| جميع الحقوق محفوظة © دار تقنية المعلومات IT Dar |

راس مالي 60 الف واحتاج لمشروع يدخل لي 1000 ريال باليوم - افكاركم ياشباب -

ياشباب اسعد الله مسائكم يارب
احتاج لمشورتكم وافكاركم بخصوص هذا الموضوع
انا رجل موظف لدي راس مال 60 الف ريال
احتاج لمشورتكم اخواني الاعزاء
بمشروع لو يدخل لي 1000 ريال باليوم
او اقل من هذا المبلغ

واسئل الله في هذا الوقت المبارك
ان يرزقني ويرزقكم وان يصلح لكم ذريتكم انه سميع مجيب

كل الردود: 48

عرض:
1.
19:59:02 2013.12.25 [مكة]
متأكد 1000 ريال في اليوم؟؟
2.
20:46:01 2013.12.25 [مكة]
60 الف ودخل 1000 ريال يوميا وش هالمشروع !!!!
3.
21:49:52 2013.12.25 [مكة]
( الله كريم يجيب خبز ياعقيلي ) مثل قديم الله كريم والله التجاره والعمل الحر فيه خير مع توفيق الله
4.
21:52:53 2013.12.25 [مكة]
ب 60 الف وتبي 1000 ريال يومي عندي تلحف بالبطانيه واحلم ببلاش الحلم
5.
22:33:49 2013.12.25 [مكة]
تجارة المخدرات طال عمرك
6.
22:41:38 2013.12.25 [مكة]
يعني اكبر مخدتي يالربع
7.
22:43:59 2013.12.25 [مكة]
لا تكبر مخدتك يبه 60 الف تسويلك مطعم ياطويل العمر ومدخول المطعم اذا نضيف وكل شيء تمام مايقل عن 2500 ريال يوميا
8.
22:50:31 2013.12.25 [مكة]
والله حطموني يالخووووووي بغيت اعدل العنوان وخلي بدل 1000 ريال 100 ريال باليوم
9.
22:58:47 2013.12.25 [مكة]
اذا فكرت تفتحلك مشروع مثل ماقلتلك مطعم الناس ماهمهم الا بطونهم اغلب العوائل الحين مايطبخون كثير كل اكلهم من المطاعم وروح اطلع للمطاعم وتشوف بعيينك كيف الشغل حامي
10.
22:58:58 2013.12.25 [مكة]
طيب اخوي لك تجربه بالمطعم انت
11.
23:09:08 2013.12.25 [مكة]
لا والله مالي تجربه لكن كنت بفتح مطعم قبل شهر لكن حصلتلي ظروف ووقفت اهم شيء بالمطعم الشيف يكون يعرف يشتغل زي الناس وتعطيه نسبه ترضيه لاتقول بتجيبلك بنغالي وبتعطيه راتب ولو فكرت تفتح المطعم حاول انك تتخصص بشيء يعني همبرقل وشوارما او شوارما وكباب بس
12.
عضو قديم رقم 293242
23:34:07 2013.12.25 [مكة]
لك رساله عالخاص
13.
