افضل خياط بالرياض نصيحتكم مشار ولا بلان او الاناقة

افضل خياط بالرياض نصيحتكم مشار ولا بلان او الاناقة
--------------------------------------------------------------------------------




السلام عليكم ورحمة الله

كل عام وانتم بخير بكرا الاربعاء ابجي للرياض عندي شغل ودي افصل ثياب للعيد ابي رايكم ايهم افضل خياط مشار ولا بلان ولا الاناقه وماهو افضل فرع اي حي وياريت وصف للموقع اذا تكرمتم علينا وايهم افضل اخذ قماش من عندهم ولا من المحلات زي الكسائي والجديعي وماهو الافضل من انواع القطن الاقمشة وماهي افضل مصانع الاقشمة توفسيك ولا تنسيل ولا ليوسيل (بقشان وكم الرقم او سوبر وهل فيه انواع تنصحوني بها وياريت النوع والرقم
تحياتي للجميع

يعني طول عمرك تلبس ثوب ولا اول مرة طيب وش يفرق معك لو فصلت عند اللي انت متعود تفصل عندهم ثيابك ولا دراهمك زادت وتبي تصرف . لا والاخوان ماشاء الله شادين حيلهم كل يسوي دعايا للخياطين ويريت الخياطين اللي جالسين تمدحونهم علي الاقل يسوون لكم تخفيض....
وش يفرق الخياط عن الثاني كلهم يفصلون عند البنقالة والهنود اللي في البيوت القديمة وعلي 25ريال ومحلات الخياطة فقط لتوصيل تأخذ منك المقاس واختيارك للقماش وتعطي البنقالي وتأخذ عليك مبلغ وقدرة واللي مجنني اللي يفصل الثوب من الشباب 200 وزيادة علي ايش وش اللي مغلية الي هذا الحد ليكون يستخدم خيوط ذهب والا فضة ....
اصحوا الي متى الاستغفال والاسعار ترتفع بسبب عقليات بعض المغفلين ويا كثرهم في مجتمعنا ...
بالمناسبة ترى البنقالي يأخذ في خياطة الثوب 10 دقائق فاذا كان يخيط في اليوم 50 ثوب كم دخلة 50 *25 ...
بعضهم بيستغرب ليش 50 ثوب لانة متعاقد مع اكثر من خياط اومحل وهو جالس في عزبتة وتجية الثياب من المحلات ...
دمتم سالمين

(تم حذف جزء بواسطة الإدارة)

الاخ العمده 10
والله العظيم انك صادق بكل حرف قلته والشباب يا غافلين لكم الله
بس ع فكره الخياطين رافعين السعر علي حسب بعضهم 30 وبعضهم 35
ولا الكلام اللي قلته صحيح وتري تطورت منفوحه شوي صارو يستاجرووون شقق ويسمونها معمل ينام فيها العامل وياكل ويشرب ويخيط وووووووو في هذه المعامل (هههههه)

---------------------------------------------------------

افضل خياط بالرياض نصيحتكم مشار ولا بلان او الاناقة
--------------------------------------------------------------------------------




السلام عليكم ورحمة الله

كل عام وانتم بخير بكرا الاربعاء ابجي للرياض عندي شغل ودي افصل ثياب للعيد ابي رايكم ايهم افضل خياط مشار ولا بلان ولا الاناقه وماهو افضل فرع اي حي وياريت وصف للموقع اذا تكرمتم علينا وايهم افضل اخذ قماش من عندهم ولا من المحلات زي الكسائي والجديعي وماهو الافضل من انواع القطن الاقمشة وماهي افضل مصانع الاقشمة توفسيك ولا تنسيل ولا ليوسيل (بقشان وكم الرقم او سوبر وهل فيه انواع تنصحوني بها وياريت النوع والرقم
تحياتي للجميع

فصلت لي ثوب في الرياض عند خياط نسيت اسمه بالتخصصي واكثر زبائنه من الامراء وواجهتم بالخياط لكن والله انه اطقع الخياطين

افضل خياط الراقي بالشرقية فعلا اسم على مسمى .... انا اعتقد انك ا>ا خيطت عنده ما راح تتعداه

انصحك بلان بدون مناازع

مشاار فصلت قبل كم شهر ابو كلب وانكمش علي وللاسف افضل نوعيه

اي فرع بلان

لاجاك ذا الي يسأل ... وش احسن محل تفصيل ؟ زي الاخ ^^^
وش افضل شماغ ؟ العقل ولا ملكي ديلوكس
وش افضل محل تلميع ؟
وش افضل وكيل سيارات لسيارات بورش في السعودية ؟!
وهو وكيل واحد !!
خذ فكره على طول لاهوب شاري ولا هو صوبه ابد .. ابد !!

