جميع الحقوق محفوظة ©
السلام عليكم ورحمة الله
اخواني اخواتي الاعضاء حبيت استفسر عن افضل دكتور باطنيه بالرياض متخصص بذلك وابي واحد عن تجربه مابي واحد يتعلم علينا
لاني لي فترة وانا غير مرتاح ولا ادري وش بي بالضبط مدري قرحه ولا قولون دئما احس بالم مثل الجوع ومفاجى ويعكر المزاج يصحبه صداع بالراس وعندي غازات وغيره كثير من الاعراض الي عكرت مزاجي ومسويه لي قلق
الله لا يريكم مكروه ويحفظكم ويجزاكم خير
ما استغني عن نصائحكم بارك الله فيكم
د/ محمد جلي في مستشفى الحبيب بالرياض طريق الملك فهد سوداني بجنسيه بريطاني فاهم في حالتك جدا كانت عندي وعطاني نوع واحد من الحبوب واخذت واحده والحمد الله شفيت
والله لا اعرفه ولم اراه الا مره واحده ولكن نصيحه لك ارجو ثوابها من الله
اخوي نافل0 هل سوالك تحاليل والدكتور موجود الان
جزاك الله خير ولا اراك الله مكروه انت ومن تحب
أخي الكريم شافاك الله وعافاك
الدكتور / محمد المفرح طريق الملك عبد الله
الدكتور فهد الشدوخي طريق العروبة
الدكتور سعيد الفاضل مركز العليا الطبي خلف التميمي اللي بالعليا
الدكتور جلي مركز الحبيب الطبي
الدكتور محمد القرعاوي التخصصي ـ البناية اللي قبل بنده
مع الدعاء الدائم لك بأن يسبل الله عليك ثوب الصحة والعافية
غالبية دكاترة الباطنية بيصرفون لك علاج واحد بعد ما يمغطونك بالمناظير من كل مكان.
نصيحة أعمل فحص حساسية القمح لأن المصابين بحساسية الجلوتين لديهم نفس الأعراض التي ذكرتها.
اخي عماد1971 الله يجزاك خير على معلوماتك ودعواتك البسك الله ثوب الصحه والعافيه الدائمه
السؤال من افضلهم من الدكاتره
الله يسفيك ويرفع عنا وعن وعنكل مسلم
اجباك الاخ عماد فقه الله
اخي latersooner
شكرا على المعلومه وان شاء الله بسال الدكتور عنها الله يحفظك ويجزاك خير
أبوفصيل2
وياك يالغالي الله يجزاك خير
أخي الكريم شافاك الله وعافاك
الدكتور العنزي يمدحونه
عيادة د محمد العنزي
طريق صلاح الدين شرق الرياض طريق الدمام
هذا مجرب للباطنية والله يشافيك
اذا كان الدكتور العنزي اللي بالملز خذ معك 5000 ريال لانها بتروح اشاعات وتحاليل وفي الاخير قولون ..
ولا تشرب حليب الابل .. اللي يشوفنا يقول ساكنين في شبك ابل ...
assaf1
زاهر
Star1
جزاكم الله خير
لا تروح للدكتور العنزي لأنة بالنهاية سحب فلوس وقولون ومع السلامة
اختر الدكتور المفرح بعيادتة الخاصة
او الدكتور السوداني / محمد جلي بالحبيب
ابونواف20101
جزاك الله خير
ماتشوف شر ان شاءالله
زي ماقالوالاخوان بيمغطون هاالاطباء الين تدوخ انت وبطاقة الصراف والنتيجه وحده عندهم كلهم ياقولون اولتهابات في جدارالمعده اوجرثومه
نصيحتي رح لاقرب مختبر وسو فحص الجرثومه بالنفس بميتين ريال وكان طلعة عندك اقرب صيدلي ويعطيك مضاد اسبوعين
اعراضك هذي كانت مع اخوي وطلعت عنده الجرثومه
وقدامك العافيه ان شاءالله
ابوخالدff
جزاك الله خير سويت فحص جرثومه والحمد لله سليمه الله يعافيك
شوف شوف ... لف من تبي ... أنا أنصحك بدكتور الدخول عليه رخيص وهو خبرة كبيرة-زحمة عنده-...
دكتور سيوفي في مستوصف-مش مستشفى-الجزيرة شارع النخيل في حي النسيم
eng_kmgo
جزاك الله خير
الدكتور سعيد الفاضل مركز العليا الطبي خلف التميمي اللي بالعليا
د/ محمد جلي في مستشفى الحبيب بالرياض طريق الملك
انا انصح وبقوه بالدكتور : عبدالمنان خان
باكستاني . له بالسعوديه 50 سنه
الموقع : مخرج 14 تتجه شرق مقابل سوق الخضار وبالضبط فوق صراف الراجحي
