| جميع الحقوق محفوظة © دار تقنية المعلومات IT Dar |

يااخواني وش حل تقطير مكيف السبلت للماء

السلام عليكم ورحمة الله وبركاتة

يااخواني

اشغلني المكيف السبلت LG جديد ماكمل سنه

نظفت الفلاتر ونفخته بهواء .. ومافيه فايدة

واخاف اجيب عامل يلعب ويحوس الدنيا خاصة انه في غرفة النوم ولا ابي يدخل غرفتي

عطوني رايكم .. لا عدمناكم

كل الردود: 8
1.
01:31:54 2015.06.16 [مكة]
شر لابد منه يبي له تنظيف مجرى الماء تعرف اجوائنا الربيعيه تسد المجرى بالغبار
2.
01:48:22 2015.06.16 [مكة]
حياك الله اخي الكريم كان عندي مشكلة مثلك وكان حلها التالي يوجد لي يخرج من المكيف و يدخل الي ماصورة تصريف المياه اما ان تكون خارج السور او تم تصريفها الي دورة المياه المطلوب التاكد من اللي راكب ممتاز في الماصورة من الداخل و تاكد من ان فتحة النصريف غير مسدودة و نظيف من مخلفات الشواءب و الغبار و التراب و اعمل لها تسليك حتي تتصرف المياة و لا يكون هناك اي سبب لتسريب المياه اذا لم يكن التهريب من فتحة التصريف فيوجد عندك مشكلة في الثورموستاات و هي التي تتحكم في درجة البرودة ملاحضة اخري علي الريموت كنترول خارجة عن الموضوع البعض يكون عنده الريموت يختاف وزنيته عن المكيف مثلا احتمال تكون درجة البرودة 20 و الريموت 18 فيقول ان المكيف غير بارد ولكن لاختلاف التوازن بين الرموت و المكيف يروج يجيب مهندس الحل اما ان تعمل رست من الريموت و هو زر صغير في الريموت وتعمل اعادة برمجة او ان يغطي يدك علي لمبة الاشعار و تضغط اما بالزيادة او النقصان لمستوي البرودة كذلك للاحتياط اعمل علي نظافة المكيف و الفلاتر ماكتبته عن تجربة وليس كلام علمي و اتمني ان تعلمنا عن اصلاح المشكلة
3.
02:05:40 2015.06.16 [مكة]
انا حصلت معايا المشكلة من فترة وجبت عامل واخذ بالضبط 250 ريال .. واللي عمله سهل جداً .. ( الوحدة اللي بالجدار عندك بالغرفة ) طفي المكيف واسحبها من تحت وخليها معلقه على المسامير العلوية ولو كانت مثبته من تحت ومن فوق بالمسامير فك اللي تحت بس وارفع المكيف .. وتتبع اللي .. تلاقيه داخل في حفرة في ركن المكيف او متوسطه اسحب اللي بره وانتبه بيكون فيه ماء .. وبعدين جيب علاقة ملابس حديد وفكها وسلك فيها فتحة الجدار وجيب معك قارورة موية صب شوي في الفتحة وسلك .. للتأكد انها ماهي مسدودة ... وبعدين شوف اللي وين مشبوك بالمكيف وانفخ فيه او صب فيه موية وخله يطلع التراب اللي داخله .. وعادي صب الموية على اطراف المكيف بتمشي وتصب في اللي وتنظفه .. ورجع اللي مكانه وصل الله وبارك على سيدنا محمد ...
4.
03:57:54 2015.06.16 [مكة]
الله يحرم وجيهكم عن النار ان شاء الله اسوي اللي ذكرت ووافيكم بالنتيجه
5.
10:59:26 2015.06.17 [مكة]
اخوي الله يعطيك العافيه السبب تصريف المويه مسدود من الغبار الحل الأمثل لهذه المشكله انك تحفر للماء بره الجدار يعني خارج المبنى . . وتمد ماسورة التصريف الى الخارج وبالتالي ماتنسد نهائي
6.
23:31:32 2015.06.17 [مكة]
المشكله ليست بالمكيف المكيف عندك شغال 100% المشكله عندك بتصريف الماء من المكيف للخارج والحل هو تحاول تشوف الانسداد وين وتنفخ وتطلع الوسخ المسكر مجرى التصريف وخلاص انا اسويها أحيانا افك المكيف واجيب هوز ماء من الحوش وادخل هوزالماء بهوز التصريف الأبيض احط هوز وابشرررر يطلع كل الانسدادات بس ادا ماتتعرف تفك المكيف وترجعه لا تسويها لانها مارح يرجع لمكانه الطبيعي او بتزهق وتركبه أي كلام ويبيصر مش مركب مضببوط وبيطلع صوت ازعاج من المروحه لانه مش مركب زين الزبده جب لك باكستاني فني مكيف ويزبط التصريف وبس وشفه كيف يسوي وتعلم للمره الجايه الانسدادات واجد بتقابلك وسلامك
7.
02:54:34 2015.08.15 [مكة]
نفس ما قالوا الاخوان وصارت معي ونظفت اللي وانتهت المشكلة دام المجرى نظيف ويرجع ينقط مويه اذا امتلى بالتراب وانسد المجرى
8.
04:34:53 2015.08.15 [مكة]
اول امس جبت مهندس سوا لي التقطير ... عندك حالتين لا ثالث لهمها :) اذا التقطير بعد ساعة من تشغيل المكيف يعني يحتاج فريون واذا التقطير في اول ربع ساعه يعني يثلج ويحتاج تنظيف وتسليك المجرى فقط ..