| جميع الحقوق محفوظة © دار تقنية المعلومات IT Dar |

ابي الشورة في سيارة رباعيه وعائليه

السلام عليكم

باختصار ابي شورتكم في شراء سياره رباعيه وعائليه للبر وللمدينه وفخمه
جديدة طبعا

السعر المتوفر عندي 150 الف او اقل

احترت بين السيارات
اكسبلور
لاند كروزه
باترول لكن سعره غالي
من ناحية الاستخدام والقوة وقلة العيووب

وشكرا

كل الردود: 20
1.
23:50:46 2015.05.11 [مكة]
برادو لاندكروز ،، واستخير وتوكل على الله أقتصادي ياباني جودة قوة متناه فخامة بر مدينه وقروية فيه . ومن استخار الله ماخاب والله وفقك ويسخر لك الأفضل .
2.
23:57:19 2015.05.11 [مكة]
برادو كثير سمعت عنه مو كويس اشكرك على المرور
3.
00:02:12 2015.05.12 [مكة]
حسب تجربة الكثير يمدحونه ،،، وانا ناوي على شراءه باْذن الله والله يكتب لك مافي الخير بس اهم شيء استخير حتى لو نويت الشراء قبل ماتدفع قروش استخير وانت جنب الموتر ترى ماخاب من استخار الله . استشارة ربي أبرك من استشاراتي وانا اخوك . والله يوفقك
4.
00:03:15 2015.05.12 [مكة]
وياك الغالي والله يكتب لك كمان الخير موفق
5.
05:28:35 2015.05.12 [مكة]
طبعا اضيف سيارتين للي فوق يوكون تاهو سكويا وشكرا
6.
06:01:48 2015.05.12 [مكة]
سكويا او لاند جكسار8سلندر
7.
عضو قديم رقم 67920
06:08:57 2015.05.12 [مكة]
شرائك للسياره يعتمد على عده عوامل عدد افراد العائله - نوعيه مشاويرك (داخل المدينه ولا خطوط) - انت راعي بر ولا تطلع بالسنه مره او مرتين - رجلك حاره على السياره ولا استخدامك رزين ...الخ
8.
06:34:25 2015.05.12 [مكة]
ماني راعي بر كثير بس احتج سيارة تبيض وجهي في البر هي سيارتي الاساسيه لان بعت سيارتي القديمه مشاويري كل يوم 30 كيلو لدوامي رايح جاي السفر قليل رجلي للامانه حاره لكن ممكن ماخليه اذ موتري جديد
9.
11:11:03 2015.05.12 [مكة]
لاند كروزر باترول باجيرو غيرها لاتشتري نصيحه الأمريكي مريح لكن توقع يتعطل عليك في أي لحضه ولا ينفع لراعي البر .
10.
11:14:40 2015.05.12 [مكة]
ادج فورد لميتد 2 سعره 150000 ريال موديل 2014
11.
13:55:35 2015.05.12 [مكة]
أستغرب لماذا أستبعد الإكسبدشن دبل مع إنه سياره ممتازه .. أكيد سمعة تويوتا !! وشيك في جيبك !! بغض النظر عن الجوده .. عجبي ..
12.
عضو قديم رقم 67920
21:12:02 2015.05.12 [مكة]
شوف يا عزيزي انا بعطيك تجربتي وانت قرر انا ماعندي الا زوجتي وولدي الله يحفظهم ويخلي لك وللقراء كل من تحبون وطلعاتي للبر قليله واغلب وقتي دوام وخطوط وكانت مشاويري كالتالي: - 120 كيلو رايح جاي يوميا (من الاحد للخميس) - 400 كيلو رايح جاي بالويكند (جمعه وسبت ) وكثير من المرات توصل 800 كيلو رايح جاي بالويكند ورجلي حاره على السياره سواء جديده او قديمه وهذا عيب فيني كانت معاي كامري ومشت معاي 400 الف وبعتها وماكنت مرتاح بصراحه لا من ناحيه مساحه ولا راحه على الخط -بعدها نقلت نقله نوعيه واخذت فورد اكسبلور لمتد وجلس معاي تقريبا سنتين ونص وكان ممشاه 200 الف وللامانه ما اشتكيت منه لا من ناحيه راحه ولا من ناحيه اعطال بس اني مواظب على الصيانه -بعدها اخذت فورد اكسبدشن XLT 2014 قصير والى الان ماشي معاي تقريبا 12 الف واشوف اموره زينه المميزات والعيوب: - الاكسبلور ممتاز جدا نظرا لطبيعه مشاويري وحجم عائلتي لكن كان فيه عذروب واحد فقط لاغير وهي ردائه تصنيع بعض المواد.... اعطيك مثال على كلامي.. اماكن تعليق الملابس في المراتب الخلفيه انكسرت من الجهتين اليمين واليسار مع العلم اني ما اعلق عليها الا ملابس + البلاستيكه اللي بالقوائم يمين ويسار اللي بالزجاج الامامي طارت علي الجهه اليسرى مرتين وكل مره ارجع للوكاله ويركبونها -الاكسبدشن بالنسبه لي مريح على الخط لكن عذروبه حاجتين الاولى صرفيه البانزين (يشرب شرب) والثانيه حجمه كبير نوعا ما (من وجهه نظري)
13.
23:13:12 2015.05.12 [مكة]
ربي يسعدك يالغالي على مرورك والباقين ما يهونو استخرت ربي والان بنظري سكويا سعره معقول ومكينته لكزس وقوي اشكر الكل على المرور وما يمنع اي احد جرب السكويا يعلمني اي فئة احسن
14.
23:18:08 2015.05.12 [مكة]
اس ار 5 4x2 اس ار 5 4x4 اس ار5 فتحة سقف 4x4 ليمتد 4x4 138160 .ر.س أوتوماتك 148160 .ر.س أوتوماتك 159660 .ر.س أوتوماتك 198160 .ر.س
15.
04:43:44 2015.05.13 [مكة]
بعد المرور على وكالة تويوتا لا يوجد في السكويا تشغيل عن بعد وهذه الميزه مهمه لي جااري البحث عن سياره وننتظر مرورك الاخوان
16.
05:55:52 2015.05.13 [مكة]
خذ لك باثفنرد نيسان تشغيل عن بعد وجدا ممتاز او خذ لك ارمادا
17.
05:00:28 2015.05.14 [مكة]
اشكر الجميع
18.
17:29:32 2015.05.21 [مكة]
اشكر الجميع على المرور لموضوعي الحمد الله تم شراء جيب باترول se 2015
19.
17:37:22 2015.05.21 [مكة]
الله يعطيك خيره ويكفيك شره
20.
03:00:21 2015.05.23 [مكة]
السنتافي قطع غيار قوة ممتازة بالبر ممتاز بالطريق صيانتها ممتازة وغير مكلفة السعر ايضا ممتاز