| جميع الحقوق محفوظة © دار تقنية المعلومات IT Dar |

وش رايكم بمطعم بخاري لا تبخلون بمقترحاتكم النيرة

السلام عليكم

جاتني فكرة انشاء مطعم بخاري

كم يكلف وكم يحتاج عدد من العمال

و ماهي افضل جنسية للعمال الي يسوون البخاري

وارائكم حول الفكرة

طبعا راس المال 100000 ريال

هل تتوقعون يكفي ام لا

و اي حي بالدمام ينفع افتح المحل


لا تبخلون علي بمقترحاتكم وارائكم الطيبة

تحياتي

كل الردود: 16
1.
01:24:07 2014.07.15 [مكة]
السلام عليكم نوعية الرز اللي في السوق لا طعم له ، مدري ليه من يتذكر طعم البشاوري القديم الباكستاني اقترح عليك بتوريد الرز بنفسك من بشاور بدون الاعتماد على اللي في السوق نوع الرز وطعمه هو أساس نجاح المطعم
2.
03:20:35 2014.07.15 [مكة]
المطاعم حاليا ما وراها الا الهم والتعب ما يعطوك عماله تكفيك .. واكبر غرامه لو تجيب من برى وكل ياكل منك .. تجاره .. مكتب عمل .. جوازات .. بلديه زكاه ودخل .. سعوده . اسمع نصيحة اخوك .. دور غيره .. الله يرزقك
3.
05:05:09 2014.07.15 [مكة]
الله يرزك من اوسع ابوابه
4.
07:53:46 2014.07.15 [مكة]
الرد 2 ..... كلام غير مقنع
5.
عضو قديم رقم 182223
07:59:45 2014.07.15 [مكة]
خليني افطر عندك واشوف الرز اذا كويس علمتك هههههههه الله يرزقك ان شاء الله ويرزق جميع المسلمين اجمعين
6.
08:54:56 2014.07.15 [مكة]
اتكل على الله وافتح مطعم بخاري الله يعز النعمه لو تقدم للعالم تراب كلوه خصوصا وهو جاي من مطعم
7.
17:26:20 2014.07.15 [مكة]
1. بقلم: سعودابوفهد حياك الله يا ابو فهد كلامك صحيح نوعية الرز مهمه للغاية اشكرك على مداخلتك
8.
17:27:06 2014.07.15 [مكة]
2. بقلم: السامي10 هلا اخوي السامي صحيح ان تعقيدات مكتب العمل مزعجه لكن تتدبر باذن الله شكرا لك
9.
17:28:02 2014.07.15 [مكة]
اشكر بقية الاخوان المتداخلين و الله يرزقنا و اياكم لما فيه الخير و لا تنسونا من دعاءكم و مقترحاتكم و ارائكم تحياتي
10.
17:30:03 2014.07.15 [مكة]
بس ما علمتوني وش هي افضل جنسية
11.
عضو قديم رقم 369248
19:23:47 2014.07.15 [مكة]
في شارعنا ففتح مطعم بخاري الموقع ممتاز جداااااااا واشتغل تقريب شهر بس ماحصل عمال و كانت على ايام تصحيح الاوضاع فقل الضعيف فنصيحتي لك دور لك عمال قبل ماتسوي اي شي ودور لك الموقع الممتاز. وبالنسبه لللجنسية العمال عندك الافغانيين و الباكستانيين
12.
عضو قديم رقم 257975
04:21:07 2014.07.16 [مكة]
قبل 44519 سنة و11 شهر ؟؟ نصيحتي لك لاتتورط بالمطعم ترا مكسبهم كله في الرز وخساير الدجاج بالهبل بس ابو فغنه مزبط وضعه كل 3 مطاعم تحط رجيع امس ( دجاج شواية وعلي الفحم ) عند المطعم الرابع وهم يصرفونه في اليوم الثاني نصيحتي لك اذا مبتديء ابدأ باقل الامكانيات عندك 20 الف ( مثلا ) افتح محل ب10 الاف ولاجاك العامل البضاعة ماهي مشكلة ان شالله تبيع مكسرات .
13.
10:29:38 2014.07.16 [مكة]
عزيزي مطعم البخاري ارباحه خياليه واعرف مطعم دخله خلال رمضان افطار صايم 80 الف ريال المهم شف لك افغاني وخش معاه شراكه 50% وصدقني بتعيش لنه مارايح يخسر امواله وتكلفة المطعم تكلف حدود 170 الف بحكم معرفتي لصديق افغاني
14.
01:21:47 2014.07.18 [مكة]
الله يعطيكم العافيه على ارائكم و مقترحاتم ومداخلاتكم وبانتظار بقية الاخوان تحياتي
15.
01:44:22 2014.07.18 [مكة]
البخاري اذا انت اشتغلت 100%100 عماله ومواد مكسبه فوق 25 % وافضل من لشغله اهلها طبعا معلمين مابينفعك الا ابو نسافه
16.
02:22:45 2014.07.18 [مكة]
الموقع غير مهم اهم شي توفر سيارة توصيل طلبات اذا وفرت توصيل طلبات نجحت في فتح المطعم البخاري باذن الله