| جميع الحقوق محفوظة © دار تقنية المعلومات IT Dar |

بسرعه يااخوان اللي يفهم بمشكلة الثلاجه

الفريزر كله ثلج وراح بعضه

السلام عليكم

اخواني ذبحتني هالثلاجه يوم الجمعه ثلجت ومعاد تبرد فكيتها لقيت الفريزر كله ثلج حتى مروحة الفريزر مغطيها الثلج
فكيتها وذوبت الثلج وشغلتها

اليوم اتفاجى رجعت المشكله

وحتى الثلاجه اسفل ماتبرد مررره الثلاجه نظيفه وحديثه نوعها امريكي

وش السبب يا اخوان للي فاهم فقط الحمد لله اقدر اغير اي قطعه
تتوقعون من الثرموستات او شيء اخر

يالله ياخواني الاكل بعضه خرب

انتظركم,,,

كل الردود: 55

عرض:
1.
09:43:33 2014.06.24 [مكة]
ياعزيزي ياريت صورت كل الثلاجه على شان نعرف نوعها . ولكن موضوعها بسيط حب نظري . تلاقي من الخلف في الثلاجه برا طبعا تايمر اذا تفهم تفكره وترجع نفس الاسلاك بمكانها لو صوره وجيب زيه وخذ معك اي كهربائي يشبكه لك فقط
2.
09:46:08 2014.06.24 [مكة]
دقيقه يالغالي ابو رامي الدايمر خلف الثلاجه متأكد؟ مو وسط الثلاجه عند الثرموستات الحين افكه مره ثانيه واصوره خليك معي الله يحفظك
3.
09:47:54 2014.06.24 [مكة]
من خلف الثلاجه طبعا وتحت غطاء وليس واضح تلاقي فيه اقل شي 4 او 5 اسلاك ملونه موضوعك ماله شغل بالترمستات
4.
09:59:44 2014.06.24 [مكة]
اخوي ابو رامي اضفت صور للقطعه اللي فوق الثلاجه لاصقه بالسقف الدايمر هو اللي عليه اطار مربع؟؟ اللي عليه دائره معروف ثرموستات
5.
10:00:56 2014.06.24 [مكة]
الثلاجه نوعها ماجك شف امريكيه نفس الميتاج
6.
10:01:17 2014.06.24 [مكة]
الصورة رقم 4 هي المشكله حاول تغيرها وان شاء امورك تمام
7.
10:03:43 2014.06.24 [مكة]
هو هذا الدايمر ؟ له قطعه من تحت تقدر تفرها اذا فريتها تطلع صوت " تك" بالصوره رقم 3 عليه دائره
8.
10:06:09 2014.06.24 [مكة]
اذا متأكد يالغالي الحين بإذن الله اشتريه واركبه اكيد منه الله يحفظك ويرعاك
9.
10:06:38 2014.06.24 [مكة]
ادري طال عمرك هذي تطلع مع التايمر وتابعه له . حاول تغيرها تطلع مع بعض . وماراح تخسر مافيها صعوبه وقيمتها في حدود 60 ريال
10.
10:10:15 2014.06.24 [مكة]
الله يوفقك والله ماقصرت الحين اشتريها واركبها ادري يالغالي انا فكيتها وتعبثت بها ههههه والثرموستات قد غيرته بكذا مكيف وثلاجه الله ييسر امرك
11.
10:28:36 2014.06.24 [مكة]
يعجبني الي يحاول يخدم نفسه ويفكر ويسال اهم شي يكون يحب الشغله الي يشتغل فيها على شان يتقن مشاكلها ومثل هذي الاجهزه تحتاج الى عنايه بالفكر والتركيب خاصه انها اصبح جزء كبير من ادواتها كبس وليس مسامير ربي يوفقك وييسر امرك
12.
عضو قديم رقم 342858
11:30:30 2014.06.24 [مكة]
ما شاء الله عليك يابو رامي انا فني وكلامك كله صحيح
13.
11:32:39 2014.06.24 [مكة]
بشر عساك جبت القطعه وركبتها اهم شي تكون نفس توصيلات الكيبل الي في القديم وان شاء الله تشتغل تمام . طمني
14.
