افضل خياط بالرياض نصيحتكم مشار ولا بلان او الاناقة

شكرآ لك يالغالي

فيه واحد مره يمدحون الصفوة او حول الاسم بحي السويدي احد يعرفه فلبيني مره ممتاز يقلون الناس

خياط الصفوه يمدحونه حقين المعيقليه لانه من ربعهم وانا رحت له ويفصل اذا كان القماش من عندك بــ 80 ريال وصراحه العامل اليماني اللي فيه صغير وفيلسوف ثيابهم الي الان ماجربتها لكن وانا افصل عندهم رجع عميل يطلب توسيع الثوب لانه ضيق وجلس اليماني ساعه يقنعه ان الثوب زين ومناسب وبالاخير سالني العميل وقالي امانه وش رايك بالثوب
قلت لليماني الرجل يقولك وسع الثوب وانت تقول كويس مين اللي بيلبسه انت والا هو وقلت للعميل اهم شي انت مقتنع لايهك اليماني ارمي الثوب بوجهه وبالاخير اخذه اليماني وهو زعلان ويقول ليش تقول كذا يبغاني افزع معه
وانا صراحه ماحب طريقة التعامل هذي عموما محله كوبري عتيقه وانت جاي من طريق الملك فهد تروح يمين اول اشاره تروح يمين تحصله علي يسارك

خياااااااط عبرود .. السليمانية شارع ابليس .. بس غالي

بس كثير مدحوه الصفوه

____________________

الأناقة - فرع الحسن بن علي - الروضة
اذا بياخذ المقاسات خل (فيصل) ياخذها .. وهو فلبيني له أكثر من 15 سنة في الاناقة وكان في فرع النسيم ونقل للروضة قبل فترة
روح وفصل عند الأناقة وبتدعي لي .. صح انه غالي شوي لكن لك وللزمن .. يفصله على جسمك وتحس ان جسمك مفصل على الثوب موب العكس .. أسعارهم بـ220 وانت طالع .. واذا بتجيب قماش من برا بـ130 ريال .. وياخذ من اسبوعين لين شهر في فترة الأعياد .. بالتوفيق حبيبي

من واقع تجربة

ثوب بلان مريح باللبس ولكنه يوسع لك الثوب
ثوب مشار. غير مريح /ماسك على جسمك/ خدمتهم سريعة
ثوب عبرود /مريح/سكبة/خدمتهم سيئة /كنت اتعامل معاهم بعد ماتركت بلان ومشار ولكن خدمة الباكستانيين تكرهك تتعامل معاهم مرة ثانية

ثوب الاناقة /كل الناس تمدحه ولكن تجربتي كانت غير ناجحة معهم
ثوب الرحاب/تشوفه حلو على غيرك فصلت عنده ثياب طلعت دمار وخصوصا طق طق القلاب ينفك ويجرح الدقن

حاليا جربت اليماني المستشار / يعدم لك ثوبين ثلاثة الى مايطلع لك واحد كويس

خذ الدفه ولا الشياكه ومش حالك ولا تشيل هم ملبوسك

خياط عادل بالروضه شارع حفصه القص والتفصيل بالمقاس وراح يعجبك باذن الله واشرط عليه هو يخيط لك المعلم حيدر لايهمك المحلات الكبيره والديكورات قل له جايك من طرف ابو مشاري
تحياتي لك

ياعيال وين وصف الاناقة اللي بشارع حسين بن علي ياريت الوصف لاني قادم من خارج الرياض

انصح جميع الاعضاء لا احد يفصل عن اثير الصفوة ثياب ضيقات وشين بقوة

31. بقلم: الاباتشي 21:07:47 2011.09.26
وصف المحل :
إذا دخلت للشارع من طريق خريص إمش لين تجيك الاشارة وبتشوف بنك سامبا على يسارك .. ديور مع الاشارة وكأنك راجع مرة ثانية لخريص بتمشي مسافة حوالي كيلوين وبتشوفه عاليمين .. موفق

السلام عليكم ممكن محلات تبيع الكبكات الماراكات الدرجة الاولى اللي تحت الاصلية

خياط الاوائل في السليمانية
او خياط دار النسيج في النسيم الشرقي

خياط بخيت في طريق الملك فهد قبل المستشفى التخصصي
خياط الوشلي بالمرسلات شارع ظبيه البراء

فيه خياط ممتاز جدا فلسويدي
تبي تخيط عنده
تواصل معي
والقماش تجيبه من عندك افضل

اتعامل مع بلان من ست سنوات

الحقيقه اعتبره الافضل بالرغم اني لم اجرب غير اثنين قبله لكن ارتحت معهم واستمريت.

من ست سنوات مفصل ثياب وللحين البسها وكأنها جديده مع اني كل سنه افصل ثوبين او ثلاث.

لكن القديمه باقيه بنفس جودتها مع انها تغسل وتكوى في البيت.
لكن سعرهم غالي وبعض موظفيهم يهتم بالزبائن على قدر مناصبهم في الدولة!!

لكن جودة قماشهم وتفصيلهم ومقاساتهم اعجبتني.

الاخ الي يقول يوسعون الثياب فعلا كلامه صحيح لكن الثوب يكون مريح جدا في اللبس وفي قيادة السيارة وفي الشغل. لكن بعض الشباب يحب يضيق الثياب وكل شخص وعمره ومزاجه.

افضل خياط بالرياض نصيحتكم مشار ولا بلان او الاناقة
--------------------------------------------------------------------------------




السلام عليكم ورحمة الله

كل عام وانتم بخير بكرا الاربعاء ابجي للرياض عندي شغل ودي افصل ثياب للعيد ابي رايكم ايهم افضل خياط مشار ولا بلان ولا الاناقه وماهو افضل فرع اي حي وياريت وصف للموقع اذا تكرمتم علينا وايهم افضل اخذ قماش من عندهم ولا من المحلات زي الكسائي والجديعي وماهو الافضل من انواع القطن الاقمشة وماهي افضل مصانع الاقشمة توفسيك ولا تنسيل ولا ليوسيل (بقشان وكم الرقم او سوبر وهل فيه انواع تنصحوني بها وياريت النوع والرقم
تحياتي للجميع

افضل خياط بالرياض نصيحتكم مشار ولا بلان او الاناقة
--------------------------------------------------------------------------------




السلام عليكم ورحمة الله

كل عام وانتم بخير بكرا الاربعاء ابجي للرياض عندي شغل ودي افصل ثياب للعيد ابي رايكم ايهم افضل خياط مشار ولا بلان ولا الاناقه وماهو افضل فرع اي حي وياريت وصف للموقع اذا تكرمتم علينا وايهم افضل اخذ قماش من عندهم ولا من المحلات زي الكسائي والجديعي وماهو الافضل من انواع القطن الاقمشة وماهي افضل مصانع الاقشمة توفسيك ولا تنسيل ولا ليوسيل (بقشان وكم الرقم او سوبر وهل فيه انواع تنصحوني بها وياريت النوع والرقم
تحياتي للجميع