استفسار

هذا يعتبر تستر ولا يجوز ومخالفة لولي الأمر

اذا تستر ايه يحقلك تتفقين انت وهو تاخذين منه نهاية كل شهر مافيه احد يفتح ببلاش
وماحرموها المشايخ الى عشان ولي الامر رافضها

ايه يحق لك تاخذين راتب إذا مره محتاجه وهذا رزق ومافي شي يثبت إنه مايجوز وكل واحد يستفيد من الثاني ومساعدة الغير من غير ضرر أجر وبالتوفيق للجميع 000

‏بخصوص للاستفسار طبعن هو ما يدفع شيء لكن لو فرضنا انه صار مشكلة في الورشة من اللي تحمل المسؤولية انت انتبه اقل تقدير 30 ./. في الميئه من الربح شهريا

أنا أقول هذا مايجوز وخيانة للبلد وهوتستر وتمنعه الدولة ... وهذا إللي ضيعنا .. يجي الأجنبي منتف ماعنده شيء ويفرح بكسل وتنبلة شبابنا ويفتح محل باسم السعودي ... والسعودي زي الطرطور يأخذ الفتات والكيكة للوافد ... والمشكلة نشكوا من البطالة .. وتسعة أعشار الرزق للأجنبي ... حتى أصبحت بلادنا ثاني دوله في العالم بالتحويلات الأجنبية ... واللي ساوته الدولة من زيادة رسوم الإقامات كله لهذا السبب .. تبغى الكسول من شبابنا يفوق والنائم يصحى .. ليأخذوا مكان من خرج ... لكن للأسف يأتي أشخاص من جلدتنا ويتسترون ويحلون لأنفسهم ما يأخذوه ويتمتع الوافد بخيرات هذا الوطن ... ممكن أي واحد يكتب بالنت حكم التستر وأشكاله ... عشان ما يقول إن هذا جائز

في خيانه تكون أخص من كذا ومافيها شي مساعدة الغير حتى لو أجنبي وش ذا التفكير
لوفكرنا مثل تفكيرهم لنجح شبابنا نشوف الحين وش بيصير هل يقدرون يساون مثل الاجنبي أغلب المحلات مقفله ننتظر ونشوف وش بتسوون .....لكن بوجه نظري أساعد الغير مهما كان والله يوفق الجميع

الحمد لله ... شبابنا فيهم الخير والبركة ... بس مافيه شيء يجي على طول كل شيء يحتاج لوقت .. وكثير من المجالات أمسك بها السعودييون ووجدوا حلاوة رزقها ... وراح ينصب هذا على كل شيء إن شاء الله ... وإذا تبغى مساعدة الأجنبي .. ساعده من مالك ولا تساعده بتخريب نظام البلد ...

الحمد الله اكيد فيهم الخير والبركة معليش أخوي لو لاحظت محلات الجوال كلهم شبابنا الحين لو خرب جوالك ماتلاقي أحد يعرف يصلحه تشترى جوال ثاني و في مجالات كثير مايعرفون لها الا ماندر وانا مع الحق وأعرف شبابنا
وبوجه نظري أي شخص يفكر نفس تفكيرك معليش وإعذرني على الكلمه يدخل فيه الحسد والله يوفق شبابنا ويصلحهم ومساعدة الغير سواء سعودي أو أجنبي ربي يوسع في رزقك

أنا قلت إللي عندي ... أما الحسد فأنا أبعد ما يكون عنه ولله الحمد .... والله وراح تحسون بصحة كلامي لو فتحت محل وأنت تديره وتعبان فيه .. وبعدين فيح أكثر من محل وبنفس نشاطك وأنت تعرف أنها لغير السعوديين ومن ثم يتعاونون عليك ويخسرونك .. حتى لو ما تعاونوا عليك الأجنبي يكفيه القليل يعيش هنا بغرفة هو وثلاث أشخاص فيكفيه المكسب القليل فيخسر السعودي لأن إللي يكفيه لا يكفيك .. هذاك الوقت تعرف إن كلامي صحيح ... ومكاسبهم تروح خارج البلد ... المهم الله يوفق الجميع

حصل خير

اعمل عقد مع العامل في الورشة ان راتبه في الشهر 1500 ريال اكثر او أقل حسب الاتفاق بينكما ويعتبر انت صاحب الورشة ومااخذه العامل من الورشة من الماضي يدخل في قيمة الورشة لك .. يرجع يأخذ راتب وتدير انت الورشة المهم احد يجلس في الورشة ليعرف كم الدخل ؟ مشكلتنا احنا السعوديين عدم معرفة دخل اي محل ولا لنا رغبة في الجلوس بالمحل نأخذ فلوس ونمشي وقد تكون قليلة والعمال يأخذون عشرات الالاف شهريا ومع ذلك يسوي العامل نفسه انه خسران ، وفيه مثل حضرمي يقول " اذا غلبك بالفلوس فأغلبه بالجلوس " والدولة الان تريد من السعودي الجلوس في المحل وطريقة سليمة للتخفيف من العمالة الزائدة التي تشتغل لحسابها وتصدر للخارج عشرات المليارات على حساب الوطن والسعودي سوف يتعلم مهما كانت الظروف عندما يجد اي مهنة في السوق المتعارف عليها تدر دخلا كبيرا مع انحسار المحلات لتتوافق العرض مع الطلب ، كلامي واضح؟ وانتبه لاي إلتزامات على الورشة للدولة او لدى المواطنين ، يسحب فلوس العامل ولايكمل شغله ويسافر وتتحمل انت المسؤلية وفقك الله