| جميع الحقوق محفوظة © دار تقنية المعلومات IT Dar |

اهل الخبره التكيات طلع فيها صوت وش تنصحوني فيه

السلام عليكم
لدي فورد 2008 اكسبيدشن
وطلع عندي صرصره بصوت المكينه
رحت لعده ورش قالة تغير التكايات و طرنبه الزيت
الزيت عندي ما ينقص درجه الحراره روعه
ز تغيير التكيات مكلف فوق 5000 اريال
وش رايكم اغيرها
او اصبر اشوي
و ش الاضرار لو ما غيرتها
اذا احد يخبر لي ورشه زينه وسعرها كعقول و مضمونه
انا من سكان جنوب الرياض كخرج 26
وبارك الله بالجميع 1

الردود
مواضيع مشابهة
الكل: 11
1.
08:58:12 2015.12.13 [مكة]
وين اهل الخبره
2.
03:43:02 2015.12.14 [مكة]
فر على كم ورشه واسال عن المشكله وسو نفسك ماتعرف شي اذا تطابق الكلام مع بعض توكل على الله
3.
16:04:41 2015.12.14 [مكة]
ما يطلع صوت التكايات الا عندما تضعف طرنمبة الزيت فلا تستطيع ضخ الزيت للاعلى فنصيحتي لك ان تغير طرنبة الزيت اولا فاحتمال ذهاب الصوت 90 بالميه .ثانيا انا غيرت تكايات جمس يوكن 2007 ثمن طقم التكايات 900 ريال واجار تركيبها 400 ريال...ملحوظه اشتر قطع اصلي من الوكيل ..اما الورش فاسعارها متفاوته شف لك واحد متخصص بالامريكي وسعره مناسب والافضل الهنود والفلبيني
4.
01:06:20 2015.12.15 [مكة]
قبل تغير تكيات شفلك ورشه خلهم يفكو الكرتير لين فكها بتشوف الصفيه تبع طرمبة الزيت ممكن وصخانه وفتحات الصفيه مقفله انا صارت معي بكيا ونظفتها وراح صوت التكيات اما ظعف في طرمبة الزيت لازم تولع لمبة الزيت اما اذا ماكانت تولع معنها طرمبه سليمه المشكله في الصفيه ويسمونها شخال
5.
06:23:57 2015.12.15 [مكة]
صبحك الله اخوي نديم .... زي ماقال اخونا ابو جاسر بالضبط ... صوت التكايات من ضعف طرمبة الزيت ....اول شئ غير طرمبة الزيت وهي رخيصة بس شغلها غالي ... وبعد كذا بيخف معك الصوت مره ... وطال عمرك ... انت في مخرج 26 ... عندك ورشة البيان ... عند ممشى الفريان ... بجنب مدارس الثغر ... ممتازين بس غاليين .. بيقولك شغل يد اذا كان دبل ( 1800 ) ريال .. واذا كان بدون دبل في حدود ( 1000 ) ريال ... او رح لورشة شجاع ... بعد اشاره مطعم زمزم ...وانت على شارع حمزه ... اول محطه تجيك على يمين ... اسأل عن الفلبيني ( ري ) ممتاز جداااا ... ورخيص اسعارهم .... مررره ... بالتوفيق لك .
6.
08:16:04 2015.12.15 [مكة]
الف الف شكر يا اخوان والله ماقصرتو على الفائده هذه بيض الله وجيهكم كلن بسمه
7.
13:11:48 2015.12.15 [مكة]
عندي مداخله انا قبل فتره صارت لي نفس المشكله سيارتي تاهو ورحت لورشة المشعل طريق الامام امتداد مخرج 9 وصلحها بدون قطع غيار راعيها سعودي دايم جالس فيها والعماله فلبينين انصحك فيهم وبالتوفيق
8.
08:15:30 2015.12.16 [مكة]
الله يجزاك الجنه ووالديك
9.
12:25:17 2016.01.10 [مكة]
السلام عليكم في نقطة مرة مهمة وهي نوعية الزيت لازم تكون خفيفه اعتقد انها 5/30 او كل فترة بتصلح والله اعلم
10.
12:25:36 2016.01.10 [مكة]
السلام عليكم في نقطة مرة مهمة وهي نوعية الزيت لازم تكون خفيفه اعتقد انها 5/30 او تلقاها على غطى الزيت او كل فترة بتصلح والله اعلم
11.
18:34:03 2016.01.14 [مكة]
نعم نوع الزيت مهم ارجع لكتلوج الوكالة