| جميع الحقوق محفوظة © دار تقنية المعلومات IT Dar |

وش رايكم بمبرد هواء هذا زي المكيف الصحراوي

السلام عليكم ورحمة الله وبركاته


اخواني وش رايكم بالمكيف الصحراوي هذا او يسمونه مبرد هواء

عندي مكتب صغير جدا 2.5*2.5 وصعب تسليك مكيف سبلت له وافكر اشتري هذا

طبعا سعره حدود 400 ريال وطريقة عمله هو تعبئته بالماء ويقولون لو عبيته بماء بارد بيكون الهواء ابرد

كل الردود: 6
1.
10:53:03 2015.08.06 [مكة]
ماعندي فكرة عنه لكن لو حبيت الافضل ففيه نوعيه تشبه لذا بالضبط , نفس التصميم الخارجي لكنه مزود بكمبروسور وفريون ويبرد نفس المكيفات العادية لكن عيبه ان له لي تصرف لحرارة الكمبروسور لازم تطلعه برى الغرفة اما من الشباك او تفتح له فتحة صغيرة من الجدر او خلافه
2.
11:42:04 2015.08.06 [مكة]
المكتب لا يصلح له الصحراوي لانه يبعث بالرطوبه وياثر على الاوراق والاحبار .. خذ زي ما قال الاخ في الرد الاول .. عن مكيف فريون بنفس الشكل والحجم وبقيمه اعتقد بـ 1200 ريال ويحتاج توصيله لاخراج الهواء الساخن ..
3.
12:55:36 2015.08.06 [مكة]
انا جربتة يحتاج ماء دايم الا اذا بتوصلة بمصدر ماء ثابت توصيل لي او مواصير انصحك بمانصحك به الاخوان اما مساله تصريف ماء الكمبروسر سهلة ضع جنبة جركل ويفرغ في الاسبوع او الشهر مره حسب الحجم وارتح
4.
10:54:19 2015.08.07 [مكة]
اين يباع الله يعافيك
5.
09:59:31 2016.04.04 [مكة]
يباع في محلات الاجهزة المنزلية وبكثره في ساكو المكيف الصحراوي ما ينفع في المكان المغلق عكس مكيف الفريون بمعنى بتسخدم المكيف الصحراوي بغرفة لازم تفتح الأواب والشبابيك ومكيف الفريون معروف أنه العكس. المكيف الصحراوي ينفع في جلسه بالحوش أو جلسة بالسطح أو جلسة ثيل قمة الونااااااسه أما داخل البيت يسبب رطوبه ينفع يشتغل مع مكيف الفريون يعطي رطوبه ويلطف الجو وبعض الناس يسبب لهم المكيف الصحراوي الروماتزم. والشيء بالشيء يذكر المراوح مالها قيمة في الجو الصحراوي مادي كيف كانوا يستخدمونها من خمسين سنة وبدأت تنقرض في الخمسة عشر سنة الأخيره لأنها تنفع مع الجو المعتدل لتحريك الهواء فقط أو دفع هواء مكيف فريون إلى مكان آخر لا يصله. أما عندنا مافيه إلا سموم ما ينفع معها إلا مكيف الفريون ونلاحظ الفلل الجديده لا يوجد فيها مراوح.
6.
عضو قديم رقم 463258
10:59:17 2016.04.10 [مكة]
شهر وترميه