رابط الموضوع لكن كيف أعرف رقم الغطاء المناسب للرديتر نفسه؟!
لأن الرديتر ليس وكالة.
وشكراً لك
اذا انت بالرياض
فيه محل في ام الحمام هندي بطران
ونصوح
أخي malik80 بارك الله فيك
متحف
بالنسبة لطرمبة الماء غيرتها كاملة
بالنسبة لثلاجة المكيف فوش علاقتها بالحرارة؟
جزاك الله خير
أخي / عادي
وين المحل أرجو الوصف بارك الله فيك،
المحل باسم حرمه
ناسي اسم المحل لكنه في جهة الخلف حقين الفيبركلاس والتنجيد
والمارية
المحل مقابل مبنى مدينة الملك عبدالعزيز للعلوم والتقنيه
لوحة المحل صفراء
والهندي الموجود اسمه ابراهيم
والله من رمضان جاي له وضبط لي السياره فورد
