جميع الحقوق محفوظة ©
--------------------------------------------------------------------------------
السلام عليكم ورحمة الله
كل عام وانتم بخير بكرا الاربعاء ابجي للرياض عندي شغل ودي افصل ثياب للعيد ابي رايكم ايهم افضل خياط مشار ولا بلان ولا الاناقه وماهو افضل فرع اي حي وياريت وصف للموقع اذا تكرمتم علينا وايهم افضل اخذ قماش من عندهم ولا من المحلات زي الكسائي والجديعي وماهو الافضل من انواع القطن الاقمشة وماهي افضل مصانع الاقشمة توفسيك ولا تنسيل ولا ليوسيل (بقشان وكم الرقم او سوبر وهل فيه انواع تنصحوني بها وياريت النوع والرقم
تحياتي للجميع
خياط مرحبا بالملز معروف
ملاحظو في محلات بجنبة مكتوب عليها مرحبا ياشباب لا هذا اسمع مرحبا فقط
افضل خياط درز له افرع في البديعة والروضه والمركز الرئيسي في الشميسى
وطبعا انا جرب مرحبا وجرب درز والافضل درز
فيه خياط يماني في الناصريه قبل مرور الناصريه عليه الكلام اغلب الي يفصل لهم صاحب سمو ملكي اسمه العربي على ماعتقد
فصلت 13 ثوب عند الاناقه وكلها خربت وطقاق انا وياهم لين عوضوني بقماش ورجعو قيمة التفصيل لاني كنت جايب قماشي معي. واللي يزيد الطين بله انهم قالولي اكتب تعهد انك ماعاد تجي تفصل عندنا مره ثانيه !!!!
واخوي فصل 5 ثياب عند الاناقه وايضا خربت ولازال في معاناة معهم من شهر 1 هجري والى الان مابعد استلم ثيابه سليمه كل مره فيها شي خربان
بصراحه اكتشفت ان الخياط هذا سمعه على الفاضي
اعرف لك هندي على كيف كيفك
وثياية اذا كثرت وصار غالي مرة 200 ريال
خل عنك الأسماء والضحك ع الأشناب
ي رجال اقرب خياط صدقني ما فرقت
لكن حنا شعب اذا صار السعر مو غالي قلنا الشغل والنوع مو كويس
ترى اللي عند المشهورين ذولي بتقاه عند اطرف خياط لا ويمكن يفصلون بشغل افضل منهم بمراحل
بلان دقلان تفلان طفسان
يا رجال يضحكون على الناس هؤلاء الخياطين كسبوا شعبيه لان الطبقه المخمليه زبائن لديهم فقط لاغير لهذا تجد اتفه واخس ثوب لديهم ب350 او 450 اقل سعر لاردى انواع الاقمشه مع انك تستطيع ان تفصل افضل منه باقل من هذا بكثير لدى اقرب خياط .
اشتريت ثوب الدفه شتوي في الشتاء الماضي كل من شافه قال الله من وين فصلت هالثوب ياخي قماشه وتفصيله رهيب ولا يدرون انه ب 75 ريال هههههههههه
مشار متقدم عن الجميع
عنديلك خياط ممتاز قديم يمنى اكثر من 30 سنه واول خياط في حي المصيف واذا ماضبطه كلم صاحب الخياط يهتم كثير في العملا هذا تلفونه 4548800
صادق ياخوي الصفوة عميل لحقين المعقلين حاسب ثيابي حوس فصلت 4 ثياب ضيقات مرة لااحد يفصل عنده
كرستال شارع جرير بلملز
أخبار التفصيل الشتوي ؟
الاخوان اللي يقولون البس الدفه وماحد يدري انه بــ75 .. اقولك يدرون ويعرفون انه دفه ههههه يمكن انت اللي ماتدري وتفكر الناس مثلك !! ولو كان من القماش الجيد ماباعوه لك بــ75 ريال ... الثوب واضح من جودة قماشه والتفصيل .. مشار اللي بشارع التخصصي عجبني واقمشته وتفصيله الافضل بالنسبه لي .. وكل شخص ومزاجه .....
تبون خياط لقطة وبتدعون لي بس ماهو بالرياض عندنا بالقصيم _بريدة خياط اسمه (دبي) ممتاز وسجون له من كل مكان بالمملكة أنصحكم بزيارته واللي يبي وصفه يتواصل معي ع الخاص وأيضاً الأقمشة اللي عنده ممتازة
السلام عليكم...احب اعقب على كم اخ هناء لان ردودهم غير منطقيه اااابدا...ابو عبدالله 9729 اما انه يحضر مؤتمرات عالميه عشان بشتري مقصات....والله مادري وش اقولك... ذيب الرياض اتوقع انك عايش في عالم بمبي...وربي لو يقولي زبون هالكلام بقوله الله يستر عليك حنا بشر والغلط وارد لكن انشالله اوعدك خير ...يعني بلعقل فيه احد بيفتح ويتخسر واخرتها يخرب ثياب العالم ويتمشكل معاهم...الرجال والمعرض هذي امكانياته وهذا وضعه جاز لك شغله اهلا وسهلا ما جاز عطني حق قماشي والله يستر علينا وعليك...نجي للأخ العمده ...مشالله عليك...يا خي لو على كلامك ان البنقالي يا خذ على الثوب 25 وينتج في اليوم خمسين قسم بالله احلف لك اني لا اروح انطل الثوب والبس بطلون وقميص وطاقيه مزركشه وهز في هالراس وشتغل خياط..50 في 25 يساوي 1250 يعني في الشهر37500 سبعه وثلاثين الف وخمس ميه ريال.....اكثر ما ضحكني 10 دقايق هههههههه والله لو انك واقف تبي نص حبه دجاج مضبي يا شيخ...وانا اجزم واحلف بالله لو اعطيك ثوب بزر ان يمر اسبوع ما خلصت اكمامه اذا انت مبتداء...الثوب الله يصلح قلبك يا خذ من 3 الى 4 ساعات يعني بلعربي المعلم السريع ما يخلص الا 4 بلكثير وفي رمضان وشغله يطلع لك عليه لانه مستعجل لكن اذا على رواق يخلص 3 ثياب يالله...ابي اقولك حاجه ليش ما تجمع لك كم قرش وتشتري لك مكينه وتحط رقمك عند كم خياط...وستقبل من هالثياب اتوقع راح تكون شيخ بندر التجار خلال سنه....مشكلتنا حكينا اكثر من فعلنا...وفمان الكريم
زيدان ممتاز
نصيحه مجرب من سكان الرياض وجربها كلها مافي خياط ممتاز مثل اردان
الوصف طريق العروبه متجه شرق تعدي العليا تلقاه على اليسار اذا ما استقبلوك او عطوك وقت متاخر بعيد رح لمشار هو اللي بعده
بالتوفيق
خياط الصفوه اللي في الحسن بن علي والله داج فصلت عنده 6 اثياب وطلعت كلها مضروبه نصيحه البعد عنه.
خياط الصفوه اللي في الحسن بن علي والله داج فصلت عنده 6 اثياب وطلعت كلها مضروبه نصيحه البعد عنه. خياط بخيت اللي في طريق الملك فهد قبل مستشفى التخصصي ممتاز بس نقل من زمان ومادري وين مكانه ليت احد يفيدنا ؟
مشار أفضل خياط وأفضل أقمشة ويدار بأبناء البلد
هل يوجد لمشار فروع في الشرقيه الدمام اشوف اكثرهم يمدحوه خل نجرب تكفو دلونا الله يدلكم في الدماااام