11:32:39 2014.06.24 [مكة]
الله يجزاك خير يا بو رامي رحت شريتها ماشاء الله عليك سعرها 60 ريال وبعد المحاولات 50 ريال الحين بأركبها وعساها تضبط سبحان الله اتصلت على اخوي وقلت له قالي انا بعد الثلاجه عندي ماتبرد ومواعد فني بيجيه اليوم يبي لي رجعه لشارع الريل الله يعين الله يوفقك ويسمح دربك واسف على ازعاجك ياخوي
15.
11:37:12 2014.06.24 [مكة]
ابشرك يابو رامي انا بفضل الله كل اعمال البيت اقوم بها بنفسي من اصغر شي لا اكبر شي ويوم نخرب ويوم اصلح وحتى السياره احاول بقدر المستطاع اصلح الخلل فيها للامانه مو عشان البخل لا والله الحال مستور بفضل الله لكن استمتع وانا اصلح الشي واحس اني اتقنه واهتم فيه ومافي شي صعب بس الواحد يشغل مخه شوي هذا موضوعي لعله يفيد واسأل الله لنا ولكم التوفيق
16.
13:11:56 2014.06.24 [مكة]
جميل ان يخدم الانسان نفسه ويستغني عن العماله ويفهم على الاقل مصدر الخراب حتى لايجي من يضحك عليه ويغير قطع ليس لها داعي . والهوايه ليس لها دخل بالبخل . ما اجمل ان ترى جهاز يعمل بعد صيانته وتعبك عليه بنفسك . بشر عسى الثلاجه تمام
17.
13:43:12 2014.06.24 [مكة]
والله انك صادق ,, بيض الله وجهك ابشرك ركبته قبل شوي بعد مانظفت الفريزر وذاب المويا وان شاء الله خير هو مايبين الا بعد كم يوم لاني لاحظت يوم الجمعه الى اليوم والفريزر مروحتها شغاله ماتوقفت اتوقع هذا سبب التثليج الله يسعدك دنيا واخره ,, مشكور وماقصرت
18.
عضو قديم رقم 367699
13:52:06 2014.06.24 [مكة]
السلام عليكم ... اخوي ترى السبب في هذه المشكلة هو من الهيتر هذا تلقاه تحت الجزء المثلج عندك بين الفريزر والبراد اللي تحت .. ترى شكله انبوب زجاجي مثل النجفة فكه ورح به لحقين قطع الغيار وشتر مثله.. هذه المشكلة حصلت معي ...وبالتوفيق
19.
14:00:08 2014.06.24 [مكة]
اخوي قصدك مثل هذا https://encrypted-tbn3.gstatic.com/images?q=tbn:ANd9GcSNURmMamvRGCAbG-O8bXS7uiqPEdJTt8FX5hf93PIs6ml5id92uA https://encrypted-tbn1.gstatic.com/images?q=tbn:ANd9GcT2egricp9wZ25p1RIN85675rshpuNuQ26cNOJ_zkPjuUPOvP-pTg
20.
14:06:02 2014.06.24 [مكة]
للفائده للجميع لقيت منتدى يهتم بالاشياء هذي// http://www.qariya.info/vb/showthread.php?s=cca534ff43c64bfa46410804b474b2f8&t=11224 http://www.qariya.info/vb/showthread.php?t=29366
21.
11:13:58 2014.06.25 [مكة]
اخي ابو مشعل الهيتر نادرا مايتعطل واعطاله تكون واضحه غير ماذكر الاخ ابو حسين . وتراكم الثلج له اسباب كثيره ايضا ولكن حسب فطنة ومعرفة الشخص لمعرفة العطل . ومثال على ذالك لو هناك تنسيم بالربل الي على باب الفريزر على طول يثلج ومايبرد . وغيرها كثير . الموضوع يطول لكن ابوحسين ثلاجته ان شاء الله اتصلحة اتمنى ان يستفيد الجميع من تجربته
22.
11:44:22 2014.06.26 [مكة]
للاسف يابو رامي رجعت المشكله ثلجت وتراكم الثلج على المروحه حق الفريزر والحين طفيتها بجرب الهتر اللي يقصده ابو مشعل وفي قطعه تركب على الرديتر في نفس الفريزر ممكن يكون منها الضاهر اسمها بي ميتر الله يعين
23.
