| جميع الحقوق محفوظة © دار تقنية المعلومات IT Dar |

مكيف كارير جديد وخربان ؟؟

السلام عليكم

يا اخوان قبل اسبوع شريت مكيف كارير كمبرسر امريكي كبير ,

المهم قبل اسبوع ما كنت اشغله الا في الظهر وكان كويس

البارح شغلته , وكل 10 دقايق يفصل !!

واليوم شغلته الظهر كل 3 دقايق يفصل !!

والمكيف جديد مو مستعمل

وش الحل يا اخوان , اذا تصليحه خفيف واقدر اصله بيدي , علموني الطريقه , واذا صعب , هل يوجد وكيل للجفالي في الاحساء ؟

ولا شغلهم نصب , يقولك ضمان وهالضمان موجود في ثلاث مدن بس ,

كل الردود: 23

عرض:
1.
20:21:06 2015.04.05 [مكة]
ارجع للمحل اللي شريت منه مكيف جديد و يخرب بأسبوع!! يااما يتحمل ترجيعه او استبداله او يدلك على الوكيل اخاف اعطاك المكيف يسمونه دمج او استوك كم مقاس الغرفه ؟ والمكيف كم وحده ؟ عادة سبب فصل الكمروسر بالمكيف الشباك يكون من الترموستات واحتمال تحتاج وزن او تبديل بالنسبه لي سهل تغييرها ووزنها لكن صعب اشرح لك الطريقه اسأل الله لك التوفيق..
2.
22:00:40 2015.04.05 [مكة]
الغرفه 4*5 تقريبا المكيف 18000 وحده كان في البدايه ممتاز وقت الظهر ما يفصل , بس في الليل يفصل كل ربع ساعه لكن من البارح واليوم صار كل 3 دقايق يفصل وصار حار اذا المحل بصلحونه لي ما عندي مشكله اروح لهم لكن الضمان ما تقوع في كل مدينه فيها ضمان , لان المكتوب على ضمان المكيف ( الدمام ، الرياض ، جده )
3.
00:10:09 2015.04.06 [مكة]
ثبت الترموستات على رقم 7 وخل ضغط الهواء وشط وجرب
4.
00:19:12 2015.04.06 [مكة]
خليته على 7 من اليوم الظهر والتبريد وسط , لمدة نصف ساعه , وما تغير شي , كل 3 دقايق يفصل
5.
03:17:54 2015.04.06 [مكة]
غسلته وبعده بساعتين شغلته , قلت لعل وعسى يزين وضعه ودمرته :( صار يشتغل على المروحه فقط , مادري وش اللي اخترب فيه الحين ههههه
6.
06:24:40 2015.04.06 [مكة]
لازم وناخوك يكشف عليه فني صيانة -يفحص الكمبروسر ويفحص الفريون ونا مستبعد هذا ان شاء الله مايكون منه الخلل - يفحص البوبينة و ضيفتها تتحكم وتعطي امر للكمبروسر - ويفحص الترموستات وان اشك فيها جرب خل المكيف طافي و قفل الترموستات على 0 وشغل المكيف و دور الترموستات من 0-1-2-3-4 ..الى الاخير او الى ما يشتغل الكمبروسر دورها بهدوء جرب ورد لي خبر انا ليه قلت لك لازم فني يفحصها لان القطع الكهربائيه والالكترونيه تعرف عملها وخللها عن طريق القياس بالاميتر او الملتيميتر وبالجهاز تعرف خلل او عمل القطع
7.
11:42:11 2015.04.06 [مكة]
سويت اليل قلت لي عليه وخليت الترموستات 0 وشغلت المكيف ودورته بشويش واشتغل الكمبرسر , لكن باقي يفصل كل 3 دقايق والكمبرسر صار صوته عالي
8.
11:49:32 2015.04.06 [مكة]
المكيف خلفه جدار ؟
9.
11:51:25 2015.04.06 [مكة]
لا ما وراه جدار ولا اي شي
10.
11:58:03 2015.04.06 [مكة]
بالنسبه للكمبروسر والبوبينه ان شاء الله سليمه اتوقع واشك كثير بالترموستات واحياناً بالمكيفات والثلاجات اذا كانت مواصير النحاس او الرديتر مسدوده يثلج واحيان يفصل بإستمرار وتعطل الترموستات ايضاً يسبب تثليج وتحتاج وزن اذا كانت تفصل بإستمرار واحيان توزن اذا ثلج المكيف لكن ان شاء الله تكون مشكلتك بسيطه تأكد من كلامي جب مهندس للبيت واشرح له الوضع حاول تسحبه بالكلام شف اش يقول للعلم سعر الترموستات يختلف لكن مو غالي من 20 الى 80 ريال وبالنسبه لتركيبه 30 ريال مناسبه و 50 بالكثير لان تغييره وهو بمكانه ما يحتاج تطليع المكيف من مكانه كلها مسمارين ليه ما تروح للمحل اللي شريت منه المفروض عالضمان
11.
12:03:27 2015.04.06 [مكة]
طيب المحل بيجيبون لي فني ع طول , او بيرسلوني للوكيل وقروشه
12.
12:09:47 2015.04.06 [مكة]
رح لهم وشف وش يقولون المفروض الوكيل يتحمل كل شي يرسل فني للبيت ويشيك عليه رح للمحل اللي شريت منه اقل شيء يعطيك رقم الوكيل وتتصل بهم ما اعطاك المحل فاتوره ؟ والمكيف يجي معه كتالوج وبطاقة الضمان تحصل ارقامهم
13.
12:19:00 2015.04.06 [مكة]
طيب طيب , يعطيك الف عافيه يا غالي
14.
17:57:00 2015.04.07 [مكة]
من يومين وانا اطارد وراهم كل واحد يعطيني رقم , اللي ما يرد , واللي مشغول , واللي يصرفني كانهم يقولون لي مانبي نصلحه انا الغلطان اللي اشتري من الوكيل الجفالي - نصيحه لاحد يشتري منه
