| جميع الحقوق محفوظة © دار تقنية المعلومات IT Dar |

مشروع ( خدمات نقل خاصة )

السلام عليكم جميعا

خابر انكم شقرديه وماتقصرون بالردود اللي تنفع الناس واقتراحاتكم

ماابي اطول ..

مشروعي هو ( مؤسسة للتوصيل الخاص )

عندي مبلغ ولله الحمد .. وهالمشروع في بالي من زمااان .. اني افتح مؤسسة بااسمي واسوي اعلانات للتوصيل الخاص ( مشواير - مدرسات طالبات طلاب )

وش نصااايحكم تكفوون .. كم يكلف المكتب ع السيارات ع السجل التجاري .. وكم مدخوله الشهري لو افترضنا عندي ( 10 سيارات ب 10 عمال ) لانهم على حسب علمي يطلعون للمؤسسة 10 عمااال

وهل المشروع ناجح ... تحويشة العمر على قولتهم ولا ابيها تروح بلاش

تكفووووون انتظر ردودكم .. لاهنتوااا

كل الردود: 6
1.
04:58:17 2015.02.14 [مكة]
لا يالررررربع مهيب ذي الهقوه :"((
2.
07:33:00 2015.02.14 [مكة]
وعليكم السلام ورحمة الله وبركاته، شوف اي مشروع بترتبه صح وبتتعب على ادارته راح ينجح بإذن الله في هذا البلد المعطاء. هذي وجهة نظري ..،، طبعا قد يشذ عن هذه القاعده بعض المشاريع الغبيه من ناحية الفكره او الموقع اوغيرها. كمن يفتح مطعم بيتزاايطالي في حي شعبي تعود سكانه على اكل المندي والمضبي والمثلوثه !! بالنسبة لمشروعك اعتبره من المشاريع الناجحه والحيويه في بلادنا سيما في استمرارية منع قيادة المرأه للسياره. اذا استطعت توفير عشره ميكروباص وعشرة سائقين فأعتقد ان ذلك سوف يؤكلك الشهد بإذن الله ؛) اهم شئ - بعد التوكل على الله - هو الاداره الجيده. تابع حلالك بنفسك ، تأكد من انضباط السائقين وسلامة المركبات بشكل مستمر. تلقى الطلبات بنفسك او اجعلها تحت اشراف مباشر منك على الموظف المسؤل عن تلقي الطلبات. اهتم بنظافة المركبات وترتيبها وكذلك السائقين. ستجد لك فرص عمل عقود لتوصيل الطلبه والطالبات وعقود مع المستوصفات لتوصيل الممرضات وربما تستخدم باصاتك للسفر ولاداء العمره. احرص على ان تنتقي زبائنك وان تأخذ الضمانات الكافيه لحفظ حقوقك. وفقنا الله واياك والمسلمين .
3.
06:55:02 2015.02.15 [مكة]
جزاك الله خير على مرورك ماقصرت وطمعان في ردود الاخوان اللي لهم خبره زياده بهالمجال من ماحية الصرف والدخل وماالى ذلك
4.
عضو قديم رقم 407061
11:19:46 2015.07.07 [مكة]
عندي محل يصلح لمشروعكم كلمني لو سمحت كرم2016 0505384840
5.
08:12:10 2015.07.19 [مكة]
اخوي ابو سعود كل عام وانت بخير اولا تحتاج لموقع ممتاز وتحتاج الي دعايه واعلان في مواقع التواصل جميعها وعن طريق خدمات رساله جماعيه تعريفيه بالخدمات اللي انت تقدمها من شركات الاتصالات #ثانيا تحتاج موافقه او تصريح من وزارة النقل واستفسر منهم قبل حتي تسوي شي بعدها راح تستخرج كروت تشغيل مجانيه من وزارة النقل حتي ماتقع ضحية جهل في النظام ثالثا تستخرج السجل التجاري من موقع وزارة التجاره واذكر ان السجل لمدة سنه 100 ريال او قريب منها (واتوقع انه يوجد ضمان بنكي بحدود 10 الاف ريال علي ما اعتقد) رابعا تستخرج رخصة بلديه 360 ريال ولازم يكون المكتب اكبر من 30 متر وتجهزه حسب متطلبات البلديه والشرطه والدفاع المدني يعني طلبات البلديه ( أ-باب المنيوم زجاج *ب-سيراميك *ديكور او سقف مستعار *د لوحه للمكتب ) خامسا وهو الاهم ماتوقع يعطونك ع نشاطك 10 عمال واحتمال تطالب بموظفين سعوديين بما انه مشروع نقل مدرسي بعدها تسجيل الرخصه بمكتب العمل وفتح ملف وتفعيل المستوي الثاني وبعدها تسجلها في التامينات الاجتماعيه وتشترك في صندوق واصل وبالنسبه للتاشيرات راح يعطونك تاسيس 3 كنظام وبعد 40 يوم يعطونك توسعه 3 بعدها وبعدها راح توقف فتره ع حسب نسبة التوطين تصدر لك تاشيرات واي استفسار انا جاهز
6.
00:01:23 2015.07.20 [مكة]
يجب ترخيص اجرة خاصة من وزارة النقل وشروطة تعجيزية أهمها ان يكون مسجل على مؤسستك 50 سيارة ملك لا تقل عن 2500 سي سي الكلام هذا من واقع تجربة