| جميع الحقوق محفوظة © دار تقنية المعلومات IT Dar |

شركة سمه وقفت حساب اختي وش الحل حسبي الله عليهم

السلام عليكم


اختي ماقدرت تسحب فلوس يوم راجعنا البنك قالو موقف من سمه .............

وش المطلوب ياجماعه الخير وين مكانهم وهل اقدر ستفسر بالتلفون لاني بالقصيم ساكن

وهل لازم اخذ اختي معي ولا يكفي اروح لحالي


انتظركم على احر من الجمر اللي يملك معلومات يفدنا الله يحرم وجهه عن النار

كل الردود: 17
1.
10:58:53 2014.09.11 [مكة]
http://www.simah.com/ar/ContactDetails.aspx
2.
15:19:02 2014.09.11 [مكة]
اسال عن سبب الايقاف من البنك اولا ومن ثم بامكانك الاتصال على سمه او مراسلتهم عن طريق موقعهم ، الامر سهل
3.
15:30:11 2014.09.11 [مكة]
سمه ليس لها علاقه بايقاف اي حساب سمه هي مركز تبادل معلومات يبين تاريخ العميل الائتماني فقط لاغير وتأثيره السلبي انه في حالة وجود متعثرات لدى اي جهه ائتمانيه يتسبب ذلك برفض طلب تمويل العميل من اي بنك او اعطائه بطاقه ائتمانيه ......... ممكن تقصد (ساما) اللي هي مؤسسة النقد العربي السعودي وعادة مايكون هناك تعليمات بايقاف حساب الا لوجود اشتباه بغسيل اموال ... ارجو التأكد من البنك هل الايقاف بسبب انتهاء الهويه مثلا او ان الحساب راكد ويحتاج تحديث
4.
16:12:15 2014.09.11 [مكة]
اخوي سمه لا يمكن تتدخل في ايقاف الحساب مهما كان .. سمه مجرد داتا معلومات للعملاء الائتمانيين في البنوك والشركات مجرد انك بنك او شركة تقسيط او كهربه او هاتف .. وتسجل في سمه يعني انك ترسل لها داتا بعملائك ووضعهم الائتماني .. القصد بالائتماني .. هو قرض , فاتورة , بطاقة ائتمانية , اي التزام مادي عليك لاي جهة في القطاع الخاص تندرج في سمه ... وبس وتكون سمه مرجع للشركات هذه فقط في حصول الموظف على اي تسهيلات ائتمانية اما غير كذا مالها حق نهائي تتدخل في ايقاف الحساب .. اتوقع الحساب موقف لانه يحتاج إلى تحديث معلومات في الفرع .. خاصة انه حساب ( سيدة ) يعني تعرف ممكن تكون فتحت الحساب بدون مُعرف ف تم تجميد الحساب .. او انتهت البطاقة ... اي شي من هذا ... ومثل ماقال اخونا ابونايف22 ممكن المقصود ساما ... اللي هي مؤسسة النقد ..
5.
16:53:00 2014.09.11 [مكة]
ممكن ساما اجل لان البنك يقول لايوجد اي مشكله من ساما ممكن انا اخطئت بالاسم
6.
18:11:31 2014.09.11 [مكة]
من المستحيل أن تجمد سمه أي حساب بسبب مديونيه او غيره هي مجرد شركه لمعرفع حاله المتعاملين مع البنوك فقط وغير معنيه بالحسابات ممكن ترسلي التفاصيل علي الخاص لو في إحراج لك وممكن إت شاء الله أقدر أساعدك الموضوع أكيد فيه سوء فهم
7.
17:44:28 2014.09.12 [مكة]
صارت ساما ياجماعه الخير توقعون وش صار راح اخوي للمؤسسه النقد قالو ان فيه شركه بالرياض حاطين سجلها المدني على رقم سجل اختك وانهم كاتبين شيك بدون رصيد واللي كاتبين له شاكيهم للمحكمه وموقفين حساباتهم بالبنوك وان الموظف حق البنك هو االي مخطي حاط سجل الشركه على رقم سجل اختك
8.
17:47:19 2014.09.12 [مكة]
قالي شخص ارفع شكوى للديوان الظالم يعوضونك عن توقيف حساب اختك بدون سبب وانها تضررت وش ذنبها وش رايكم ارفع شكوى وهل متاكدين ابستفيد عشان ماتعب روحي وتوقعون وش بيعوضونن
9.
18:55:43 2014.09.12 [مكة]
حسب معرفتي مؤسسه النقد هي السئوله عن هذه الامور توجه لهم بشكوى رسميه مع كافه الاثباتات وتاخذ حقك كامل إن شاء الله
10.
20:57:40 2014.09.12 [مكة]
يعني مااقدم الشكوى على بنك الراجحي اقدم الشكوى مباشره على موسسه النقد صح
11.
00:04:29 2014.09.13 [مكة]
1111111
12.
10:58:39 2014.09.13 [مكة]
ماحد رد علي
13.
13:29:48 2014.09.13 [مكة]
اي نعم توكل على الله وبإذن الله البنك يجري وراك عشان يحل الموضوع إذا مافي شي ثاني غير واضح لأن البنك يعرف مؤسسة النقد كيف عقوباتها وغراماتها ما ترحم البنوك عن تجربه لأني صار لي موقف شبيه بالي صار لك تقريبا الله يوفقك يارب
14.
04:30:09 2014.09.14 [مكة]
قدم شكوى على الي حط رقم البطاقه ثم على البنك والتعويض 5مليون اضرار توقف الحساب اضرار نفسيه وادبيه ديوان المظالم الله يوفقك اذا سلمت من موظف حسودعانك كسبتها ان شاء الله
15.
08:27:18 2014.09.14 [مكة]
5 مليون احس مب جاين ولا 5 الاف خبرك البلد مابه نظام زي الغرب
16.
01:31:56 2014.09.18 [مكة]
لا تكبرون الموضوع يمكن الحساب يبغاله تحديث
17.
17:48:40 2014.09.23 [مكة]
لا مايبغى له الخطا من البنك حاطن سجل اختي على سجل الشركه وكلمت خويي بالبنك قال مب طايلك شي لاتشكي اهم شي يرجعون حساب اختك والان رجعوه وتقدر تسحب لكن ودي اادبهم