إخواني بسدد ساهر هل تسقط الفوائد ،،احد يساعدني

ماطلع لي قرض إلا مبلغ خمسين ألف

وأبي أحاول أني أكملها أو أشوف احديسقط فوائد

الله يهدينا وياك 80 الف مخالفات شكلك معطي ساهر اشكل .

عموما اسأل الله عن يفرج همك وان يقضي دينك .

انا لا جاني 2 او 3 في كم شهر او في سنه تضايقت

أتمنى منك الإنتباه إللي الكتابة الصحيحة للفظ الجلالة


الله

اسأل الله الواحد الأحد أن يقضي عنك و عني و عن كل مسلم و مسلمة

الله يهديك مبلغ كبير كان الأولى أن تنتبه و تحرص من الوقوع في المخالفات و أن تحتفظ بهذا المبلغ في أمور أهم

لكن إذا فات الفوت ما ينفع الصوت

انا اقول طالما خليتها تصل المبلغ هذا عطهم اشكل باقي عمرك .. اما اني اطلع قرض عشان اسدد مخالفات .. الدولة اغنى مني ومنك وماهي في حاجة .. والفلوس اللي بتسددها تروح لصالح كامل وشلته ممن اقرو نظام الجباية وغلفوه بطابع حكومي ..

وش بيسوون يسحبون الرخصة خلهم ياخذونها اللي يسمع يقول تفتيش في كل شارع .. يسحبون السيارة الثمانين تجيب سيارتين .. نصيحة لك لا تسدد وامورك بتمشي بالواسطة .. ويمكن يصدر امر باسقاط المخالفات من الملك في يوم من الايام .

وان كان ولا بد سوي معروض وادخل به على الامير سلمان ولا تذكر مبلغ المخالفات حتى ماترفع ضغطه خله مبهم .. وبكلمتين شرح على المعروض تروح المرور وينظفون السجل .

دامك وصلت هالمبلغ لاتستعجل يمكن يصير تغير بالنظام ماااتدري

والله انا اقول لا تسدد
وقدم طلب تخفيض على الداخلية

اللة يجزاكم خير ،. لكل منصح .

المشكلة أنة ماقدر أراجع داوئر حكومية ولا استقدم ورخصتي ظايعة ماقدر اطلع بدل فاقد

والجواز منتهي وخلها علا اللة ،،

وقصة المخالفات هاذي أنا مطلع لبوي سيارة وإخواني اثنين ..

وكانت كلها اول مانزل النظام تجئني المخالفات مدري عنها

اول مانزل النظام كان سريع ويدبل ومافية تنبية أو إرشادات ..

ونقلت السيارات باسم خواني باقي حقت أبوي

والحين وش أقول لبوي سدد مخالفاتي عاطل واجالس اسدد أقساط سيارتة ،.

أخاف بس يمسكني المرور ويحجزني واللة ماطلع لين اسدد

واللة مالي بالدنيا هاذي عون غير رب العالمين

لا حول ولا قوة الا بالله
وش صاير في هالزمن
ياأخي اعمل تضلم واستراحام لوزير الداخلية مرفق معه حسن سيره وسلوك من جامع او عمل او عمدة حي والانسان معرض للخطاء وخير الخطائون التوابون اما 80 الف ؟ هذه بتسبب لك ازمه ماليه لو سددتها ووالاة الامر فيهم خير ان شاء الله

انا عن نفسي والله ما اسددها شي يقهر انصحك نصيحه اخ سوي معروض وروح للامير المنطقه الى انت فيها واذكر ظروفك وانك لا تعمل يا عمي ولاه الامر فكو رقاب بملاين جت عليك انت

وبدل ما تمرمط نفسك بالبنوك رايح جاي عادي فضي نفسك كم اسبوع وانقز كل يوم عند ولاه الامر مع الصلاه والدعاء وصدقني راح تنفرج

انصحك روح للامير مقرن لانه يكره ساهر وما يحب الظلم هذا والله اعلم

واللة ياخوان عجست مالجت للسداد إلا أنا مقتنع ،،

كلمت موظف بساهر من الجماعة قال اذا دخلت. الجهاز خلاص بظهرك لين تموت

هاذا بلا ونزل علينا حتي هو موظف يقول عجست أشيل مخالفاتي

الشيخ صالح كامل

لة كامل المخالفات وماراح يسقط اي مخالفة عقد مع الدولة اول ثلاث سنوات لة

وبعدين يسلمها للدولة ويروح لبلادة ،،

رحت لمفتي المملكة للأسف الشديد قال هاذي من ولاة الأمر وواجبة التسديد ،، وعن التزايد

قال أرجوك لا تكلمني عنها

قلت انت المفتي وفيك الخير وتعذر عن الكلام

وقال لا تكلمني في هاذا الموظوع ،،

باين أنة متظايق ولا يبي يتكلم فيها ،،

استخرت وقلت خير

قال صلي باليل واطلب ربك يعينك ،،

لا حول ولا قوة إلا بالله, هالنظام السيء عطل مصالحنا ؟
انا اشوف انك ما تستعجل, وترفع برقية او تطلع بنفسك لوزير الداخلية يسقط عنك المخالفات بناءً على ظروفك القهرية.

من شاف مصيبة غيره تهون عليه مصايبه

80 ألف مخالفات آلله يعينك

شي يكسر الظهر بالنسبة لنا كمواطنين

لكن اصحاب البشوت كنها 8 هللات عندهم

الله يرزقنا جميعا من واسع فضله

لا حول ولا قوة الا بالله 80 ألف.. يالله عفوك

ابك انا الحين الفين وشوي كنها هم على قلبي

كيف عاد انت 80 ألف..

والمصيبة كلها والله ما تجاوزت سرعة 90 بس يصيدوني في الشوارع اللي سرعتها 70 و 60

ووحده والله ان الاشارة صفراء وما شفت الا الفلاش وبعدها رسالة قطع اشارة

بس اذكر مره عند صرافة شايب احس وضعه مثل وضعك

عطاني جواله يبيني اسدد له فاتورته وقال دور رقم الفاتورة بالرسايل
والله يا اخوان صدع راسي من كثر رسايل ساهر بجواله

قلت انت ياعم تسرع عليك قسايم ساهر كثير

قال كم رقم اللوحات واعلمه وسكت قال سدد الجوال ياولدي

شكلها سيارات مع عياله او مع عمال مدري عنه

شطحة///

لا تكون انت صاحب القصة اللي جات في سبق
اللي تزوج على زوجته وقامت زوجته خذت ولدها وعطته مفتاح سيارة بوه وقالت كل ما شفت ساهر ادعس لين سجلت عليه قسايم مية الف
ههههههههههه

يارجال .. لا تسدد .. أنت بتكون أحسن من الملك ..

عنده مخالفات من ساهر وماسدد عنه الا احد المواطنين .. يمكن الله يرزقك باحد الموسرين ويسدد عنك .. ,تعبير عن حب التجار للمواطنين .

http://www.youtube.com/watch?v=GFW56-xNRl0

ومن قوة النظام يقول عادي اذا قطعت الإشارة

مافية توقيف بس سدد 900 ريال وخلاص

يعني نبي فلوس وبس ماعلينا من سلامتك

شكرا لكل