| جميع الحقوق محفوظة © دار تقنية المعلومات IT Dar |

استفسار من راعين الجيوب والاف جي كروزر

السلام عليكم
بخصوص استفساري انا معاي اف جي 2014 قير عادي واستفساري عن الدبل والطعوس
فيه خاصيه اتركيشن
وخاصيه الدف لوك
والدبل الخفيف والثقيل
ودي احد من اهل الخبره يفيدونا وش فوائدها
وكيف تستخدم ومتى
طبعا انا ادخل النفود واستخدمهم واشغلهم وقت الغراز وكل شوي ضاغط زر لين يطلع هذا بدون تنسيم
وصرت اريح راسي وانسم وما استخدم الدبل
بس طفشت من كثر ما انفخ الكفرات
المهم واستفساري الثاني خوفني مقطع يفتح الارباق
بالاف جي بالطعوس وسمعت يقولون الموديل الجديد يفصل الارباق اذا شغلت الدبل افيدوني ؟
السياره ممتازه وقويه لكن ودي اعرف لمميزاتها اكثر
وشكرا لكم

كل الردود: 3
1.
13:48:16 2014.10.08 [مكة]
انا ماعندي اف جي بس اللي باقوله ينطبق على كل الدفع الرباعي وقت التطعيس: افضل شي هو تنسيم الكفرات عشان تصير تقدر تمشي بشويش وبالراحة وتتحكم اكثر بالموتر وماتخاف تغرز حتى لو رقيت اماكن صعبة (تلاحظ انك لما ماتكون منسم انك لازم تكون دايما مسرع عشان ماتغرز وهنا ممكن تصدم بشي او تطب في غراز مفاجئ). ايضا التنسيم يريح القير الاتوماتيك (اللي ماينسم الكفرات القير يسخن عليه وهو مايدري) ايضا ميزة التنسيم ان الكفرات تصير لينة ويريح الموتر بشكل عام. اذا الكفرات ماهي منسمة تصير قاسية وتصير تحس بالمطبات ترج البدي و تخلخله. وعلى فكرة المطبات القاسية و الرجة الشديدة المفاجئة ممكن تخلي الايرباق تطلع ... انا شفتها صارت مع ونيت فورد ايضا بشكل عام خلك دايما مشغل الدبل الخفيف وقت التطعيس حتى لو موترك من النوع اللي دفع رباعي دائم زي اللاند والبرادو لان الدبل الخفيف يخلي عمود الكردان الامامي والخلفي يدورون مع بعض (قفل) وذا يطول عمر الدبل الدف لوك يخلي الكفرين اللي ورا يمشون مع بعض على طول حتى لو واحد منهم معلق في الهوا وهذي ميزة يعطي الموتر دفع اقوى في الطعوس والجبال ... انصح انك دايما تشغله اذا انت في الطعوس حتى لو الطعوس خفيفة وماتستاهل الدبل الثقيل يستخدم فقط اذا كنت مغرز تغريزة صعبة والدبل الخفيف مافاد او اذا بتسحب احد مغرز او بتطلع طلوع صعب جدا (جبل) وتبي تمشي بشويش
2.
17:17:14 2014.10.08 [مكة]
الترايكشن: لحفظ توازن الموتر عند الانعطاف بسرعه .. فيمنع انزلاق المركبه ويعيد توازنها .. ولا ينفع تشغيله في البر ابدا واذا كان عناك زر لتشغيله واغلاقه فاول شئ تسويه تغلقه قبل النزول للبر .. الدفلك: هو قفل الدفرنش ليجعل الكفرات الاربع تعمل مع بعض .. ويستخدم في الوحل ( التراب المختلط بالماء ) وعند غراز الموتر بشكل مثولث اي نغرز في انحدار مع ميول وكذلك عند تعلق المركبه وانخفاض بعض كفرات وارتفاع الاخرى .. فادفلك يجعل الكفرات الاربع تعمل مع بعض وفيه جهد على الموتر لا يستخدم الا وقت الضروره .. الدبل الخفيف: هو افضل شئ تستخدمه قبل منطقة الرمال ولا مانع من استخدامه لفتره طويله وبسرعه منخفظه .. وعند الرجوع للاسفلت تفصل الدبل وتعيده للطبيعي .. الدبل الثقيل: يستخدم في اضيق الحدود والهدف منه اعطاء قوه جر وكان التغريز قوي جدا والبدل الخفيف يعجز عنه .. وهناك شئ في بعض السيارات لم تذكره هو الهزاز: يعمل على تمائل المركبه واهتزازها حتى تخرج من منطقه الغراز .. وفيه نظام استخدم في الاندكروزر اسمه نظام الزحف: فتعمل المركبه على اخراج نفسها بالمحافظه على التقدم ببطء وتوجيه القوه للكفر العالق في الرمل حتى تخرج المركبه ..
3.
20:43:22 2014.10.08 [مكة]
الله يعطيكم العافيه كفيتو و وفيتو