| جميع الحقوق محفوظة © دار تقنية المعلومات IT Dar |

اللي عنده خبره بالشروكيات يدخل ضروري !!!

السلام عليكم

صباح الخير

امس شريت شروكي 2000سعودي قير تماتيك طبعا للبر والشتاء نبي نفلها


المهم كثير ربعي واصحاب الورش سالتهم قالو اكثر شي يخرب عامود الدبل والكارونه

سؤالي كيف احافظ عليها ماتخرب العامود والكارونه ؟؟؟؟؟؟

وش تنصحوني فيه يااهل الخبره

وهل فيه شي مهم انتبه له

كل الردود: 12
1.
17:35:18 2014.11.27 [مكة]
وينكم ياجماعه الخير!!!!!
2.
21:23:22 2014.11.27 [مكة]
الو ياناس
3.
21:40:52 2014.11.27 [مكة]
اهلا العمود صحيحا أنه يطيح حصل معي يوم كنت راجع من الدوام و طاح علي وكنت مسرع حدود 140 والحمد لله تحكمت بالسيارة و لكن من كثر ما حك العمود بالارض تكسر قير الدبل قطع صغيرة و قص ماسورة البنزين هو كان يرج في القومه و قلت لاخوي و يقول لي عادي يعني لو رحت ورشة ما طاح علي لان مشيت عليها اكثر من شهر و هي ترج طبعا في ناس تامنه يسلسلة لأن ادا طاح ما تقدر تتحكم بالسيارة يحتاج تلازم بتغسيل و تشحيم السيارة من تحت لو كل شهرين مره وما فيها الا الخير ان شاء الله اما الكارونه ما واجهتني معاها اي مشكلة حتى اخوي واصحابه تبع بر و طعوس يمكن عندهم 6-7 جيوب رانجلر و شروكي لكن ادكر مرة بدل الكارونه يقول لان اخدها واحد وفحط بها و خرب الكارونه
4.
23:23:09 2014.11.27 [مكة]
اول شي مبروك والله يعطيك خيره ويكفيك شره ثاني شي بالنسبة للنصائح تعتمد على عدة اشياء: هل انت ناوي تبيعه بعد الشتاء والا تخليه معك لمدة طويلة؟ هل الموتر للبر والتطعيس فقط والا يستخدم يوميا؟ هل الموتر عليه اي تعديلات الان زي مراوح كهرب – هدرز – او اي شي ثاني؟ هل الموتر مرفوع ولو رفعة خفيفة؟ هل فيه صوت الان من الكرونة؟ هل فيه صوت قرة او حرة وانت ماشي؟ بالنسبة للكرونة او الدفرنشات المفروض تغير زيتهم كل 20 الف كيلو او في السنة مرة اذا الموتر مخصص للبر والطعوس واذا غيرت استعمل النوع الثقيل رقم 75w140 وتحتاج علبة زيت صغيرة تنحط مع زيت الدفرنش الخلفي تسمى "مانع احتكاك" وهذي للكلتشات الموجودة في الدفرنش الخلفي ممكن تشتريها من اي محل جيب وموجود نفس الزيت في محلات الجي ام والفورد.
5.
00:48:29 2014.11.28 [مكة]
سبب عطل عامود الدبل و الكرونه هو رفع السياره زياده عن اللزوم والجنوط او الكفرات العريضه 10انش او تغيير زيت الدفرنسات . زيت القير العادي والدفرنسات إذا كان ناق تزيده فقط ولا يتغير ابدا. طبعا لاننسى سوء الإستخدام سواء فالبر او داخل المدينه . بإختصار , لا تعدل على السياره نهائيا لا في الشكل ولا في الكهرباء .
6.
10:15:22 2014.11.28 [مكة]
الله يعينك ...
7.
11:39:45 2014.11.28 [مكة]
لايوجد اي تعديل شد بلد. بس ناس كثير قالو الكارونه تخرب مادري وين السبب وناس قالو لازم تحط الكفرات 15عشان مايخرب الهواء اقصد ولا توقفه بالشمس ولا تبتل شابك الدبل كثير بالبر !!
8.
11:40:20 2014.11.28 [مكة]
اقصد كيف اخليه يعيش معي بدون خراب
9.
16:03:33 2014.11.28 [مكة]
اهلا كل السيارات تحتاج تبديل القطع الاستهلاكية ومثل ما قلت الك ان عمود الدبل ما يطيح بسهولة هو من قطعه نسميها الصليب و هي قطعه مثل شكل + ولها قفول تشبك مع القير وتحتاج تبديل ادا تعبت و في دلائل تعلمك انها بتنتهي و تحس بالرجه ادا تمشي اما طريقة استخدام الدبل اولا تعشق القير على N وبعدين تعشق الدبل على 2 او 4 خفيف او 4 ثقيل وادا بتفك الدبل نفس الشي عشق على N و اطفي الدبل وادا كان اللي معك العصى احيانا تحتاج تمشي شوي D و شوي R حتى يفك وتشوف ان العلامة من الطبلون طفت طبعا ادا كان الدبل على 2 هدا عادي تمشي بها ( بعض السيارات يكون على 2 دائما ) اما على 4 خفيف هدا تسرع الى 80 و 4 ثقيل لا تزيد عن 20
10.
10:56:30 2014.11.29 [مكة]
الله يجزاكم خير
11.
10:40:49 2014.11.30 [مكة]
هل عاد اعشق الدبل وانا امشي ولا لازم واوفق وهل فصل الدبل لازم اوقف ولا عادي وانا امشي والكارونه وش اللي يخربها اكثر شي او يجيها ونه وش الاسباب وكيف المحافظة عليها
12.
عضو قديم رقم 399300
06:24:10 2015.02.03 [مكة]
ماله حل لا تعب نفسك بس المهم حط حماية تحت العاموم هذا المهم وألاهم الله يستر عليك وعلينا