15.
01:28:04 2015.04.08 [مكة]
طب عندهم و قول الان تعوضوني او تدخلوني الصيانه ولا والله العضيم ادق على وزاره التجاره الان و خلك حازم ما نفع اتصل على وزاره التجاره نص ساعه وهم عندك مشاء الله على الوزير الجديد شاد حيله الله يوفقه صارو يخافون من وزاره التجاره
16.
02:07:17 2015.04.08 [مكة]
اي والله اشوف ذا الشهر تجيني رسايل عن الغش التجاري والضمانات وووالخ توي ادري انهم مغيرين الوزير بكرا بهددهم , بقولهم ساعه بس اذا ما جا فني التكييف , بكلم الوزاره
17.
16:09:43 2015.04.08 [مكة]
كفوو ادخل عندهم و براسك حبه ما نطحنت
18.
19:37:16 2015.04.27 [مكة]
انحلت المشكله او باقي ؟
19.
22:14:20 2015.06.07 [مكة]
معليش قطعت عن النت فتره ونسيت الموضوع ههههه انحلت المشكله , رفعت شكوى لوزاراة التجارة عن طريق النت , وبعدها بيومين جوني الصيانه بس ما ادري هم جوني بسبب الشكوى او عن طريق المعرض اللي شريت منه المكيف لاني كلمت المعرض وقلت لهم اذا ماجاتني الصيانه بشتكي عليكم وعليهم
20.
13:57:44 2015.06.11 [مكة]
رجع اخترب صار حاااار + قسام البروده ما يتغير , يبقى على درجة واحده , لاحد يقرب كارير اللي اسمه ( الكمبرسر العملاق ) وانا اقول ليش الهندي اللي بالمعرض يحن علي عشان اشتريه
21.
عضو قديم رقم 419553
15:04:52 2015.06.11 [مكة]
يا إخوان عندي نفس المشكلة ولكن عندى تحدث في الظهر فقط بليل ما يفصل فى النهار كل 3دقيقه يفصل ويشتغل بعد عشرة دقائق المكيف خلفه جدار ويش الحل الله يعطيكم العافية الجو نار ماحد يتحمل الأيام هذي فصل المكيف
22.
14:40:48 2015.07.03 [مكة]
اخوي maka ركب مضله فوق المكيف وباذن الله تنحل المشكله
23.
15:01:12 2015.07.03 [مكة]
اخوي قوقل الحل انك تغير في درجة حرارة الثرموستات القصوى بعد تشديد وزارة التجارة على الكفاءة اغلب شركات المكيفات بالكمبروسر الكبير مثل كارير ويورك وغيره عدلو في درجة الحراره الادنى في المكيف بحيث انها ماتتجاوز 25 درجة وطبعا 25 درجة ماتخارج خصوصا اننا متعودين على 20 و 18 ههههه الحل تجيب مفك براغي مربع ( + ) وتسكر المكيف وتفصله عن الكهرباء تماما للسلامة فك واجهة المكيف وثم فك صندوق لوحة المفاتيح الي فيها مفاتيح تغيير درجة الحرارة وسرعة المروحه فكه وطلع الثرموستات برا المكيف ( الي له انبوبه نحاسية بواجهة المكيف تحت الفلتر ) ___ الثرموستات يكون موصل ب 3 اسلاك او سلكين علم عليهم او صورهم قبل ماتفصلهم عشان تقدر ترجعهم لنفس المكان (((( مهم جدا )))) عشان ماتحرق المكيف او الثرموستات ___ صور توضح الي اقصده http://p.globalsources.com/IMAGES/PDT/B1078233265/Copper-Capillary-Thermostat.jpg http://www.refrigerationthermostats.com/photo/pl6480820-custom_made_air_conditioner_thermostat_for_bus_and_car_temp_range_0_35_c.jpg بعد مايكون الثرموستات بيدك ابحث عن مسمار تغيير درجة الحرارة ... تلاقيه داخل الثرموستات وعليه شمع عشان التثبيت هذا الي بنشتغل عليه وتحتاج انك تلفه عشان تنقص درجة الحرارة القصوى من 25 الي 20 او اقل فيه انواع كثيره من الثرموستات بعضها لازم تلف المسمار عكس حركة عقارب الساعه وبعضها مع حركة عقارب الساعه ... كيف تعرف وش النوع الي عندك ... اسهل شي التجربة اول شي لف المسمار 3 دورات عكس حركة عقارب الساعه وثم ركبه وحط مفتاح درجة الحرارة على اقل درجة وشغل المكيف اذا ضبط ( صار يفصل بعد مدة اطول ) معناته شغلنا صح واذا صار اسوأ ( يفصل بشكل اسرع ) معناته موديلك معكوس ارجع طف المكيف وطلع الثرموستات ورجع مسمار تغيير درجة الحرارة الي مكانه الاول ( يعني لفة مع عقارب الساعه 3 مرات ) وثم لفة مره ثانية مع عقارب الساعه 3 مرات وركبه وكذا باذن الله يضبط طبعا بعدين تقدر تلعب فيه على كيفيك تقدر تلفه 5 مرات وبتصير درجة الحرارة انقص واخفض بس انتبه تنزله كثير لدرجة منخفضة جدا لان المكيف راح يشتغل على طول وطبيعي ماراح يوصلها وهذا يضر بالكموبروسر ان المكيف مايفصل ابد خلك ع المعقول بالتوفيق اذا تبي مساعدة اكثر كلمني او ارسل رقمك بالخاص واساعدك