11:50:07 2014.06.26 [مكة]
لاتخسر نفسك اذا الثلاجه اشتغلت 24 ساعه وتمام فالمشكله رجعت فقط . ولكن في رايي الشخصي لاتشتري هيتر ممكن تختبره فقط . اهم شي ان القطعه الي ركبتها تعمل بشكل صحيح واشك في ذلك
24.
12:15:27 2014.06.26 [مكة]
والله ياخوي امس ممتازه ويفصل الكمبروسر جيت فتحت الفريزر المروحه قل دفعها هواء ضعيف فما ادري وش اسوي عذبتني والله والفنيين تخبرهم يكبرون الشي امس جاء لاخوي وغير له قطعه قال منها واخذ 120 ريال وانا متأكد انها ماتكلف 20 ريال يوم الصبح دق اخوي قال رجعت ثلاجتي ما تبرد ودق على الفني وانا كنت ببيته واخذها احتمال كبير يقول من نفس الرديتر منسد لازم يفكه ويفرغ الفريون الله يعينه اذا قطعه ماتكلف 20 حسبها ب120 ريال فمابالك بشيل الثلاجه وراح بها للمحل وتنظيف مجاريها وتعبئة فريون كم بيقول؟؟؟ انا الحين مشكلة ثلاجتي اتوقع سهله لكن ماعرفت اش الخربان فيها التايمر اخذت افضل نوع امريكي وباقي القطعه اللي تركب على الماصوره شكلي بروح اخذها مثل هذا ان شاء الله يكون منها https://encrypted-tbn1.gstatic.com/images?q=tbn:ANd9GcT2egricp9wZ25p1RIN85675rshpuNuQ26cNOJ_zkPjuUPOvP-pTg واخر شي بأشيك على الترموستات الله يعين لكن والله ماقصرت يالغالي حاولت مساعدتي انت والاخوان الله يرزقكم الفردوس
25.
12:17:55 2014.06.26 [مكة]
انا مشكلة ثلاجتي عكس مشكلة ثلاجة اخوي ثلاجتي تثلج مره مثل الصوره اللي ارفقتها اما ثلاجة اخوي ماتثلج ابد غريب امرها انا قلت يمكن من الجو الحار عدمهن!! واللي مستغربه كلهن خربن بنفس اليوم وهو ببيته وانا ببيتي اعاننا الله واياكم
26.
12:29:59 2014.06.26 [مكة]
ياريت تشيك على الربله حقت باب الفريزر الي تقول انه يثلج وتتاكد انها راكبه صح او تنظفها وتجرب وتميل الثلاجه للخلف ميول واضح وتجرب ايضا
27.
12:45:15 2014.06.26 [مكة]
انا مره ثلج عندي الفريزر ووقف التبريد على الفريزر و الثلاجه تحت وطلعت المشكله بسيطه أن احد العيال زاد على نسبة البرودة من العداد الي يطلع لك من 1-10 هي بالعادة تكون على مابين 6 او 7 طفيت الثلاجة لين ذاب الثلج كله وتركت الباب مفتوح طبعاً الحمدالله الثلاجة ماكان فيها اغراض واحد يخاف تخرب بعدها رجعت الوزنية مابين 6-7 وشغلت الثلاجة ولا احلى من كذا النقطة الثانية تأكد أن الفريزر والثلاجة ماتهرب هواء يعني الباب انه يقفل بشكل كامل لأن بعضهم يصك الثلاجة ولا يتأكد أنها تقفل زين وتبرد لين يثلج
28.
12:53:18 2014.06.26 [مكة]
والله يااخواني اصلاً الثلاجه مديلها حي "جديد" والجلده انا بنفسي نظفتها بخرقه مبلوله ومقفله صح وبالنسبه للي تقصده اخوي العاشق قصدك الترموستات هذي ماحد يلعب بها دائماً محطوطه على رقم 2 من يوم شريتها بيني وبينك انا شاك من اول انه من الترموستات ماكنت ابي اغيرها لين اتأكد انا بفضل الله عندي خبره ودائما اصلح الترموستات حق المكيفات واعرف اوزنها حتى اذا خربت لكن حق الثلاجه مارضت توزن لانها تختلف عن المكيفات الله يسعدكم ويثلج صدوركم والله ماقصرتو يااخواني عسى الله يوفقكم بالدنيا والاخره
29.
