| جميع الحقوق محفوظة © دار تقنية المعلومات IT Dar |

وش الرأي، أفكر أفتح محل ولا نشاط..

يا هلا ومرحبا بالجميع،


يقولون ماخاب من إستشار! واللي تشوفه الناس بعيونه ماهو مثل اللي تشوفه بعينك!

ما ودي أطول عليكم، أنا جالس بالمكتب وأفكر إلى متى وأنا أنتظرهم يصرفون الراتب وآخر حاجه أصير مبرمج نفسي على مقدار هالراتب ومربوط فيه مع إن وظيفتي زينه ولله الحمد ومكاني جداَ مرتاح فيه.

والشغل أزين من العطالة لكن الفكرة إني ماودي أجلس أنتظر الراتب وبس ودي أسوي شي يصير دخل ثاني!!!


هنا الكلام أنا معي مبلغ تقريباَ 200،000 ريال ولله الحمد والشكر، وأفكر أفتح محل ولا نشاط وجالس أفكر مره في محل تلميع سيارات ومره أقول ماينفع وكثرت الأفكار اللي مدري وش آخرها.

اللي ودي أوصله لكم اللي جرب يفتح مشروع ويتابعه بنفسه ويتعب عليه ويشوف وعرف مدخاله ومخراجه منه يشور علينا.

الأفكار موجودة لكن تجارب أهل التجاريب هي اللي تعطيك التطبيق الصحيح.


والسلام عليكم ورحمة الله وبركاته.

كل الردود: 11
1.
10:05:24 2014.05.26 [مكة]
افتح مشروع الناس ماتسغني عنه المطاعم مغاسل الملابس في حواري شقق العزوبيه مغاسل سيارات
2.
08:59:00 2014.05.28 [مكة]
فكره جيده ومدخولها يعتمد على الموقع لكن إعتمادها على العامل بشكل أساسي لو راح وقف المحل.
3.
16:41:06 2014.05.28 [مكة]
حاول أن تجد فرص تجارية من خلال عملك أو وظيفتك سواء كان توريد أو تعاقد وأحذر أن تترك وظيفتك حتى تضاعف رأس مالك خمس مرات على أقل تقدير . وبالتوفيق أن شاءالله.
4.
09:09:37 2014.06.02 [مكة]
حياك الله يا اخي الكريم فكرة الاستغناء عن الوظيفة كانت من مبدأ الاستقلال المالي بعد ان يزدهر النشاط مهما كان نوعه،،
5.
عضو قديم رقم 346131
13:21:44 2014.06.02 [مكة]
نفس مشكلتك افكر بكوفي شوب مع 3 عمال وديكورات شعبيه وجلسات ارضيه لكن اخاف يكلفني كثير وهو مغامره او يكون مرتع لمجموعه من الدشير الي يطيرون الزباين لذلك لابد من البحث عن الموقع الصحيح الخالي من بعض الفئات من المجتمع او الاحياء الي فيها تكدس وكذلك فكره مغسة + بوفيه عند منشأه حكوميه + بقاله في مكان ما فيه خدمات
6.
عضو قديم رقم 5404
01:30:48 2014.06.10 [مكة]
افضل حل التكتل يعني لو اتفقت انت وثلاثة من ربعك تجمعةعندك 600 الف يعني وقتها الخيارات اكثر والأفكار تتلاقح والتعاون والشراكة طيبه
7.
01:42:33 2014.06.10 [مكة]
الحين كل شئ صعب تبي تفتح محل لازم تامين على العامل ولايعطون عمال بسهولة كل شئ صعب بوقتنا هذا لكن شوف لك مغسلة ولا محل قطع غيار الافكار كثيرة لكن هل تامن العمالة لازم تتابعهم دايم بوقتنا هذا تغيرت امور كثيرة لكن فتح محل ابرك من الاسهم اللي خسرتني وخسرت العالم متى نجمع فلوس ونستثمر بس
8.
15:29:52 2014.06.10 [مكة]
افضل استثمار في شراء الاراضي وبيعها
9.
16:35:18 2014.06.10 [مكة]
وعليكم السلام ورحمة الله وبركاتة أختصرت علي في موضوعك يالغريب وبيض الله وجهك كل شوي منزلي موضوع وفي الآخير ما حد رد علي ههههههههه نفس اللي يدور في بالك في بالي له خمس شهور !! رأس المال موجود ولا لقيت مشروع أو نشاط أقتنع فيه !! كل شوي أقتنع بمشروع ثم أتعداهـ وأدور غيرهـ وهكذا !! العمالة عندي موجودة لكن كل مشروع أفكر فيه تواجهني فيه مشكلة معينه مما يسبب لي كرهـ له وأحباط !! بنسبة للمحلات أحس ما تصلح لي ولك ! تصلح للي راس ماله كبير لانه لو غامر وخسر ما ينكسر راس ماله ولا يضعف ! أفكر بمشروع تربية مواشي ودواجن وعساني أصمل
10.
عضو قديم رقم 358076
22:23:25 2014.06.10 [مكة]
راس مالك يكفي لنشاط بس ماهو صامد في وجه ال supplies يعني ... ولكن عندي لك فكره تفصيل على قدر راس مالك: اشتر لك دينا بثلاجه ، ودامك تقول العماله متوفره وفر لك سواق وروح طال عمرك للديار اللي تزرع مثل الجنوب ولا الطايف وجب فواكه وخظار وماشابه ذالفكره فيها بركه بشكل ما تتصور ، وصدقني لو حتى استخدمت ذالفكره ك(صفايه) او محول يحول فلوسك لبركه فهذي لوحدها بتكفي كان فهمتني زين المربح موجود والزباين يمكن لو ادلك عليهم ماراح تصدق ان يوجد لديهم (فجوه) تنظيميه في الشي ذا وراح يقولون بك (هه) عشان بس تستمر معاهم بشكل احترافي منتظم وزبدة الكلام هو البحث عن فجوات ومحاولة سدها يعني مايصير (مثلاً) تفتح بقاله جمب خمس بقالات كذا مافيه (فجوه) ... واهم شي النيه تكون سليمه و تزكي فلوسك بالزكاة الشرعيه وتكون لين وابد باذن الله تمشي امورك
11.
عضو قديم رقم 366981
22:24:38 2014.06.15 [مكة]
شف موضوعي بيفيدك اخوي الغالي http://www.mstaml.com/1807240/%D8%AF%D8%B1%D8%A7%D8%B3%D9%87_%D8%AC%D8%AF%D9%88%D9%89_%D9%84%D8%A7%D9%83%D8%AB%D8%B1_%D9%85%D9%86__250_%D9%85%D8%B4%D8%B1%D9%88%D8%B9_%D8%AA%D8%AC%D8%A7%D8%B1%D9%8A_%D9%85%D8%AD%D9%84%D9%84_%D9%88%D9%85%D8%AF%D8%B1%D9%88%D8%B3_%D8%A8%D9%80%D9%80/