آراء ومقترحات بخصوص فتح محل كبده طازجه بالرياض

مبروك مقدما

الخبز يكون تميس افضل بمرااااحل

أو مخابز الرغيف العربي اللي في أم الحمام
اغلب مطاعم الشاورما متعاقدين معهم

هذا مالدي

مبروك مقدما-المحل-وان شااء الله رزق مباارك لك-


-كويس وتمااااااااام-الغالبيه يحب الكبدة-وبالذااااااااات لو عندك معلمين يمنيين هم اسااااااااااااس

الصنعه وشوف المحل اشلون يمتلي ناس-تبي الفطور ووجبه العشاء-خذ بس المعلم اليماني


والمعلميين اليمنيين هم شاطرين في هاالصنعه-وخذ شغل ورزق من الله-

-وبالنسبه لشغل المطعم-خليه منوع كبدة-وايداماااااااااااااات-ووووووو-نوع-

وين محلك

اقلك من الحين مهما ما سويت
وحتى لو جبت الخاروف وخذيت الكبد حقه قدام الزباين
لازم يجيك واحد يقول كبده كلاب

على البركة ان شاءالله تعالى

الفكرة كانت تراودني منذ ان نقلت للرياض من جدة ...
حيث تعبت وانا ابحث عن مطعم " كبدة " محترم .. وشغل بلدي نظيف ... !!
ولكن للأسف مالقيت ...

المحل يحتاج منك ..
معلم كبدة يمني نظيف وشغله نظيف ..
تتفق مع مجازر على الحصول على الكبدة والتقاطيع " قلوب وكلاوي وكرشه ولسان "
حسب مافهمت من احد محلات الكبدة ان بيع الكرشة ممنوع من البلدية
ولكن غريبة .. مايحلا صحن التقاطيع بدون كرشه :)

الاصناق تكون :
كبدة صاج - تقاطيع صاج - لحمة راس مندي على الصاج - شربة لسان - شربه حب
وصلى الله وبارك ...

الخبر يكون خبز ابيض وخبز بٌر
الساندوتشات تكون بنفس الخبز ... نصف رغيف ...

خلي شغلك بلدي ....

انصحك تنزل جدة وتروح تذوق الكبدة والتقاطيع عند ابو احمدالصبحي
محله على دوار الطيارة سابقاً ...

راح تعرف ان الكبدة فن :)

واذا تبغى ساندوتشات روح للأطلال .. مع الدُقه تاكل كبدة على كيف كيف كيفك ...

ياخي من نقلت الرياض تبهذلت :)
<<<<<<<<<<<<<< فطوري رسمي كبدة وتقاطيع ولحمة راس ( ماشاءالله تبارك الله )

انوااااع الكوليسترول والجلطات الله بكفينا الشر

نصيحه
انت من سكان الرياض
رح مر محلات الكبدة اللي مقابلة للافتاء وتعش فيها وشف نوعية الخدمة وما يقدم وسبب نجاح تلك المحلات
وانا شخصيا افضل محل واحد منهم اللي مقابل باب الافتاء مباشرة وانت على شارع عسير
افضل واحد
صدقني اذا ما قدمت مثل مستواهم لا تفتح محل كبده
ويمكن تستقطب احد منهم يساعدك في اسرار الكبدة وتحضيرها
رح واحكم بنفسك

جزاكم الله خير

كلامكم حلق بالاذن مشكوورين

وانا ابحث عن افضل موردين للكبده الطازجه وافضل مخابز

وافضل خلطات (صوص) ممكن ان تستخدم للكبده

نصحك رد 2 تجيب معلمين يمنين هههههههههههههه لو حطية معلمين يمنين بتعزل خلال شهر معروف ان المطاعم يا تركي يا سوري يا لبناني غير مايصلح
بس انت تقول موردين للكبده الكبده ايذا ماهي طازجه بلمعنا الصحيح يعني بلدي ماتعتبر كبده وفاشله من الان اما ايذا بلدي فعلا وبتستمر عشان يكون لك سمعه ممتازه جدا بس تحتاج موقع جيد وعماله نضيفه وركز على النضافه

ان بغيت الكبده البلدي روح الحله سوق الغنم وتلقى انواع الكبد ه بربري سواكني عجول وغنم مريضه ويقولو بلدي هههههههههه وازيدك من الشعر بيت ترى اعلب مطاعم الكبده ماتاخذ الا من عندهم

اغلب الكبدة الموجودة بالسوق مثلجه من شركة الثلاجة العالمية وشركات اخرى

من تخصص في شيء أعطي حكمته ...

7. بقلم: kmhq

تكفى اوصف لي مكانهم :)
ياخي حست ماعرفت اوصل لمحل كبدة محترم في الرياض ..

طبعاً الوصف ابيه لعليمي ... يعني خلنا ع الشوارع الرئيسية ... والمعالم المعروفة وسهل نوصل لها ...

افضل محل كبده بالرياض كبدة فهد بالروضه مقابل مركز المعلومات حق المرور قريب من شارع انكاس رح شف راعي المحل يجلس بنفسه بالصباح يحاسب وخذ منه المعلومات الي تبي والمعلمين حقينه يمنيه والمطعم ماشاء الله تبارك الله شف الزحمه عليه من بعد صلاة الفجر والكبده من سنين عندهم ماتختلف على كيف كيفك..
وان بغيت معلم يمني تراني اخبرلي واحد كان معلم كبده صح وسافر اليمن ودق علي قبل فتره من هناك يسلم ويدور شغل

هالموضوع ماتفتحون النقاش فيه إلا بالصباح
ومع صحن الكبده اللي بالصورة مشهي
وعيني تطلع علييييه حرام علييييكم جوعتووونا )):

الي يبي كبده صح وطازجه يجي لشارع المطابخ بالخالديه عندك قمة الخير اتحدى احد ذاق افضل منها وطازجه لان المحل تابع للمطبخ والشارع كله مطابخ تيوس وانا مجربها

بالتوفيق صاحب الموضوع

السلام عليكم
اخوي صاحب الموضوع تبي العلم المفيد اذا توك ما فتحت سير علي بالخاص

لاتهتم افتج وجيب اي كبدا الشعب السعودي ياكل اي شي ومايميز بين الكبدا الطازج او المثلج او المستورد يجي يسالك اخوي الكبدة بلدي طازج ابويمن يهز راسة ايوة ياعمنا طازح فرش بلدي

ومشى حالك

افظل عمل تجاري بالسعودية المطاعم

خفجاوي كلامك ينطبق على بعض الفئة لكن السؤال وين الامانه ياخفجاوي اذا بتقول طازجه وهي مجمده او مستورده يعني تبيع ذمتك لجل 3 ريال من كل شخص ياصاحب الموضوع تذكر رزقك بيد رب العباد ان اخلصت وصدقت مع الله قبل الناس الله بيرزقك على قد نيتك

تبي كبده مضبوطه الصوص(ثوم وليمون وكمون وملح وخل وماء)اخلطها وحطهاعلى الكبده بعدماتكشنهاببصل وطماط وفلفل اسود وبهارات وزيد عليها بقدونس مفروم وشطه
وفيه كبده بالجبن السايل بعد حلوه
اهم شيء بالكبده تكون طازجه ماتحتاج تزيدهابهارات نكهتهاتكون حلوه
وذوق محلات هاشم عندهم كبده تورتيلا مره لذيذه يحط معهافلفل رومي ونفس صوص الطحينه
دعواتكم