12:59:54 2014.06.26 [مكة]
هذا الي اقصده http://files.fatakat.com/2010/4/1271423576.jpg بعضها فرار نفس الصورة بعضها لا خط طولي تحركه يمين يسار وزنية تبريد للثلاجة على العموم ان شاءالله ينفعك هالموقع http://learnfixinghomedevices.blogspot.com/2013/05/blog-post_24.html
30.
13:06:45 2014.06.26 [مكة]
ايه يالغالي هذي اسمها ترموستات بخليها اخر شي وممكن اشتريها اليوم لاني ان شاء الله بروح لشارع الريل اعرف محل دايم اتعامل معه وبحاول اسأله ممكن يدلني هو قالي مثل ذكره اخوي بو رامي تايمر لكن رجعت المشكله بشوف اش يقول والله يعين
31.
14:36:09 2014.06.26 [مكة]
بحثت كثييير بالمنتديات ولقيت بعضهم نفس المشكله اللي عندي واغلب النصائح تقول من سخان الثلاجه اللي هو نفس هذا مثل اللي عندي بالضبط وانا فكيته وبأتوكل على الله والحياة تجارب والله يعين موقعه بالفريزر مشبوك بالماصوره النحاس من الاعلى https://encrypted-tbn1.gstatic.com/im...uUPOvP-pTg
32.
15:16:29 2014.06.26 [مكة]
اذا عندك وقت ومافكيتها ياريت تجرب تلف الزمبرك الي في التايمر الي قلت عنه يقول تك على فكره نظامه زي الساعه يلف كل وقت ويعطي كهربا لكل شي في الثلاجه حسب برمجته ربما تشتغل معك
33.
15:29:23 2014.06.26 [مكة]
هلا بالغالي لفيته وقال تك شغال ماعليه كلام حتى القديم اتوقع انه شغال لاني فريته وطفى الكمبروسر وقعدت شوي ثم فريته مره ثانيه واشتغل الكمبروسر عاد انا قلت بأصلي العصر وبأروح للريل وباخذ السخان اتوقع رخيص والله يعوضنا وياكم خير
34.
16:33:24 2014.06.26 [مكة]
كان عندي ثلاجه امريكي ويربوول ونفس المشكله وكل يغير الفني المروحة الصغيره اللى بالفيزر وتضبط اقترح عليك تمر عند اي فني وتساله اش ممكن يكون المشكله يمكن يعطيك حل
35.
19:45:00 2014.06.26 [مكة]
الله يعطيك العافيه ويالله ياخوك المروحة شغاله بس لاجاها الثلج قل دفعها انا رحت والله من بعد صلاة العصر مباشره واسأل عن القطعه اللي بالصوره لفيت كل المحلات من شرقها لا غربها مالقيت ورحت البطحاء مالقيت وواحد وصفلي وكيلها البابطين ويالله وصلت لهم لقيتهم قفلو ويداومون الاحد وتوني ادخل البيت 3 ساعات وانا ادورها واخر ماتوصلت له رحت لورشتين بالريل والبطحاء قال لي المهندس مشكلتك لها ثلاث احتمالات الاوله /التايمر وغيرته ومافي فائده الثانيه/ القطعه هذي مدري وش سماها الضاهر انها فيوز تعطي امر للتامر يقفل وهي لاصقه بالماصوره النحاس وانا حاس انه الخلل منها نفس هذي https://encrypted-tbn1.gstatic.com/images?q=tbn:ANd9GcT2egricp9wZ25p1RIN85675rshpuNuQ26cNOJ_zkPjuUPOvP-pTg والاحتمال الاخير قال لي من الهيتر"السخان" الحين شبكتها وعساني القا القطعه ذي
36.
19:48:13 2014.06.26 [مكة]
وين القاها غير الوكيل هذي اللي بالرابط نفسها بالضبط اللي لقيته بالسوق سلكين وهذي ثلاثة اسلاك جابت لي الجنان وش ذا التعقيد
37.