00:37:40 2013.12.26 [مكة]
اذا تقبل نصيحتي ... اغلب الشباب يعملون مشاريع وتفشل ... بنسبة 90% وهذا طبيعي لان الواحد فيني يفكر نفس تفكيرك بالضبط ... مع رأس مال ويبي مشروع ناجح ودخل ممتاز ... = طبيعي جداً كل واحد يفكر كذا .. ولكن النجاح في التجارة لها شرط واحد .. مهم جداً وهو معرفة اسرار المهنة ... معرفة اسرار الصنعة اللي بتعملها .... اسرار المحل اللي تبي تفتحه ... طبعاً هذه الاسرار والمعلومات ماراح تاخذها من النت ولا من استشارة الاعضاء او الاصحاب .. بشكل عام كل المشاريع مربحة .. مافي مشروع يخسر .. لإنه ببساطة كل فوله ولها كيال .. وكل سلعة ولها زبونها .. كل صنعه ولها محتاجها .. يعني ماراح تخسر شي .. شفت اكرمك الله " الزبايل " بالشارع لو تلمها مانت خسران ... الكراتين والبقايا المرمية في الشارع مثل الكراسي والدولايب منت خسران شايف المسامير المكسرة المرمية في الارض ... لو تلمها مانت خسران ولا ماكان لقيت حجه تلم علب الببسي في الشوارع .. ولكن ... ايش سبب الخسارة اللي تطيح على غالبية الشباب .. وليش ... الخسارة تجي اول شئ بسبب اننا مانعرف سر المهنة ... ادق تفاصيلها .. الاشياء الصغيرة قبل الكبيرة .. لذلك اللي يبي يفتح مشروع وينجح .. لازم يكون شغال فيه وعارف كل تفاصيله وادق اسراره .. لذلك لو تبي مشروعك ينجح مهماً كان .. ف لازم انك تفرغ نفسك وتشتغل عامل في مشروع مشابهه لمشروعك وتجلس فترة طويلة لحد ماتتمكن منه ... بعدها توكل على الله ... وافتح مشروعك الخاص ... او شي راح تعرفه انك بدال ما تستخدم 60 الف راس المال راح تستخدم نصفهم فقط ... وهذا هو سر المهنة .. الشي الثاني اللي نخسر بسببه .. عدم المتابعة .. يعني الواحد يفتح مشروع ويتكي .. ويصير راعي الحلال ... ولا يدري عنه ... يبي بس دخل ممتاز يجيه وخلاص ... وهذا سبب رئيسي لاغلب الخسائر .... وهذا اللي حاصل الان بعد حملة الحكومة على الاجانب ... ورطوا اصحاب المحلات لدرجة انه حتى عامل واحد ما يقدر يدبر ... ليش .. ؟؟؟ لانه مايعرف عنهم شي ... بس كان يجيه الدخل لين عنده وهو باشا جالس .... لذلك نصيحتي لك .. لا ترمي فلوسك .. الشي اللي تفهم فيه مرررررررة .. اشتغل فيه .. وكل شي ترى ماشي .. يعني لو انت تفهم في الجوالات مررررررة في برامج وتطبيقات واصلاح ... فك لك مشروع .. ماراح تخسر .. اذا تفهم في المطابخ والطبخ .. واسرار المهنة توكل على الله اما انك تبي ترمي الستين الف في الهوا وتبغاها تجيب لك الف في اليوم .... انسى الموضوع ... خلي فلوسك عندك .... والله من وراء القصد
14.
02:28:11 2013.12.26 [مكة]
. بقلم: وسيط2007 والله كلامك عين العقل والله كلامك عين العقل والله كلامك عين العقل
15.
08:26:52 2013.12.26 [مكة]
اخوي وسيط كلامك عين العقل والمنطق انا مابعد وصلت لمرحلة السذاجه اني اسلم فلوسي لكل من هب ودب انا فكرت بالموضوع هذا لعل وعسى احصل فكره جديده وبالفعل اغلب الاخوان نصائحهم مثل نصيحتك اخي العزيز انا رجل متمكن جدا في مجال التقنية والحاسب الالي والأجهزة الذكية متمكن لدرجة الاحترافيه التامة وفكرت بالمشروع لكن مشروعي يحتاج الى عمالة والعمالة لا اعرف لها اي طرق او كيفيه استقدامها الف الف الف شكر اخوي على ردك الثمين وكلامك المنطقي
16.
10:11:50 2013.12.26 [مكة]
رزقك الله من حيث لا تحتسب أحد أركان التجارة التي يتجاهلها الكثير(( خليك على رأس حلالك )) يعني أتعب وأجتهد وجرب ولا تسلم شغلك لأحد .... أنت وعيالك أو جيب لك عامل وخليك معاه ليل نهار وترى التجارة مثل كورة القدم تكتيك ومناورة وشهر أنت فايز وشهر أنت خسران عليك بالصبر .. الصبر .. الصبر وتوكل على الله ... طبعا ما أقدر أقلك وش المشروع الناجح المشاريع كلها ناجحه .. بس كل مشروع له وقته ومكانه ورأس ماله (ولا تنسى دراسة الجدوى ) ......
17.
13:12:40 2013.12.26 [مكة]
وخليك متصدر ولا تكلمني
18.
22:27:02 2013.12.26 [مكة]
nokia2005 بارك الله فيك اخوي وكلامك يدل على وزن وثقل عقلك
19.
عضو قديم رقم 84113
22:33:04 2013.12.26 [مكة]
اخوي اذا قدرت بشكل مبدأي تفتح بوفيه وتكون بجنب تجمع العمالة اعتقد انك بتجني 800 ريال باليوم
20.
