| جميع الحقوق محفوظة © دار تقنية المعلومات IT Dar |

تحذير من البنوك للمقترضين وخصوصاً سمه في تحديث البيانات

السلام عليكم ورحمة الله وبركاته


عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه.

عليه أفضل الصلاة وآتم التسليم

والله على ما اقول شهيد

قصتي باختصار تقدمت بتمويل شخصي من أحد البنوك قبل خمس سنوات والجميع عارف ما فيه لا يمين ولا يسار خصم من الراتب مباشرة يعني ما يمديك تتصرف

في مرة من المرات غلطت بالسحب ونقص من رصيد القرض 50 ريال بسبب غلطي بالحساب وما دريت وبعد يومين ماد ريت اللى البنك يتصل ويهدد بالخمسين ريال قلت مو مشكلة اودعتها ولله الحمد


لا آطيل عليكم دارت الايام وفي آخر ايام القرض تبقى على نهايته اربعة أو ثلاثة اقساط قمت بسداد مبكر وبفضل الله ومنته خلصت القرض وطلبت مخالصة من القرض كنوع من الضمان ما دريت أنها تبي تجي حاجتها وبنفس الوقت اخلاء طرف لتحويل راتبي إلى بنك آخر للتمويل العقاري


واقسم بالله طلبت قرض عقاري وبعد مداولات وشد ورخاء وحب الخشوم وافق البنك وما دريت اللي يتصل علي البنك يقول اسمك متعثر بسمة وهم يعرفون السبب بسبب قرضي في البنك الاول


من حقهم بس عرفنا الله بالعقل ما شفناه كيف حصلت على أخلاء طرف وحولت راتبي وعلي التزامات مالية وموظف البنك الجديد ما قصر قالي معك المخالصة روح لسمه واعطيهم المخالصة ومختمة من البنك بصحتها

رحت لسمه وشرحت الوضع له ووريته تاريخ المخالصة بشهر مارس ميلادي وقال مهي غلطتنا غلطة البنك ما حدث بياناتك معنا

وش ذنبي حسبي الله ونعم الوكيل ويشهد ربي أني مسدد لي ثلاث اشهر ومتعطله اموري بسبب هالاشكالية وضعت بين الاثنين

واتصل على البنك قال يبغى للمعاملة اسبوع للتحديث ما كفتهم ثلاثه اشهر يبون زود اسبوع


حسبي الله ونعم الوكيل
حسبي الله ونعم الوكيل
حسبي الله ونعم الوكيل


لذلك الحذر يا أخوان اطلب تحديث بياناتك في سمه قبل المخالصة نصيحة من اخيكم وفي كل اموركم المالية

والمعذرة على الآطالة ولا تنسوني من دعوتكم أني أخلص بسرعة

كل الردود: 2
1.
08:27:43 2014.05.31 [مكة]
الله ييعينك و يجزاك خير و يرزقك من واسع رزقه .. للمعلومية سمة مؤسستها البنوك و الشركات الإستثمارية و تمارس دورها بتسلط لانها ما ترجع لوزارة المالية أو مؤسسة النقد .. يعني هم اللي يتحكمون في سمة ما فيه أي دور رقابي عليهم .. و وزارة المالية و وزارة الداخلية و وزارة العمل و مؤسسة النقد غاضين الطرف عنهم .. و البنوك ارباحها بالمليارات و لا سوت أي شي للمجتمع .. يعني تاكلك و تقول عطني
2.
09:50:10 2014.05.31 [مكة]
الله بوفقك موضزع جميل خذ مني الطامه كنت مديون لبنك ب238 الا يهالورطه راجعت البنك قالو معلق قلت الله يعلقكم من رجولكن فين ما اعرف اني مديون لحد قال كذا طالع توكلت على الله وسمه قالو مديون قلت يابشر ما اقترضت من حد كيف اكون مديون ولمين اصلا راحو جو قال للبنك الفلاني قلت ياناس ما اقترضت منهم راجعتهم قالو عليك 238 ريال افاااااا ليه قالو انت خذيت بطاقه فيزا قلت طيب الغيتها اتفقت معاكم انها اسلاميه وطلعت حراميه قالو ما لغيتها قلت طيب هذا رقمكم وكلمته وقال اوكي خلاص انتهت المهم مالكم بالطويله وموسسة النقد شكوى تعرفون وش صار اعتذار قلت رسمي بصدر الجريده من هنا وهنا قالو الان ابيض في ابيض وخلاص امسحها بوجيهنا الله لا يوفقهم المده بين الغا الفيزا والقرض الثاني سنتين