| جميع الحقوق محفوظة © دار تقنية المعلومات IT Dar |

بغيتكم تخدموني جهاز تتبع المركبه مرزوع بسياره من الوكاله

السلام عليكم ورحمة الله وبركاته اخواني
يوجد صاحب طلع سياره كيا كدينزا هو وصاحبه من الوكاله
المهم السياره لها سنه معهم
صاحبه ماقصد 3 شهور ممكن وتصلو فيه بدون بلاغ على السياره وعرفو انه في مدينة الجوف
وهو مستخرجها من الرياض دخل الشك بنفسه دفع المبلغ ولكن صاحبي
راح لهم وعلى كلامه قالو له مافيه جهاز بسياره ولكن الرجال وسوس
تتوقعون لو فيه جهاز تتبع وين راح يزرعونه بسياره
والف شكر

كل الردود: 7
1.
00:09:49 2014.06.01 [مكة]
السلام عليكم السياره 100% فيه جهاز تتبع احتمال كبير بالطبلون لانه يكون موصول بكهرباء السياره فيه اجهزه خاصه بكشف اجهزة التجسس تتباع بالموقع يشتري واحد منها ويروح يفتح السويتش حق السياره وراح يعرف مكانه
2.
00:27:45 2014.06.01 [مكة]
عطني رقم الاعلان الله يسعدك ابغى الجهاز الله يبيض وجهك
3.
22:53:26 2014.06.04 [مكة]
من حقهم بما أن السيارة إجار منتهي بالتمليك. وليس من حق الشركة أن تقوم بنفسها بسحب السيارة بالمفتاح الثاني بدون علم لانهم بكذا تجاوزا النظام والقبض والتنفيذ من صلاحيات الشرطة وقد يصادف وجود صاحبها ويحصل ما يحمد عقباه لذلك أعتقد فيه تعميم على جميع الوكلات وسيارة الأجرة والبيع بالتمليك أن يتقدموا بطلب حجز السيارة عن طريق الجهات الرسمية.
4.
12:42:40 2014.06.05 [مكة]
افهم الله يسعدك الرجال ماهمه قسط لكن همه اخراق خصوصيته هو واهله لان الجهاز جهاز تتبع وممكن يكون جهاز تنصت
5.
عضو قديم رقم 358076
08:30:01 2014.06.08 [مكة]
السلام عليكم جهاز كشف اجهزة التتبع هذا ( طبقاً لاستنتاجاتي عقب ماشفت مقاطع الفديو ) يعتمد على كشف العدسات مهما كانت صغيره و وظيفته يوظحها لك اكثر من انك تناظر بالعين المجرده وذلك عن طريق بث اشعاع او زي كذا بهدف ان العدسه تعكس هالاشعاع وبالتالي تشوف العدسه لذلك ما راح تستفيد يالخلاص ولكن اجابة لاستفسارك : يوجد في كل سياره كللل سياره من ال 2001 جهاز جي بي اس يستطيع استخدامه الوكيل او اي وكيل مفوض وهالكلام من مصدر خبير مطلع عاد وين ذالجهاز: في السيارات الحديثه راح يكون قدامك في الخرايط اللي عالشاشه :) اما السيارات الاخرى ما ادري ولكن اتوقع انه ورا المسجل او زي كذا وشلون شكله : مدري هل تستطيع تعطيله : انت اول حصله بعدين تقدر تسوي اللي تبي هل فيه استخدامات اخرى من قبل جهات خارج الوكاله: احتمال هل يوجد فهرسه باسم مالك السياره ورقم الهيكل مقرون بالجي بي اس: اكيد هل يدفع المشتري ثمن ذلك: نعم وهو يظحك هل المصدر موثوق: جداً هل نستطيع شراء سياره خنفسانه وتفكيكها لمحاولة ايجاد هذا الجهاز: والله مهيب شينه هل طولت عليك: اعذرني :)
6.
07:01:27 2014.06.20 [مكة]
ههههههههههههههههههاي اهم شي الخنفسانه يارجال لازم نعرف هل جهاز وين مكانه مصيبه
7.
09:33:34 2014.06.20 [مكة]
واحد من زملاء العمل مستجر اوريون من ابوجميل وفتش السياره فك الديكور اللي حول القير وحصل جهاز موبايلي وفيه شريحه بيانات وخذ الجهاز من السياره علما انه منتضم بالسداد وماعليه متاخرات لكن حب استطلاع منه وفعلا حصل الجهاز