01:17:53 2013.12.28 [مكة]
انا عندي فكرة مشروع بس ابغى رايكم فيه غسيل سيارات بوقت قياسي في اقل من عشر دقائق ولو انت وزوجتك بالسياره مايحتاج تنزل ابداً الغسيل من برا فقط ب اجهزه الضخ السريع وبالمويه فقط ، صحيح ماهو زي غسيل السياره العادي اللي بالصابون ، بس فيه ميزة السرعه والنظافة بنسبة 60 % ان حسبنا الخارج فقط وخط سير ، طش بالماء سريع الضخ جداً ومروراً بدفع هواء قوي ينزل الماء من السياره وبعدها توكل بنسبة نضافه اقل مع كسب سرعه ووقت انا عن نفسي اشتريت ألة ضخ ماء قوي جداً واستخدمها لغسيل سياراتي في دقائق بسيطه واغنتني عن وقت الانتظار الطويل عند المغسله خاصة ان بصراحه الان يصعب تجد وقت للانتظار اكثر من نصف ساعه لغسيل سيارتك وبعدين أفكر ان أشارك الموظفين في الربح والخساره الربح بدفع العميل المال ان نجحنا في وقت اقل من عشر دقائق وان لم نستطع يكون الغسيل مجاناً وش رايكم ؟
21.
00:39:24 2013.12.30 [مكة]
بوفية في موقع ممتاز ..
22.
عضو قديم رقم 265004
10:01:23 2014.01.15 [مكة]
اقدر افيدك كلمني واتسأب 0096170008743
23.
05:41:12 2014.01.16 [مكة]
اذا ماراح تشتغل بنفسك بالمشروع تبي تجيب عمال واشتغلوا وابي اخر الشهر كذا لن تربح وا 60 الف راح طير خلال ايام انصحك تفتح بوفية قدام مدرسة ثانوية او دائرة حكومية وماتكلف عليك 20 الف او اقل بس اهم شي تجيب العمالة الي يعرفون للاكلات عشان ماتخسر
24.
عضو قديم رقم 194440
16:03:46 2014.01.16 [مكة]
اذا تبي مواقع الكترونيه ربحها الشهري 5 الاف ريال , سعر الواحد منها 25 الف ريال كلمني خاص عندي ثلاث مواقع حاليا واحد ربحه 5 والثاني من 4 الى 5 الثالث ربحه 2500
25.
18:50:54 2014.01.16 [مكة]
اخوي عندي لك خلطة بروست جايبها من الصين عشان افتح فروع بروست اكثر من خمسة فروع بس مشغول الان مافضيت اذا تفتح مطعم برست ان شاء الله يجيك الف ريال يوميا مع هالخلطة علما بانها تجي جاهزة وراحا ابيعها عليك بقيمة الشراء
26.
عضو قديم رقم 191561
01:29:20 2014.01.17 [مكة]
اخي نصيحه مني لك تجنب اي اطعمه تاتيك من الصين
27.
15:44:24 2014.01.18 [مكة]
السلام عليكم إذا لك في تجارة العملة 60000 ريال ممكن يدخلك 15000 في الشهر و لكن هذا مجال مخاطره كبيرة
28.
19:19:16 2014.01.18 [مكة]
سوق الخضار فيه ذهب لكن مين اللي يفهم فيه ؟
29.
06:59:14 2014.02.04 [مكة]
فكرت بمشروع سيارات اجرة ؟ او نقل مخصص لنقل المعلمين مثلا
30.
عضو قديم رقم 236403
17:23:43 2014.02.04 [مكة]
الأخ / Iam_Legend كلمني خاص
31.
عضو قديم رقم 301634
12:01:03 2014.02.08 [مكة]
عندي لك تجارة لكن خارج السعودية 60 ألف = خلال عشرة شهور بإذن الله بيكون =120ألف ريال !!!!
32.
15:57:09 2014.03.08 [مكة]
تجاره خارج المملكة لا ارغب بها وطني هو من يستحق ان اكون ناجح فيـــــه
33.
عضو قديم رقم 213166
18:01:20 2014.03.08 [مكة]
. 60. الف. واخر السنه. 420 الف ريال. اتق االله يارجل. لو معك مليون وش يقنعك .
34.
02:50:17 2014.03.09 [مكة]
اذا كان بروح سوق الخضار بالعزيزية بالرياض يصلي الفجر في السوق ويشتري شحنات خضار ويزعها أكوام يومي بربح يومي لا يقل عن خمسمائة ريال بس يبي رجال يشتغل ويفهم شهر واحد يعرف كل شي
35.
