| جميع الحقوق محفوظة © دار تقنية المعلومات IT Dar |

إنسرق مفتاح سيارتي و أبي مساعدة

السلام عليكم ..
طب علينا حرامي و سرق من ضمن ما سرق مفتاح سيارتي بالريموت , و اضطريت أخفيها في منزل بعيد خوفا من سرقتها . و الوكالة للأسف ما عندها سويتش جديد , و يبي له أكثر من شهر لين يوصل . و مفتاح ( السبير ) عندي بالريموت , و محلات المفاتيح قالوا ما لك إلا سويتش جديد .
السؤال : هل فيه ما يسمى بالقاطع الكهربائي اللي من خلاله اقدر أخلي السيارة بالشارع , و لو جاء الحرامي ما حيقدر يشغلها ؟ .
أرجة المساعدة . و لكم الشكر .

الردود
مواضيع مشابهة
الكل: 8
1.
عضو قديم رقم 330999
15:12:17 2013.09.01 [مكة]
السلام عليكم بتقدر تركب حبل حديد على الدركسيون مع الدعسة وبكون بقفل ...موجود بالسوق
2.
15:24:28 2013.09.01 [مكة]
شكرا لك على سرعة التجاوب .. بس وين بالسوق ( عند من بالضبط / في الرياض ) . ؟
3.
16:31:41 2013.09.01 [مكة]
لا هذي مايبيلها حبل لانك قد تتكاسل وتنساه او يتابعك حتى توقف عند بقاله او غيرها انصحك غير البرمجه بمفتاح جديد وريموت جديد وريح بالك كذلك انصحك ركب بسيارتك جهاز تتبع وحقيقه اللي مايركب بسيارته هذا الجهاز ماعنده سالفه هذا الجهاز يحدد لك مكان سيارتك وين وسهل التعامل معه وسعره مناسب
4.
17:00:36 2013.09.01 [مكة]
ركب سويتش مخفي يقطع الكهرباء عن طرمبة البنزين وأتحدى الحرامي يقدر يشغلها 50 ريال عند الكهربائي
5.
11:40:43 2013.09.02 [مكة]
شكرا لتجاوبكم .. أبو هجير , و أبو حسام ... بالنسبة للبرمجة ما مشي حالها لأن السويتش لازم يتغير كاملا , و أما السويتش المخفي فيمكن يكون حل مؤقت بس يبي له الواحد (( ما ينساه )) لمن ينزل من السيارة , حتى لا يطيرون فيها الحرامية ..... و الله المستعان .
6.
14:44:52 2013.09.07 [مكة]
بإنتظار حلول أخرى .....
7.
00:05:01 2013.10.11 [مكة]
أعود لتوضيح ما حصل لي بعد استشارتكم , و عمل بحث موسع عن الموضوع . اتضح ان الوكالة طلبت شهرين لحين وصول السويتش الجديد من امريكا و بتكلفة 1400 ريال , فلا حل ابدا للموضوع الا بتغيير السويتش كاملا . راسل ابني شركة خاصة بالسيارات الشفروليه , في امريكا و سدد لهم 600 ريال بالفيزا , و وصلني للبيت نفس السويتش اللي كانت حتجيبه الوكالة لأن له رقم خاص به , و ركبناه ب 200 ريال مع قص المفتاحين و البرمجة الجديدة للريموت , و خلال 16 يوما فقط . و الحمد لله على كل حال . فقط للعلم .. مع الشكر و التقدير للجميع .
8.
عضو قديم رقم 346145
20:33:52 2013.10.19 [مكة]
رح لمحل المفاتيح بالاستمارة ويقصون اك مفاتيح جديده ويبرمج لك السيارة على المفتاح ااجديد