كيف طريقة القرض العقاري ...؟؟؟

اول شي توفير مبلغ الارض حسب الموقع وتسجلها باسم صاحب القرض وطلع فسح بناء باسمه وتاخذ منه وكاله على استلام القرض والتوقيع نيابة عنه والرهن واستلام كامل الدفعات وبعدها تستلم الدفعه الاولى وتبدى البناء ولازم يكون عندك مبلغ يكملك عظم على الاقل من غير القرض لان دفعات البنك ما تستلمها الا بعد التنفيذ ليس قبل ومن ناحية يكفيك القرض على الفله اتوقع مايكفي الا فله صغيره من 300 الى 350 تقريبا واهم من هذا كله صاحب القرض لازم يكون بينك وبينه كتابه موثقه وشهود وشي واضح حتى لو ثقه الدنيا حياه وموت وبعد ما تكمل البيان وتستلم اخر دفعه وترجع ثاني مره للبنك وتسدد قسطين لهم 24 الف وتغير القرض باسمك بشرط ماتكون سبق وان اقترضت ولا تحاف العمليه بسيطه جدا سبق لي استلام قرضين بهذه الطريقه باسم اخواني وابيعها وتراهم مرنين في الاجراءات وسهلين وكلها 10 شهور وانت خالص بس اهم شي يكون عندك مبلغ تنفذ به البناء وتوكل على الله موفق خير

السلام عليكم
مثل ما افادك الاخ بس حبيت اضيف ان تسال من الناحيه الشرعيه
اسال الله ان يرزقك ما تتمنى

اشكرك يابو محمد على الرد ...

ما أدري صراحة المساحة المناسبة اللي يكفي القرض العقاري لبنائها ... لأن اعتمادي في البناء بشكل كبير سيكون على القرض حيث لا توجد إلا سيولة بسيطة جدا هل مساحة 400 وشقة في كل دور مناسبة ....
أما ماهي الطريقة لجعل القرض يكفيني لمعظم مراحل الانشاء من البداية حتى النهاية ..؟؟؟

كاسر99

شكرا لك .... والعلماء مختلفون

حمدكو
وش يعني العلماء مختلفين ؟

فيدني الله يفيدك , افهم من كلامك أن كل خلاف في المسألة معناه حلال . او أنا مخير

تسائل فقط
والله يكتب لنا ولك الخير

سعودي ... هذا الكلام اللي سمعته من شخص مطلع .....

وافضل من هذا انك تكتب معه عقد اجار طويل الاجل وتكيب انه استلمها عدا ونقدا ولك الحق في تاجيرها للغير كامله او مجزئه ولك الحق في استلام الاجار من المستاجرين واجراء العقود مع المستاجرين طيلة العقد حتى اذ اقلب عليك في البيع يكون معك عقد رديف

يعني تقصد من غير العقد اللي بشهود ... اني اسوي ايضا عقد ايجار ...؟؟؟

ابومحمد504

وتغير القرض باسمك بشرط ماتكون سبق وان اقترضت ...

يعني إذا اقترضت من قبل ماأقدر اسجل المبنى باسمي .....؟؟؟