عضو قديم رقم 113049
04:08:21 2014.03.22 [مكة]
اذا لقيت مشروع يرجع راس مالك في سنة اعتبره ناجج جدا
36.
04:18:37 2014.03.22 [مكة]
اذا كان عندك عماره تقدر تفرشها شقه منها فرش بسيط وتاجرها شهر وترجع راس مالك واكثر بشهر .. انا شغال فيها والحمدلله الامور ماشيه تمام او انك تنسق مع اصحاب العماي بحيث تاجرها شهر وبعد كده يكون الفرش من حقه بس اهم شي تعرفه تمام
37.
04:20:41 2014.03.22 [مكة]
1000 ريال في اليوم مدري ولكن هناك افكار حلوه وجميله دخلها طيب مثل مطعم صغير او بوفيه تقدم اكلات مميزه في مكان فيه كثافه سكانيه وحبذا لو كان فيه عماله وطنيه اما مشاريع في غير الاكل والشرب فدخله قد يكون متدني
38.
05:35:17 2014.03.22 [مكة]
انا معي 50 الف كنت اقول لأقاربي التجار مارأيكم يقولون ماتسويلك شي تحطمت
39.
05:31:47 2014.03.24 [مكة]
38. بقلم: abo_othman اخي الفاضل لو مبلغ 3000 يسويلك شي خصوصا جمله اكسسوارات الجوال او دهن العود وغيرها الكثير كل واحد حسب مايشوف ايش الي يقدر يصرفه ومن راي اذا كان هذا المبلغ حيلتك لاتغامر فيه .... ابدأ بمبلغ اقل بكثير عشان اذا ماتوفقت لاسمح الله والله يبعد عنك الخساره مايوجعك في قلبك المبلغ ابدا بالقليل جدا وهذا راي فقط لا اكثر
40.
17:13:31 2014.03.24 [مكة]
بوفيه نظيفة و مرتبة مو مثل اللي حاليا بالاسواق مطعم بروستد و فطائر متوسط الحجم
41.
21:19:18 2014.03.24 [مكة]
الله يعافيك يالانجاز ماقصرت
42.
00:14:35 2014.03.25 [مكة]
تحت امرك اخوي ابو عثمان
43.
20:41:33 2014.07.30 [مكة]
فكرة مغسلة سيارات جدا حلوووة وتعتمد عالموقع ونظافة الغسيل او خذلك ارض والله ماتخسر فيها ابدا ابدا ابدا لاتاكل ولاتشرب وبالنسبة لفكرة البوفية نصيحة لاتدخل فيها الا تكووون راعي خبرة 8 الجوالات اذا تعرف صديق ولا عميل تشتغلون مع بعضبحيث انك تجيب من دبي وهو يوزع
44.
20:42:54 2014.07.30 [مكة]
او محل زينة سيارات ولكن يتطلب كهربائي وخبرة وامانة
45.
12:38:37 2014.07.31 [مكة]
لاتضع البيض كله في سلة واحدة ... جرب المشاريع اللي بمبالغ اصغر مثل ماقالوا الاخوان بوفية ماتكلفك 20000 أأيد الفكرة ....
46.
عضو قديم رقم 257975
14:11:15 2014.07.31 [مكة]
نصيحة لوجه الله اي تجارة تحتاج دفع ايجار وبلدية ومكتب عمل وتامينات والبيروقراطية المعروفة ابعد عنها واقسم بالله في ارزاق كثيرة بدون ماتمر البيروقراطية هذي كلها بس يبيلك تشغل مخك اعطيك مثال انك تشتري بضاعه بالجملة من الصين تكون مطلوبة في السوق وتبيعها بالجملة برضوا انت كسبان واهم شي في الموضوع هذا له تكون خطة لتسويق البضاعه مثل انك توزع بروشورات بالمنتجات اللي عندك علي المحلات
47.
عضو قديم رقم 370382
14:19:50 2014.07.31 [مكة]
انت تطلب المستحيل بارك الله فيك كيف الف ريال باليوم يعني بشهرين تربح كثر رأس مالك
48.
21:07:55 2014.07.31 [مكة]
عندي لك مشروع يدر لك الف ريال في اليوم بس كلمني على الخاص انا الفكره وانت رأس المال انت في الرياض ؟