العمدة كلامه صح
كلهم في بيوت طين في منفوحة ولا في الديرة
روح البطحاء وفصل لك ثلاث ثياب 200 ريال والرابع مجانا
ترا ما احد دراء انه الثوب 500 ولا 90 ريال كلها نفس الشي
بالتوفيق لك وتقطعه بالعافية

أخوي بلان له فرع واحد بالرياض شارع جرير حي مشرفه بالملز

42. بقلم: العمدة10

"يعني طول عمرك تلبس ثوب ولا اول مرة طيب وش يفرق معك لو فصلت عند اللي انت متعود تفصل عندهم ثيابك ولا دراهمك زادت وتبي تصرف"


ههههههههه
ياخي يبي يغير الرجال هو حرر
ياما كنا مشوشين باشياء نستخدمها فترة طويله من عمرنا واكتشفنا الخطأ

الخطأ ماهو الخطأ نفسه الخطأ الاستمرار فيه.
ولا تنسى نوعية القماش والرخيص مخيس على قولة المثل.

باقي كلامك عين العقل وليتك اكتفيت فيه وتركت السطريين الاوليين.

نصيحه اسؤ خياط فصلت عنده مشار لاحد يروح له يلعبون في المقاسات والمقوي حق الياقه والاكمام ضعيف ومتكسر من اول ما استلمته منهم وتعبت معهم عشان يصلحونها ومع ذالك رجعوه ولاصلحوا الا مقاس ثوب واحد بس اما المقويات ومقاس الثوب الثاني ما غيرو فيها شي

مشار خرب لي ثوبين وبطلت افصل عنده و بلان جيد

من كثرة الردود عليك احب ان اشارك في الرد.
اشتر لك ثوب جاهز واحمد الله على هذه النعمية التي نحن فيها نسأل الله ان يجعلنا واياكم من الشاكرين، وأن يكفينا بحلاله عن حرامه وبفضله عمن سواه.

ونا مع كلام اخوي كرم لايهونون الاخوه الكرام

اشتر ثوب دروش جاهز سوءا تبي صيفي ولاشتوي خذ 4 ثياب ونوع بالالوان الي تحبها فيه الوان حلوه مره والله محد داري انت مفصله ولاشاريه جاهز وخل عنك الخياطين الي كل فتره وفتره رايح جاي لمهم وزحمه واسعار غاليه والله ياخيي ماضيعنا الا الموضه وفلان مفصل ثوب ب 350 وفلان لابس شماغ قيمته 470

والله اننا في نعمه لاكننا مانجلس مع انفسنا ونفكر ونتأمل النعمه الي عايشين فيها غيرنا يتمناها

تبي نصيحتي فصل عند اي خياط بس قله هذي الجمله(ابيك تفصل لي ثوب بالملي يعني اي غلطه مافيه فلوس) صدقني بيهتم في ثوبك ومقاسك وقله بعد بعطيك زياده يعني مثلا قالك بخمسين قله بعطيك ستين بس اهتم بثوبي...من واقع تجربه بس طبعا القماش تجيبه من اسواق المعيقليه في الرياض او شارع الثميري جنب المعيقليه او عندك محلات صالح الرماح في طريق الملك فهد مقابل المستشفى الطبي وفيه فرع شارع الثلاثين..الله يوفقك الجميع لما يحبه ويرضاه

(تم الحذف بواسطة الإدارة)

ادارة الموقع الكرام
الموضوع في غاية الأهمية ولم اكتب سوى عبارة للرفع لتعم الفائدة ونتيح الفرصة لمشاركات وآراء جديدة

فلماذا يتم حذف الرد ؟؟؟؟؟؟؟؟؟؟؟