20:41:31 2014.07.05 [مكة]
للفائده وبعد عناء مدة اسبوعين واكثر بفضل الله توصلت للمشكله طبعاً بالبداية خسرت وقت وجهد كبير جداً وخسائر الله يعوضنا وياكم خير اولا غيرت التايمر لكن بدون فائده سعر الاصلي 50 ريال ثانيا بحثت عن قطعة اسمها هيتر ومالقيتها الا بالوكاله لان اللي عندي حجمها كبير وسعرها بالوكاله 280 ريال لكن بفضل الله بحثت مره ثانية وثالثه ورابعه بكل المحلات لقيت نوع صيني ب 20 ريال واشتريته بعدها جاني حب استطلاع ولقافه فكيت القديمه وشبكتها دايركت بالكهرباء واتفاجئ انها شغاله رجعت ركبتها بقي قطعه اسمها الدفروست وظيفتها تعطي امر بتشغيل الهيتر اللي عندي مثل هذي ثلاثة اسلاك لكن للاسف مالقيتها بكل المحلات مثل هذي https://encrypted-tbn1.gstatic.com/images?q=tbn:ANd9GcT2egricp9wZ25p1RIN85675rshpuNuQ26cNOJ_zkPjuUPOvP-pTg فأضطريت اولف قطعه شبيهه لها ولكن بسلكين وسعر الاصلي منها ب20 ريال مثل هذي https://encrypted-tbn1.gstatic.com/images?q=tbn:ANd9GcQiXRrYTeSZ5-EZ6OUm-m05bn8dqQgfag60457PbggnnqoVgsByIg الان بفضل الله الثلاجه ان شاء الله اقول رجعت مثل اول وضبطت خلاصت الموضوع وللفائده للجميع اذا الفريزر يثلج اولا شيك على الثلاث اشياء هذي ابدأ بالدفروست وبعدها افحص التايمر واخر شي اذا عندك خبره ذوب الثلج وخلف الرديتر من الاسفل تلقى الهيتر مثل هذا https://encrypted-tbn2.gstatic.com/images?q=tbn:ANd9GcSCbzdvxYSCrGzuKB6fSkODu7aJuMtLs23rO4M9Ex0d4ojy1yv9tg فكه بلطف واخرجه من مكانه واشبكه بالكهرباء اول مايحر فكه وكذا نعرف انه شغال ومايحتاج تغيير اذا حر ***** هذى ملخص ماصار معي واللي عنده اي استفسار يتفضل طبعاً بعد ماعانيت جبت فنيين اثنين ماعرفو المشكله كل هذي الصيانه والاختراعات بفضل الله سويتها بنفسي لكن ينقصني الان وبإذن الله اشتري جهاز فحص الاكترونيات عشان اعتمد على نفسي بكل شي مثل هذا http://t1.gstatic.com/images?q=tbn:ANd9GcRNGEPPrGkjJI8YM3MBEVE8BJOP-FDoo9bh1PtJmN4i0YrQPvYI
38.
20:52:05 2014.07.05 [مكة]
اسأل الله التوفيق لنا ولكم جميعاً واشكر كل من رد الله لا يحرمنا منكم والله يجمعنا وياكم بالفردوس الاعلى واللي يبي يستفسر عن اي شي يتفضل نحاول نخدمه والاخوان مايقصرون
39.
عضو قديم رقم 355371
01:43:38 2014.07.06 [مكة]
جزاك الله خير على التلخيص اسأل الله ان ينفعك وينفع بك اجر وعافية باذن الله
40.
02:43:31 2014.07.06 [مكة]
اللهم امين وياك يالغالي وشرفني مرورك الله يسعدك ويسمح دربك
41.
10:43:27 2014.07.06 [مكة]
ابوحسن ياليت تضيف انه ممكن تكون من الربل حق الباب صارت بثلاجة ببيت الوالد كل ماجيتهم يشتكون ان الفريزر مايبرد وانه يثلج لين جيت ذاك اليوم واكتشفت ان الباب يتقفل بنسبة 80% ويتلاحظ بصعوبة هالشيء فكيت الربلة ومططتها وغسلتها ورجعت ركبتها وصار الباب يتلصق بالفريزر بعد كذا يوم اتصلت ع الوالده اسالها قالت صارت تبرد دائما وماعاد تثلج
42.
عضو قديم رقم 95823
20:22:15 2014.07.06 [مكة]
السلام عليكم نزل درجة البروده يمكن مخليها اعلا درجه وجرب
43.
عضو قديم رقم 95823
20:34:04 2014.07.06 [مكة]
اجل الحمدلله والله يكثر من امثالك اللى يشتغل بيده فى بيته
44.
