| جميع الحقوق محفوظة © دار تقنية المعلومات IT Dar |

رأيكم في محل مستلزمات رجالية

السلام عليكم ورحمة الله وبركاته

أسعد الله أوقاتكم بكل خير


هذا ثالث موضوع أطرح بخصوص إستفسار عن مشروع رأس ماله 100 ألف

وأحترنا وأستخرنا وترددنا والتردد أكبر مشكله لكن الان بسألكم عن محل

مستلزمات رجاليه على شارع عام في شرق الرياض المحل فتحتين ومساحه كبيره

الشارع أمتداده شمال إلى خريص وجنوب إلى ال100 ولا فيه إلا محل واحد صغير

الإجار 12 الف سنوي لك فتحه يعني 24 الف سنوي

س/ هل المشروع مربح نسبياً أو مجزي وستاهل التعب

س/ من وين أشتري الاغراض جملة وما هي افضل طريقه

س / هل أخليه فتحه والفتحه الثانيه اغير النشاط او استغل فتحتين ولوحه كبيره

س / وكم يكلف المشروع وهل يفيد أدخل ب50 الف مبدئياً رغم أن راح يكون فيه تضبيط ديكور بدون تكليف واجد


والمحل مستلزمات رجاليه : ملابس داخليه وشمغ وغتر وطواقي وجزم أكرمكم الله ونعال

وملابس رياضيه : جنز وتشيرت ومستلزمات عده


وتذكروا أن حبيبنا ونبينا محمد صلى الله عليه وسلم قال حب لأخيك ما تحب لنفسك

أبي نصيحة أخو وما خاب من أستخار ولا ندم من أستشار

أنتظر ردودكم ربي يوفقنا ويفوقكم

كل الردود: 5
1.
23:28:58 2014.05.25 [مكة]
كم ربحه 35%
2.
17:31:51 2014.05.26 [مكة]
مدمنموكا / شكراً لك على الإطلاله وكان بودي أنك زودتنا شوي بالمعلومات
3.
18:00:35 2014.05.26 [مكة]
محل مستلزمات رجالية مافيه ربح كبير لكن فيه ميزة ماتغرمك البلدية مثل المطعم والبوفية يكون فيه اكل خربان ولا مثل البقالة يعني مافيه مشاكل وارباحه اكثر شئ في الاعياد محل معقول دامك استخرت وارتحت فتوكل على الله بعدين الميزة الثالثة مافيه تسجيل ودين مثل البقالة سجل ويمكن مايسدد يعني مشاكله قليلة الله يوفقك ويرزقك ودلنا عليه اذا فتحته عشان نشتري منك
4.
عضو قديم رقم 193459
10:46:33 2014.05.28 [مكة]
* ملابس الشباب او الرجال بالاصح مافيها موضة ولا موديلات .. اهم شئ الخامة تكون نظيفة .. وهذي من يحتاجها يجيبها من الوكيل مثل الاقمشة الفخمة او الموزعين المعتمدين ( لانه يحصل غشش في تقليد الماركات ) . . اذا فتحت مثلا لاتكبر المحل ولا تستاجره غالي .. لان سوقه بسيط ومحدود بالمواسم وليس كل الزبائن مشترين في المواسم .. . كانت عندنا مشكلة ولازالت قائمة عن سلسلة محلات مان ديفان .. مشهورة .. الراي الخاص فكر في محل مطبق متخصص فترة مسائية فقط .. او محل معصوب متخصص فترة صباحية ومسائية .. ( اهم شئ الشغل نظيف 100% ) وهذا لن يتم الا باشرافك وتواجدك انت ياصاحب المال . بالتوفيق . *
5.
22:22:47 2014.05.29 [مكة]
عبدالعزيز محمد / شكراً على المرور الكريم وبلا شك كلامك صحيح وأتوقع أنه قل حماسي نحو النشاط المذكور s8lf / شكراً على المرور الكريم والله يعطيك العافية على الإفادة وبخصوص مشورع المطعم أكيد ناجح في البلد لكن يصعب علينا إيجاد العماله الممتازة ولو عندي عمالة ممتازة ما كان ترددت يوم واحد أتمنى المزيد من الردود والكل يدلوا بدلوه للفائدة