افضل شماغ لا يتاثر بمسحوق الغسيل التايد

دنهل عن تجربه واستخدام طويل بس غالي اما الخامه واللون والتماسك والكشخه

خذ لك شماغ .. وارجع واكرر غالي بس لانه غالي لو تاخذ اثنين بنقشتين مختلفه راح يظلون معك فتره طويله لو حافظت عليها

فيه شماغ اسمه العقل قديم من سنة الثمانيان كنت البسه بحثت عنه مالقيته
هذا الشماغ يكد كد الصراحه

من الطيبين ، أتذكره أرخص قيمه من شماغ البسام

لبس الشماغ عذاب عند القيادة وعند الصلاة

انا ما اغبط إلا من يسوق أو يصلي بدون شماغ!!

اذا انت من سكان شرق الرياض اتصل علي وادلك على محل يبيع شماغ معين والله تدعيلي بس جهز خمسمية ريال عشان تاخذ منه 5 حبات لأنه ينقطع واحتمال يخلص لأنه رجيع مستودعات

علمنا يخي كلنا نبي انا من سكان شرق الرياض ياليت تدلنا ع المحل ونوع الشماغ

يارجال ماعندك غير البسام وبس .....

ماي فير .. درجة أولى وبدون منااااازع .

خفيف لدرجة انك ماتحس فيه على راسك ... باقي الاشمغة تقول كنك حاط طابوقة على راسك ...

للعلم جربت جميع انواع الاشمغة .. دانهيل , جيفنشي , دسار , بروجيه , بيير كاردان , فالنتينو .... وتطول القائمة

يقول احد الشعراء بعد ان غشوه بالشماغ
ياليتني كنت من شعب المريكان---- مافوق راسي عقال اولا عمامه
الخ الخ الخ -----------------------------------------------------------

أقول دنهل وإلا جفنشي أصلاً ما بينها فرق في الخامة الفرق فقط في النقشة
أنا معي دنهل من سنتين و تشوفها علي تقول باقي جديدة بس أستخدمها إستخدام عادي ولا هو في كل مكان
لا وبأشتري دنهل الموديل الجديد قريباً إنشاءالله

مالجديد مع اقتراب العيد

والله شريت كارتير من المعيقليه مدري هو اصلي ولا تقليد بس من خمس سنين وكل من شافه قال ماشاء الله وشذالشماغ؟
واذا قلت لهم اني شاريه من كذا سنه يصدون عني ويستحون تقل فيني جرب
وانا اطق خشتي ابتسامه واسوي نفسي مادريت وانشب لهم هخهههخخهخخخ

انا اشتريت اشمغة كثير الي غالي والي يتمسر والي تخشب وبعضها غالي وثقيل وتدرون الرياض حر




احسن شماغ صبط معاي شماغ first man
صحيح خفت لمعته شوي لاكنه خفيف وزبط معاي

يارجال كل الاشمغة تنغسل عادي وتعيش مع الواحد سنتين ثلاثة

ابو 30 ريال زي ابو 100ريال

انا اشتري شماغ من ابو 30 الى 40 ريال

الهياط اللي ماله داعي ماله داعي

صحيح ابومشعل
انامثلك ماستخدم الا الاشمغه من 50 وتحت
خاصة المشاوير العاديه والدوام
والمناسبات والاعياد مخصص لها شي مرتب
مره شريت فرزاتشي عجبني شكله واخذته ب280 وملمسه حلو ولبسته حلوه
وحضرت فيه مناسبه زواج
وانا اسلم على المعازيم الا ويلقط نظاره واحد منهم واتل النظاره منه خخخخخ وتطيح النظاره وتعدم ام شكل الشماغ !! واضطريت اقلبه وامشي حالي فيه

لا والله معليش

جربت اغير نظرتي واشتري شماغ غالي ولكن

اول شي الشماغ ما ينغسل لا بتايد ولا باي مسحوق غسيل الله يرحم امً جابتك
الشماغ ينخمر وينقع في الما واي شي عليه بيتحلل طبيعي
كان مره ملزم فعندك الصابون الاحمر السايل وتحط منه ششششوي ... ولا صابون العبايات ولو اني ماجربته ومدري هو للحين بالسوق ولا لا

ثانياً:
الشماغ ابو ميتين وفوق لقيت لي شماغ مانيب قايل ماركته ولكنه يغبر على كل اللي انذكر آنفاً
ونا كنت من اللي حاط مخه بكرتون وافكر الشمغ كلهن سوا
اثر الغالي شي مفنتك يولد (بس مهوب اي غالي)
ذاللي فالسوق صراحه خنبقه ...
فرزاتشي وخنبقزاتشي وبسام هذول اسفطهن على جمب وخذ ابو ثلثين اصرف
واهم شي لا تشترون من محلات في وسط المدينه والعليا وكذا
ترا بيلزخونكم مية ريال فوق السعر الاصلي وهو يظحك!
اما رح لسوق جمال في البطحا
ولا رح للمعيقليه وهذي انصح فيها مع ان اليمنا هناك يعطيك اشين شي : تلاقيه يحط واحد للعرض وثم يغيره بواحد ثاني بعد ما يهتري شوي ثم يقول لك والله ما يجي بكيس وهو يكذب
الحل الامثل انك تروح للموزع نفسه ، هذي بجربها بس مدري يبيعون قطاعي ولا لا ولكن ...

عموماً اللي يعدي عالمعيقليه لا ينسى يشقر على محلات الصفوه ،،، طبعاً المحل تبع رجال ماشاءالله عليه واصل اجتماعياً ومالياً ، يعني ماهو من شلة الطرابيش ،،، عشان كذا تلاقي اللي يشتغلون فيه نفوسهم شينه ،،، لانه مهومب هم اللي يجيهم المكسب زي ما تعودوا ...

.

التايد يضرب كل انواع الملابس

غيره وريح بالك

لو سالت عامل المغسله بيقول لك البسام الانجليزي

احسن شماغ هو البسام اللي يجي عليه ختم او بصمة سوداء
صحيح هو لونه احمر بزياده شوي لكنه ممتااااز مايتعفس لانه ثقيل

وسعره 55 ريال فقط

غير البسام لادور من بين كل انواع الاشمغة

مجربة

0555598782