21:11:14 2014.07.06 [مكة]
الله يعطيكم العافيه اخواني بالنسبه للجلده نظيفه ومع ذلك نظفتها والثلاجه حديثه وماجت المشكله الا يوم دخل الصيف ولاحظت كثير يشتكي من هذا الشي من ضمنهم اخوي ونسيبي وكلهم ثلاجاتهم جديده اتوقع والله العالم حرارة الجو تلعب دور اخوي الحساني درجة البروده قصدك الترموستات من يوم شريت الثلاجه وهي على رقم 2 واحياناً 3 ما اتعداهم والترموستات امرها بسيط اهم شي التايمر يتحكم بالبروده والحراره يعطي فتره تقريباً8 ساعات ويفصل الكمبروسر فيعطي امر للدوفرست والدوفرست يعطي امر للهيتر فيشتغل الهيتر ويذوب الثلج وبعدها يشتغل التايمر فيشغل الكمبروسر والمروحه وهكذا اغلب المشاكل هذي تجي من الحراره الزائده وخصوصاً اذا المطبخ مكتوم وتعرفون رمضان هالسنه حرااااره الله المستعان والفرن علطول شغال وحتى برادة المويا معاد تبرد مثل اول فأنصح للي يبي يحافظ على اجهزته اقل شي يحط مروحه بالمطبخ والافضل مكيف صحراوي حتى لو متنقل اقل شي يهوي المكان عشان ماتخرب الاجهزه الله يحفظكم ويسمح دربكم اخواني
45.
02:41:32 2014.07.07 [مكة]
سبحان الله.. مالي ساعه مصلح ثلاجتي من نفس المشكله صارت معي قبل سنتين بالضبط نفس المشكله.. جبت فنيين وحاولو ينصبوا علي.. غيرت الثيرموستات والتايمر وانحلت المشكلة.. باقل من مية ريال.. لوحدي.. رجعت قبل يومين نفس المشكلة.. غيرت الثيرموستات قبل شوي و ان شاء الله تنحل اهم شي تذوب الثلج من الفريزر بعد ما تبدل القطع. صب عليها موية حارة بعد فصل الفيشه والله يبعدك عن اولاد الحرام النصابين.
46.
03:08:57 2014.07.07 [مكة]
الله يعيننا وياك اعتقد الترموستات مايلعب دور كبير لهذه المشكله المشكله من ثلاث اشياء والذكي اللي يكتشفها بنفسه بس الله يعين على الخساير الثلاث اشياء هي -التايمر -الهيتر -الدفروست التايمر ماتقدر تفحصه الا اذا كنت متمكن وعن طريق جهاز الميلتيميتر وايضاً الدفروست والهيتر للي مامعه جهاز طبعاً يفتح ظهر الفريزر من الداخل وبيلقى الرديتر والدوفرست وخلف الرديتر من الاسفل "الهيتر" يذوب الثلج بماء ساخن ويفصل اسلاك الهيتر ويشبكها بالكهرباء مباشره اقل من اربع ثواني ويلمس زجاجها اذا حار معناه الهيتر شغال بقي الدوفروست والتايمر التايمر من سقف الثلاجه فيه قطعه تفرها بمفك لين تسمعه يطلع صوت "تك" كذا يفصل الكمبروسر مع مروحة الفريزر ويراقب الهيتر اذا اشتغل وذاب المويا ممكن الخراب من التايمر اذا ماذاب ممكن الدفروست والله يعيننا وياكم واسف على الاطاله اخوي الرد رقم45 بلغنا وش يصير معك ومع اني مااتوقع ان مشكلتك من الترموستات قرب اذنك من التايمر اذا سمعت له صوت تك تك تك تك تك...... معناه شغال او فكه ورح لاي ورشه قله اختبر لي القطعه عن طريق الملتيميتر
47.
19:15:51 2014.09.02 [مكة]
شكرا للجميع لقد استفد منكم وأزيدكم فائدة اكتشفتها أن اكثر مشاكل التجمد وعدم التصاق ربل الباب هو مخرج الماء المتكون من ذوبان الثلج داخل الثلاجة دائما يكون مسدود فلايتم تصريفه الى الى الحوض المخصص له تحت الثلاجة ويتسبب في تجمع الماء في اسفل الثلاجة من الداخل وتحوله الى ثلج يعيق اغلاق الباب http://files2.fatakat.com/2014/9/14096745179134.jpg
48.
