| جميع الحقوق محفوظة © دار تقنية المعلومات IT Dar |

العامل سوى حادث بسيارتي وهو في التوقيف الآن ماهي الإجراءات

السلام عليكم ورحمة الله وبركاته

العامل لديه رخصة قيادة وسوى حادث بسيارتي .. لا يوجد تأمين.
هو في التوقيف الآن.
ماهي الإجراءات لإخراجه؟ وهل يترتب علي شيء في حال كفلته؟
لأن يقول الموظف ان عليه كفالة غرامية. ولم يتم عمل تقدير حتى الآن ..
ارجو تزويدي بالمعلومات الكاملة وانا في الحقيقة ليس لدي امكانية لتحمل اي تكاليف مادية
وأجهل أنظمة المرور والحوادث

كل الردود: 7
1.
12:10:09 2015.08.10 [مكة]
الحمدلله على سلامة عاملك والطرف الاخر . . . عادي جدا التأمين لايوجد لديك مافي مشكله خطاب كفاله حضوريه وغراميه موجه للاداره العامه للمرور ومصّق من الغرفه التجاريه يطلع العامل وتستلم جميع وثائقه المحجوزه بالاضافه الى ورقة اطلاق سراح للسيارة ان كانت في الحجز وبالنسبه لتكاليف الطرف الاخر يتم تقديرها من شيخ طائفة الورش وبختمه ومهما كان المبلغ تستطيع ابلاغ العسكري اللي ملف الحادث عنده انك بتقسط المبلغ على اقساط شهريه ( حسب ميزانيتك ) وقله عندك خطاب من المؤسسه مصدق من الغرفه باحضار العامل او الدفع عنه وهذا هو النظام المعتمد من الداخليه . تحياتي
2.
12:30:21 2015.08.10 [مكة]
أخي يابندر شكرا على ردك وراجع الخاص
3.
14:03:08 2015.08.10 [مكة]
السلام عليكم كلام الاخ بندر صحيح . كذلك اذا مو راضي عن تقرير الحادث تقدر تتضلم و يحال الحادث الي اللجنة . كذلك للجنة الحق بتغيير النسب بالحادث اذا لك حق .
4.
14:27:13 2015.08.10 [مكة]
كيف اذا لي حق انا مالي علاقة ولاشفت الحادث ولا ادري عنه. المفروض هو العامل يطالب-ويعترض لأنه اعرف بالحادث. والعامل بالتوقيف!!
5.
عضو قديم رقم 419962
20:52:44 2015.08.14 [مكة]
اخوي السواق الغلط عليه وبكذا راح يجلس ب التوقيف لحد مايدفع اضرار الطرف الثاني او انك تكفله واذا كفلته وطلع راح تكون انت المطالب بدفع التكاليف اللي تسبب فيها السواق واذا مادفعت راح يكون عليك تعميم وبتتوقف امورك ، من واقع تجربه ، اذا كانت تكاليف السياره الثانيه غاليه عليك تقدر تاخذ رقم الطرف الاخر من المرور وكلمه لعل يتنازل عن شوي من المبلغ ، السالفه فيك فيك .. الله يوفقك ويسهل امرك .
6.
12:41:34 2015.08.15 [مكة]
ياخوي انت والعامل قدام الحكومه واحد ..مافيه شي اسمه العامل يحل الموضوع ..الا اذا كنت انت مؤمن على السياره ومعاه رخصه انت تكون برا المسؤليه مثلا قاطع اشاره او سكران او عاكس سير انت براالمسؤليه بس انت الان مش مؤمن على السياره هذا مسؤليتك مثلا لان لومؤمن على السياره مايحجزونه ابداااا فا انت كفيله ومسؤل عن شغلك المفروض تؤمن علىالسياره وتخلي اصبع بعين أي عسكري مش تجلس تحط المسؤوليه على العامل وش عرفه االعامل بتامين وماتامين انت مسؤل عنه و عن الحادث قدام الحكومه لو ماحليت الموضوع مع المرور على طول جاهزين إيقاف خدمات واجلس ازرع بصل..لاتهمل الموضوع ترى حتى لوطال بيجيبونك .. شي أخير رح تصالح مع الطرف الثاني ويمكن يكون بن حلال ويترك عنك مبلغ والله يعوضك خير اعرف ولد شباب على وجه الزواج سواق البيت حقهم صدق وكلف الحادث 20 الف وماعنده تامين راح للرجال صاحب السياره وقاله والله اني على وجه الزواج وهذا بطاقه الزواج وجالس اجهز للزواجي وعطاه كرت الزواج وطلع مندوب لشركه قحطاني اصيل والله ثم والله ماطلب ولا قرش وخلى الشركه تتننازل بدون مقابل لوجه الله مع العمل اني العريس من القصيم ولا يعرفه بس فيه ناس عيال حلال
7.
14:35:24 2015.08.15 [مكة]
اذا كان الخطاء من العامل تدفع تكاليف الاضرار اللي تعرض لها الطرف الثاني. قيمه الاضرار طبعا تكون بتقدير الورش المعتمده .