| جميع الحقوق محفوظة © دار تقنية المعلومات IT Dar |

جلنط التاهو 2014 علّق ما ينفكّ من يفيدني

السلام عليكم ورحمة الله وبركاته
ياجماعة الخير
أضغط جلنط التاهو ولا هو راضي ينفكّ
ممكن أحد يفيدنا
هل مرّت المشكلة ع أحد قبل كذا
هل فيه أحد مثلاً عنده ورشة متنقلة ممكن يجي لمكاني ويصلحها
صعب شيلتها بسطحة الجلنط ماسك
أبي حل ياجماعة الخير

كل الردود: 8
1.
17:13:19 2015.01.03 [مكة]
هو يجيك زي الحبل الحديد ،،، اذا تطل تحت الموتر يمكن تشوفه ،، في اخره عند الكفرات اللي ورا بتلقاه داخل في صاموله ،،، فكها وينحل معك ولا خذ لك تكس وشف لك اقرب محطه فيها ميكانيكي وطلعه معك ،،، الامر سهل مره ترا ما يسوا سطحه بس دبر عمرك
2.
عضو قديم رقم 346131
22:57:29 2015.01.03 [مكة]
الله يلعن هالموتر الي شاريه 140 الف وما كمل أشهر وخربان
3.
23:15:09 2015.01.03 [مكة]
تبا لك تاهو :(
4.
00:51:54 2015.01.04 [مكة]
العالم بين يديك ، شكراً لك . نجدي 2001 ، رخيصوكويس وش بلاكم والله إنّي أشوف الموتر ممتاز وأن المشكلة هاذي أتوقع عادية مهيب مصيبة يعني . أنا يوم أسأل هنا صيدي لا ينلعب علي بقيمة التصليح ومن الممكن أن يكون أحد مرّ علية نفس المشكلة فيفيدنا فيها
5.
عضو قديم رقم 366016
11:53:59 2015.01.04 [مكة]
حرام عليكم والله التاهو موتر .. يا ليتك بالشرقية كان جيت صلحته لك
6.
00:14:41 2015.01.08 [مكة]
الكاتيل شكراً لك ع كل حال مانيب عجز لا أصلحة وإلا أجيب فنّي يصلحة المسألة أنه تحت الضمان وما أبي يكون للوكالة درب أو مدخل علي ويقولون أنت فكيته وأنت سويت به وإلا الفني ما فكه بالطريقة الصحيحة إتصلت بهم ووجهوني ع المساعدة ع الطرقات جنرال موتور وقالوا لي ما نقدر نشيل السيارة لأنها الكفرات ثابتة إرجع كلم الوكالة رجعت كلمت الوكالة قالوا لي ما نطلع نصلح السيارات في مواقعها والمسؤول عن نقلها جنرال موتور وما بين هذه وتلك طفشت وفتحت بلاغ بوزارة التجارة الله وكيلكم ربع ساعة وتبدأ الإتصالات تجيني من الوكالة وطلعلي فنّي وفك الجلنط بسكروب من داخل السيارة عند الدعاسات واتصلوا فيني يقولون بنوفر القطعة ونبلغك ومن بكرا وهم موفرينها وكلموني ودخاوا سيارتي بدون موعد وصلحوها في ساعتين أو ثلاث ساعات تقريباً . وسلامتكم والحمدلله والشكر له أولاً أن سخّر لنا هذا الوزير ( وزير التجارة ) وثانياً شكراً وزارة التجارة ثالثاً شكرا لمن تفاعل وحاول إفادتي
7.
16:30:13 2015.01.08 [مكة]
شكراً على افادتنا بالمجريات وماتشوف شر وعوافي باذن الله
8.
13:21:34 2015.01.14 [مكة]
وعليك السلام ورحمة الله وبركاته :) أهلا بك أخي. الحمد لله أنك عرفت كيفية التصرف الصحيح. هذا هو التصرف الصحيح لكل من يملك سيارة على الضمان. اللهم بارك وقو شوكة هذا الوزير واجعل كل الوزراء مثله يارب العالمين. أشكرك جداً على كتابتك لما فعلته وما حدث وصار ليستفيد الجميع :)