17:47:23 2014.09.18 [مكة]
الله يعطيك العافيه ياخوي ابشرك صلحتها في اواخر رمضان بعد معاناة بسبب عدم توفر قعها حتى بالوكاله " التعبانه" فقمت بتوليف بعض القطع اللي قاهرني ان الثلاجه حديثه ونوعيه ممتازه لكن الوكيل تعبااان وتعامل سيء وبعض الاستغلال لدرجة اني بحثت عن القطع اكثر من اسبوعين وانا افر المحلات كل يوم والحمد لله توفقت في اصلاحها غيرت تايمر وهيتر ودفروست ومع اني جبت كذا عامل للامانه ماعرفو لها كل ماجبت واحد عطاني تصريفه اتضح لي انهم مافي ذيك الخبره مجرد احتمالات وتضييع وقت لكن بالاصرار الحمد لله كل شي عملته بيدي وايضاً لا انسى الفضل اولا لله سبحانه وبجهود الاخوان وبالاخص الاخ ابو رامي " النشمي" رجل بمعنى الكلمه تواصل معي كثيرا هنا وبالخاص نسأل الله التوفيق لنا ولكم جميعاً
49.
عضو قديم رقم 171545
13:20:22 2014.09.19 [مكة]
أنا عندي مشكلة في ثلاجة دايو حجم 12 قدم على ما أظن الثلاجة تطفي من نفسها بعد فترة من التشغيل ولا عاد تشتغل إلا إذا فصلت الفيش من الكهرب لمدة عشر دقائق على الأقل أتضح أن الكمبروسر يسخن ويصير حار مرة والثلاجة تفصل لهذا السبب . علماً أنها إذا أشتغلت لفترة طويلة تبرد ومافيها إلا العافية . اللي يعرف حل لا يبخل علينا .
50.
11:45:16 2014.09.20 [مكة]
الرد رقم 49 الحل و تغيير الكمبريسور لانه اصبح خفيف الكبس ويسخن جدا مع طول التشغيل لانه يبرد بس يشتغل فترات اطول لان كبسه صار خفيف فياخذ وقت اطول للوصول الي البرود المطلوبه لذا الحل تغيير الكمبريسور وهناك حل ارخص يمشي الحال وهو تركيب مروحة تبريد علي الكمبريسور تساعد في تبريد الكمبريسور وهذه بتمشيك حتي ينتهي الكمبريسور تماما يعنني 5 سنين كمان بس المهم تنظيف الشبكه السوداء من الاتربه والزيوت حتي يكون التهوي ممتاز للشبكه اللي في ظهر الثلاجه ايضا غسل كاوتش باب الثلاجه والفريزر بماء وصابون ساخن وتجفيفه بعد ازالة الاوساخ ومن ثم مسح الكاوتش ببودرة تلك هذه ترجع الكاوتش الي طراوته الاصليه وتمنع التشقق وبالتوفيق ان شاء الله
51.
عضو قديم رقم 135508
18:01:54 2014.10.16 [مكة]
يوجد سخان حول هذه القطعة وظيفته منع ترام الثلج حصلت لي نفس المشكلة وغيره الفني وانتهت تماما
52.
عضو قديم رقم 427516
01:24:22 2015.08.09 [مكة]
السلام عليكم ورحمة الله وبركاته ارجوا الافاده ثلاجتي سامسونج جديده من 6 شهور بس فيه ماء في الخلف الي جنب المطور وماتبرد ايش الحل الله يكرمكم
53.
04:06:45 2015.08.09 [مكة]
ابو سمسم إذا 6 شهور الصيانة على الوكيل دام انها تحت الضمان .
54.
06:42:00 2015.08.09 [مكة]
هذا حساس جانبي يركب داخل الفريزر تكلف القطعه 30 واتعاب 50 كله 80 والعلم عند الله
55.
08:23:45 2016.02.07 [مكة]
سلام الله عليكم ماشاء الله بها المشاركة والردود الحلوة لدي نفس المشكلة الذي دكرها الاخ وهو تجميد الفريزر وعدم نزول البرود للتلاجة قمت بفحص السخان ووجدتة يعمل جيدا ووجدت هدة القطعة موجودة ولا اعرف هل هي التالفة ام لا http://store2.up-00.com/2016-02/145482082844831.jpeg نرجو افادتنا بارك الله فيكم